പരസ്പരം പോരാണ്​; മൊഹബത്തും, മാ​പ്പി​ള​ക​ല​ക​ൾ പ​രി​ശീ​ലി​പ്പി​ക്കു​ന്ന സം​ഘ​ത്തിന്​ പറയാനുണ്ട്​ ഏറെ

കൊ​ല്ലം: ക​ലോ​ത്സ​വ​ങ്ങ​ളാ​യ ക​ലോ​ത്സ​വ​ങ്ങ​ളി​ലെ​ല്ലാം ഈ ​അ​ധ്യാ​പ​ക​ർ എ​തി​രാ​ളി​ക​ളാ​ണ്. ഓ​രോ​രു​ത്ത​രും മൂ​ന്നും നാ​ലും സം​ഘ​ങ്ങ​ളും നൂ​റോ​ളം ശി​ഷ്യ​രു​മാ​യി ഓ​രോ സം​സ്ഥാ​ന ക​ലോ​ത്സ​വ​ത്തി​ലും പ​ര​സ്പ​രം പോ​ര​ടി​ക്കാ​ൻ തു​ട​ങ്ങി​യി​ട്ട്​ പ​തി​റ്റാ​ണ്ടു​ക​ൾ പ​ല​താ​യി.

എ​ന്നാ​ൽ, പോ​രെ​ല്ലാം ആ ​വേ​ദി​യി​ൽ തീ​രും. പു​റ​ത്തി​റ​ങ്ങി​യാ​ൽ ഒ​രേ മ​ന​സ്സോ​ടെ പ​ര​സ്പ​രം സൗ​ഹൃ​ദം കൈ​മാ​റു​ന്ന സൗ​ഹൃ​ദ​ക്കൂ​ട്ട​മാ​യി മാ​റും. സം​സ്ഥാ​ന​ത്ത്​ മാ​പ്പി​ള​ക​ല​ക​ൾ ക​ലോ​ത്സ​വ​പോ​രാ​ട്ട​ങ്ങ​ൾ​ക്കാ​യി പ​രി​ശീ​ലി​പ്പി​ക്കു​ന്ന 15 പേ​രു​ടെ സം​ഘ​മാ​ണ്​ വൈ​ര​മ​ല്ല, സ്നേ​ഹ​മാ​ണ്​ ഇ​ന്നി​ന്‍റെ ആ​വ​ശ്യ​മെ​ന്ന്​ വി​ളി​ച്ചോ​തി കൊ​ല്ലം ക​ലോ​ത്സ​വ മ​ന​സ്സും കീ​ഴ​ട​ക്കു​ന്ന​ത്. മാ​പ്പി​ള​പ്പാ​ട്ട്, ഒ​പ്പ​ന, ദ​ഫ്​​മു​ട്ട്, അ​റ​ബ​ന മു​ട്ട്, വ​ട്ട​പ്പാ​ട്ട്, കോ​ൽ​ക്ക​ളി അ​ങ്ങ​നെ മാ​പ്പി​ള​ക​ല​ക​ളെ​ല്ലാം എ​ല്ലാ ജി​ല്ല​ക​ളി​ലും സ്കൂ​ൾ വി​ദ്യാ​ർ​ഥി​ക​ളെ പ​രി​ശീ​ലി​പ്പി​ക്കു​ന്ന​ത്​ ഈ ​സം​ഘാം​ഗ​ങ്ങ​ളാ​ണ്. ഇ​വ​രി​ൽ പ​ല​രും 30-35 വ​ർ​ഷം വ​രെ​യാ​യി ഈ ​മേ​ഖ​ല​യി​ലു​ള്ള​വ​രാ​ണ്. കൂ​ട്ടാ​യ്മ​ക്ക്​ ശ​ക്തി പ​ക​ർ​ന്ന്​ സ്​​റ്റേ​റ്റ്​ മാ​പ്പി​ള​ക​ല ടീ​ച്ചേ​ഴ്​​സ്​ അ​സോ​സി​യേ​ഷ​ൻ എ​ന്നൊ​രു സം​ഘ​ട​ന​യും ഇ​വ​ർ രൂ​പ​വ​ത്​​ക​രി​ച്ചു. ഓ​രോ​രു​ത്ത​രും സം​സ്ഥാ​ന​ത്തു​ത​ന്നെ നാ​ലും അ​ഞ്ചും വ​രെ ടീ​മു​ക​ളാ​യാ​ണ്​ വ​രു​ന്ന​ത്.

വേ​ദി​ക​ളി​ൽ പ​ര​സ്പ​രം ഈ ​കു​ട്ടി​ക​ൾ മ​ത്സ​രി​ക്കു​മ്പോ​ഴും പു​റ​ത്ത്​ പി​ന്തു​ണ​യു​മാ​യി ഈ ​കൂ​ട്ടു​കാ​രെ​ല്ലാം ഒ​ത്തൊ​രു​മി​ച്ചു​ണ്ടാ​കു​ന്ന കാ​ഴ്ച​യാ​ണ്​ ഇ​വി​ടെ​യും മ​നം കു​ളി​ർ​പ്പി​ക്കു​ന്ന​ത്. നൗ​ഷാ​ദ്​ കൂ​ത്തു​പ​റ​മ്പ, ഷെ​ഹീ​ർ വ​ട​ക​ര, ഷി​ഹാ​ബ്​ മാ​റാ​ട്, ക​ബീ​ർ ന​ല്ല​ളം, ഉ​മ്മ​ർ മാ​വൂ​ർ, ന​സീ​ർ പാ​നൂ​ർ, ഹാ​രി​സ്​ വ​യ​നാ​ട്, അ​ഫ്​​സ​ൽ കോ​മ​ത്ത്​ എ​ന്നി​വ​ര​ട​ങ്ങു​ന്ന സം​ഘ​മാ​ണ്​ ഇ​ത്ത​വ​ണ എ​ത്തി​യി​രി​ക്കു​ന്ന​ത്.