Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightജി.എസ്​.ടി...

ജി.എസ്​.ടി നടപ്പിലാക്കിയതു മൂലം സംസ്​ഥാന ട്രഷറി ഐ.സി.യുവിൽ -ചെന്നിത്തല

text_fields
bookmark_border
ജി.എസ്​.ടി നടപ്പിലാക്കിയതു മൂലം സംസ്​ഥാന ട്രഷറി ഐ.സി.യുവിൽ -ചെന്നിത്തല
cancel

ആലപ്പുഴ: സംസ്ഥാനത്ത് വികസനം വഴിമുട്ടിയെന്നും സർക്കാറി​​െൻറ പരാജയം ജീവനക്കാരുടെ തലയിൽ കെട്ടിവെക്കാനാണ് ശ്രമമെന്നും മുൻ മുഖ്യമന്ത്രി ഉമ്മൻ ചാണ്ടി. പങ്കാളിത്ത പെൻഷൻ പദ്ധതി ഒരിക്കലും ഇടത് സർക്കാറിന് എടുത്ത് മാറ്റാൻ കഴിയില്ല. കേരള എൻ.ജി.ഒ അസോസിയേഷൻ സംസ്ഥാന സമ്മേളന ഉദ്ഘാടന ചടങ്ങിൽ സംസാരിക്കുകയായിരുന്നു അദ്ദേഹം.

മുന്നൊരുക്കങ്ങളില്ലാതെ ജി.എസ്​.ടി നടപ്പിലാക്കിയതുമൂലം സംസ്​ഥാന ട്രഷറി ഐ.സി.യുവിൽ ആയിരിക്കുകയാണെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. എൻ.ജി.ഒ അസോസിയേഷൻ 43ാം സംസ്​ഥാന സമ്മേളനത്തി​​െൻറ ഭാഗമായ ജന്മദിന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
മന്ത്രിമാർക്ക് മാർക്കിടുന്ന മുഖ്യമന്ത്രിക്ക്​ പൂജ്യം മാർക്കാണ്. മോഡറേഷൻ നൽകിയാലും ആരും പാസാകില്ല. 10 ശതമാനം പ്രവൃത്തികൾ പോലും നടപ്പായില്ല.

മുഖ്യമന്ത്രിയും മന്ത്രിമാരും തീരുമാനങ്ങൾ എടുക്കാത്തതിനാൽ ഭരണരംഗം ഗുരുതരമായ സ്​തംഭനാവസ്​ഥയിലാണ്. സിവിൽ സർവിസിൽ കാര്യക്ഷമതയുണ്ടാക്കുന്നതിന് യാതൊരു നടപടിയുമില്ല. സർക്കാറി​​െൻറ പ്രഖ്യാപിത പദ്ധതികളായ എല്ലാവർക്കും വീട്, ഹരിത കേരളം, ആരോഗ്യ കേരളം, പൊതുവിദ്യാഭ്യാസത്തെ ശകതിപ്പെടുത്തൽ എന്നീ നാല് പദ്ധതികളും തികഞ്ഞ പരാജയമായിരിക്കുകയാണ്. സർവ പ്രതീക്ഷകളും തകർന്നിരിക്കുകയാണ്. ജീവനക്കാരെ ബലിയാടാക്കി പരാജയം മൂടിവെക്കുകയാണെന്നും ചെന്നിത്തല പറഞ്ഞു.

Show Full Article
TAGS:chennithala State Treasury kerala news malayalam news 
Next Story