സംസ്ഥാന സ്കൂൾ കലോത്സവം: മാധ്യമം സപ്ലിമെന്റ് 'ഇലഞി'ക്ക് പ്രത്യേക പരാമർശം.

തിരുവനന്തപുരം: തൃശൂരിൽ നടന്ന സംസ്​ഥാന സ്​കൂൾ കലോത്സവ കവറേജിനുള്ള മാധ്യമ അവാർഡുകൾ പ്രഖ്യാപിച്ചു. മികച്ച പ്രത്യേക പതിപ്പിനുള്ള പ്രത്യേക പരാമർശ പുരസ്​ക്കാരം ‘മാധ്യമം’ പുറത്തിറക്കിയ ‘ഇലഞ്ഞി’ക്ക്​ ലഭിച്ചു. ദൃശ്യമാധ്യമ വിഭാഗത്തിൽ മികച്ച റിപ്പോർട്ടർക്കുള്ള പുരസ്​ക്കാരം മീഡിയ വൺ ചാനലിലെ കെ. ദീപകിനാണ്​. ആദിവാസി തെരണ്ട്​ കല്യാണപ്പാട്ട്​ സംബന്ധിച്ച റിപ്പോർട്ടിനാണ്​ അവാർഡ്​. 

മറ്റ്​ അവാർഡുകൾ: അച്ചടി മാധ്യമം, മികച്ച റിപ്പോർട്ടിങ്​ സുരേഷ്​ ചൈത്രം (ജനയുഗം), വി.എം രാധാകൃഷ്​ണൻ (ദേശാഭിമാനി). മികച്ച ഫോ​േട്ടാഗ്രാഫർ: ഷമ്മി സരസ്​ (സുപ്രഭാതം), പ്രത്യേക പരാമർശം: കെ. ശശി (ചന്ദ്രിക), മികച്ച കാർട്ടൂൺ: കെ.എം ശിഖ (മലയാള മനോരമ), മികച്ച റൗണ്ടപ്പ്​: എം.ബി ബാബു (മാതൃഭൂമി), മികച്ച ലേഒൗട്ട്​: മലയാള മനോരമ, മികച്ച പ്രത്യേക പതിപ്പ്​: ദേശാഭിമാനി, മികച്ച റിപ്പോർട്ടർ (ഇംഗ്ലീഷ്​): സി.പി സജിത്​ (ദ ന്യൂ ഇന്ത്യൻ എക്​സ്​പ്രസ്​), രാമവർമൻ (ടൈംസ്​ ഒാഫ്​ ഇന്ത്യ), മികച്ച കവറേജ്​: ഡെക്കാൻ ക്രോണിക്കിൾ, മികച്ച റിപ്പോർട്ടർക്കുള്ള പ്രത്യേക പരാമർശം (ദൃശ്യമാധ്യമം): ദീപക്​ ധർമടം (അമൃത ടി.വി), മികച്ച കാമറാമാൻ: വി.ജെ അനൂപ്​ (ജയ്​ഹിന്ദ്​ ടി.വി), മധു മേനോൻ (എഷ്യാനെറ്റ്​ ന്യൂസ്​)

മികച്ച കവറേജ്​: മാതൃഭൂമി ന്യൂസ്​, മനോരമ ന്യൂസ്​, പ്രത്യേക പരാമർശം: കൈരളി പീപ്പിൾ, പ്രാദേശിക ചാനൽ : ടി.സി.വി, ഒാൺലൈൻ പത്രം: മനോരമ ഒാൺലൈൻ, സ്​ക്രീൻ ഷോട്ട്​: കേരള കൗമുദി. ശ്രവ്യമാധ്യമം: ആകാശവാണി. അവാർഡ്​ ജേതാക്കൾക്ക്​ ശിൽപ്പവും വ്യക്​തികൾക്ക്​ 20000 രൂപയും സ്​ഥാപനങ്ങൾക്ക്​ 25000 രൂപയും ലഭിക്കും. പി.പി മുഹമ്മദ്​ കോയ, വി.കെ ജനാർദ്ധനൻ, രേണു രാമാനത്ത്​  എന്നിവർ അടങ്ങിയ ജഡ്​ജിങ്​ കമ്മിറ്റിയാണ്​ അവാർഡ്​ നിർണയം നടത്തിയത്​.