Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightകോട്ടയത്ത് രണ്ട്...

കോട്ടയത്ത് രണ്ട് മുസ്​ലിം പള്ളികൾക്കുനേരെ കല്ലേറ്

text_fields
bookmark_border
Stones hurled at two mosques in Kottayam
cancel
camera_alt

ഹിദായത്തുൽ ഇസ്​ലാം മസ്ജിദി​െൻറ ജനൽ ചില്ലുകൾ തകർന്നനിലയിൽ

കങ്ങഴ: മേഖലയിൽ സാമൂഹികവിരുദ്ധരുടെ അഴിഞ്ഞാട്ടം പതിവാകുന്നു.വെള്ളിയാഴ്ച രാത്രി രണ്ട് മുസ്​ലിം പള്ളികൾക്കുനേരെ ആക്രമണമുണ്ടായി. കങ്ങഴ പുതൂർപ്പള്ളി മുസ്​ലിം ജമാഅത്തിന് കീഴിലുള്ള ചാരംപറമ്പ്, ഇടയിരിക്കപ്പുഴ പള്ളികളുടെ ജനാലകൾ കല്ലേറിൽ തകർന്നു.

വെള്ളിയാഴ്ച രാത്രി 11.30ഓടെയാണ് ബൈക്കിലെത്തിയവർ പള്ളിക്കുനേരെ കല്ലെറിഞ്ഞത്. ശബ്​ദം കേട്ട് സമീപവാസികൾ എത്തിയപ്പോഴേക്കും ഇവർ രക്ഷപ്പെട്ടു. കഴിഞ്ഞദിവസം പത്തനാട്ടെ ​െപട്രോൾ പമ്പിൽ ബൈക്കിലെത്തിയ യുവാക്കൾ കത്തികാട്ടി ഉടമയെയും ജീവനക്കാരെയും ഭീഷണിപ്പെടുത്തി.

വീണ്ടുമെത്തിയ ഇവർ രാത്രി പമ്പിലേക്ക് ബോംബ് എറിയുമെന്നും ഭീഷണിപ്പെടുത്തിയിരുന്നു. സംഭവത്തിൽ പൊലീസ് കേസെടുത്ത്​ അന്വേഷണം ആരംഭിച്ചു. പ്രദേശത്ത് ഗുണ്ടാവിളയാട്ടവും ആക്രമണവും പതിവായതോടെ പൊലീസ് പട്രോളിങ് ഊർജിതമാക്കണമെന്നാണ് നാട്ടുകാരുടെ ആവശ്യം.

ഇമാംസ് കൗൺസിൽ പ്രതിഷേധിച്ചു

പത്തനാട്: മുനീറുൽ ഇസ്​ലാം മസ്ജിദ് ഇടയിരിക്കപ്പുഴ, കങ്ങഴ ഹിദായത്തുൽ ഇസ്​ലാം മസ്ജിദ്, ചാരംപറമ്പ് കങ്ങഴ എന്നീ മസ്ജിദുകൾക്ക് നേരെ വെള്ളിയാഴ്ച ഉണ്ടായ സാമൂഹിക വിരുദ്ധരുടെ ആക്രമണത്തിൽ ഓൾ ഇന്ത്യ ഇമാംസ് കൗൺസിൽ പ്രതിഷേധിച്ചു. ആക്രമണം നടത്തിയവരെ അറസ്​റ്റ്​ ചെയ്യണമെന്ന് സ്ഥലം സന്ദർശിച്ച കൗൺസിൽ ഭാരവാഹികൾ ആവശ്യപ്പെട്ടു. ജില്ല സെക്രട്ടറി അൻസാരി മൗലവി, സംസ്ഥാന സമിതി അംഗം അബ്​ദുറസാഖ് മൗലവി, അബ്​ദുൽ അസീസ് മൗലവി, ഷാജഹാൻ മൗലവി എന്നിവർ സന്ദർശിച്ചു.

Show Full Article
TAGS:kangazha mosque 
Next Story