കോടതികളും വിവരാവകാശ പരിധിയിലെന്ന്​ കമീഷൻ

തി​രു​വ​ന​ന്ത​പു​രം: കോ​ട​തി​ക​ൾ വി​വ​രാ​വ​കാ​ശ നി​യ​മ​ത്തി​ന് പു​റ​ത്ത​ല്ലെ​ന്നും റൂ​ൾ 12 പ്ര​കാ​രം എ​ല്ലാ വി​വ​ര​ങ്ങ​ളും നി​ഷേ​ധി​ക്കാ​നാ​വി​ല്ലെ​ന്നും സം​സ്ഥാ​ന വി​വ​രാ​വ​കാ​ശ ക​മീ​ഷ​ൻ. ചി​ല കോ​ട​തി ജീ​വ​ന​ക്കാ​ർ വി​വ​രാ​വ​കാ​ശ അ​പേ​ക്ഷ​ക​ളെ​ല്ലാം നി​ഷേ​ധി​ക്കു​ന്നു​ണ്ടെ​ന്നും ജു​ഡീ​ഷ്യ​ൽ പ്രൊ​സീ​ഡി​ങ്​​സ്​ അ​ല്ലാ​ത്ത ഒ​രു വി​വ​ര​വും നി​ഷേ​ധി​ക്കാ​ൻ പാ​ടി​ല്ലെ​ന്നും സം​സ്ഥാ​ന വി​വ​രാ​വ​കാ​ശ ക​മീ​ഷ​ണ​ർ ഡോ. ​എ. അ​ബ്ദു​ൽ ഹ​ക്കീം ഉ​ത്ത​ര​വാ​യി.

സു​പ്രീം​കോ​ട​തി​യും രാ​ജ്യ​ത്തെ പ്ര​ധാ​ന കോ​ട​തി​ക​ളും ന​ട​പ​ടി​ക​ൾ ത​ത്സ​മ​യം സം​പ്രേ​ഷ​ണം ചെ​യ്യു​മ്പോ​ൾ കീ​ഴ്​​കോ​ട​തി​ക​ൾ അ​പേ​ക്ഷി​ക്കു​ന്ന വി​വ​ര​ങ്ങ​ൾ പോ​ലും നി​ഷേ​ധി​ക്കു​ന്ന​ത് കു​റ്റ​ക​ര​വും ശി​ക്ഷാ​ർ​ഹ​വു​മാ​ണ്. ചാ​ല​ക്കു​ടി മു​ൻ​സി​ഫ് കോ​ട​തി​യി​ലെ വി​വ​രാ​ധി​കാ​രി​ക്കെ​തി​രെ ല​ഭി​ച്ച പ​രാ​തി ഹ​ര​ജി തീ​ർ​പ്പാ​ക്കി​യാ​ണ് ക​മീ​ഷ​ന്‍റെ ഉ​ത്ത​ര​വ്.

മ​ല​പ്പു​റം ചേ​ല​മ്പ്ര ജോ​സ​ഫ് ജേ​ക്ക​ബ് 2021 ജൂ​ണി​ലും ജൂ​ലൈ​യി​ലും വ​ട​ക്കാ​ഞ്ചേ​രി മു​ൻ​സി​ഫ് കോ​ട​തി​യി​ൽ ന​ൽ​കി​യ വി​വ​രാ​വ​കാ​ശ അ​പേ​ക്ഷ​ക​ൾ റൂ​ൾ 12 പ്ര​കാ​രം കോ​ട​തി വി​വ​ര​ങ്ങ​ൾ പു​റ​ത്ത് ന​ൽ​കാ​ൻ ക​ഴി​യി​ല്ലെ​ന്ന വി​ശ​ദീ​ക​ര​ണ​ത്തോ​ടെ വി​വ​രാ​ധി​കാ​രി അ​ജി​ത്കു​മാ​ർ ത​ള്ളി​യി​രു​ന്നു. ലേ​ല സ​ന്ന​ദ്, വ​ക്കാ​ല​ത്ത് പ​ക​ർ​പ്പ് എ​ന്നി​വ​യു​ടെ​യും അ​നു​ബ​ന്ധ​രേ​ഖ​ക​ളു​ടെ​യും കോ​പ്പി​ക​ളാ​ണ് ജോ​സ​ഫ് ആ​വ​ശ്യ​പ്പെ​ട്ട​ത്. എ​ന്നാ​ൽ കീ​ഴ്​​കോ​ട​തി​ക​ളും ട്രൈ​ബ്യൂ​ണ​ലു​ക​ളും സം​ബ​ന്ധി​ച്ച ച​ട്ടം 12 പ്ര​കാ​രം അ​പേ​ക്ഷ സ്വീ​ക​രി​ക്കേ​ണ്ട​തി​ല്ല എ​ന്ന നി​ല​പാ​ടി​ലാ​യി​രു​ന്നു വി​വ​രാ​ധി​കാ​രി​യു​ടെ മ​റു​പ​ടി.

അ​പ്പീ​ൽ ഹ​ര​ജി​യി​ൽ വി​വ​രാ​വ​കാ​ശ ക​മീ​ഷ​ൻ റി​പ്പോ​ർ​ട്ട് ആ​വ​ശ്യ​പ്പെ​ട്ട​തോ​ടെ പു​തി​യ വി​വ​രാ​ധി​കാ​രി വി​വ​ര​ങ്ങ​ൾ ല​ഭ്യ​മാ​ക്കി. എ​ങ്കി​ലും ജോ​സ​ഫ് പ​രാ​തി​യി​ൽ ഉ​റ​ച്ചു​നി​ന്ന​തി​നാ​ൽ വി​വ​രം നി​ഷേ​ധി​ച്ച മു​ൻ​സി​ഫ് കോ​ട​തി​യി​ലെ വി​ര​മി​ച്ച വി​വ​രാ​ധി​കാ​രി അ​ജി​ത്കു​മാ​റി​നെ​തി​രെ ആ​ർ.​ടി.​ഐ നി​യ​മം 20(1) പ്ര​കാ​രം ശി​ക്ഷാ​ന​ട​പ​ടി സ്വീ​ക​രി​ക്കാ​നും ക​മീ​ഷ​ൻ തീ​രു​മാ​നി​ച്ചു. വി​ശ​ദീ​ക​ര​ണ​വു​മാ​യി എ​തി​ർ ക​ക്ഷി മേ​യ് 28ന് ​ക​മീ​ഷ​ൻ ആ​സ്ഥാ​ന​ത്ത് ഹാ​ജ​രാ​ക​ണ​മെ​ന്നും നി​ർ​ദേ​ശി​ച്ചു.