എ.ഡി.ജി.പിയുടെ മകൾ ൈഡ്രവറെ മർദിച്ച കേസ്​: അന്വേഷണം ഉടൻ പൂർത്തിയാക്കണമെന്ന്

തിരുവനന്തപുരം: ബറ്റാലിയൻ എ.ഡി.ജി.പിയായിരുന്ന സുധേഷ് കുമാറിന്‍റെ മകൾ പൊലീസ്​ ൈഡ്രവറെ മർദിച്ച കേസിൽ അന്വേഷണം സ ത്യസന്ധമായും നിഷ്പക്ഷവുമായി പൂർത്തിയാക്കി എത്രയും വേഗം കോടതിയിൽ അന്തിമ റിപ്പോർട്ട് സമർപ്പിക്കണമെന്ന് സം സ്​ഥാന മനുഷ്യാവകാശ കമീഷൻ. ൈക്രംബ്രാഞ്ച് എസ്.പിക്കാണ്​ അധ്യക്ഷൻ ജസ്​റ്റിസ്​ ആൻറണി ഡൊമിനിക് നിർദേശം നൽകിയത്. എസ്​.എ.പി ബറ്റാലിയനിലെ ൈഡ്രവർ ഗവാസ്​കറുടെ ഭാര്യ രേഷ്മ തൽഹത്ത് നൽകിയ പരാതിയിലാണ് ഉത്തരവ്.

ൈക്രംബ്രാഞ്ചിൽനിന്ന്​ കമീഷൻ റിപ്പോർട്ട് വാങ്ങി. പരാതിക്കാരിയുടെ ഭർത്താവിന്‍റെ മൊഴിയുടെ അടിസ്​ഥാനത്തിൽ മ്യൂസിയം പൊലീസ്​ ൈക്രം കേസ്​ രജിസ്​റ്റർ ചെയ്തിരുന്നതായി റിപ്പോർട്ടിൽ പറയുന്നു. എ.ഡി.ജി.പിയുടെ മകളുടെ മൊഴിയുടെ അടിസ്​ഥാനത്തിൽ മറ്റൊരു കേസും രജിസ്​റ്റർ ചെയ്തിട്ടുണ്ട്. രണ്ടും അന്വേഷിക്കുന്നത് തിരുവനന്തപുരം സിറ്റി ജില്ല ൈക്രംബ്രാഞ്ച് അസി. കമീഷണറാണ്.

കേസുകളിൽ എഫ്.ഐ.ആർ റദ്ദാക്കാൻ ൈഡ്രവർ ഗവാസ്​കറും എ.ഡി.ജി.പിയുടെ മകൾ സ്​നിഗ്ധകുമാറും ഹൈകോടതിയിൽ പരാതി സമർപ്പിച്ചിട്ടുണ്ട്​. എന്നാൽ, ഉത്തരവ് വന്നിട്ടില്ല. അന്വേഷണം പൂർത്തിയാക്കി എത്രയും വേഗം അന്തിമ റിപ്പോർട്ട് സമർപ്പിക്കുമെന്നും റിപ്പോർട്ടിൽ പറയുന്നു.