സ്​ത്രീസുരക്ഷക്ക്​ പ്രത്യേക വകുപ്പ്​ രൂപീകരിക്കുമെന്ന്​ ഗവർണറുടെ നയപ്രഖ്യാപനം

തിരുവനന്തപുരം: നോട്ട്​ അസാധുവാക്കൽ വിഷയത്തിൽ കേന്ദ്രസർക്കാറിനെ വിമർശിച്ച് ഗവർണർ പി. സദാശിവത്തിന്‍റെ നയപ്രഖ്യാപന പ്രസംഗം. നോട്ട്​ അസാധുവാക്കൽ സാധാരണക്കാർ ബുദ്ധിമുട്ടിലാക്കിയെന്നും സഹകരണമേഖല സ്​തംഭനത്തിലായെന്നും ബജറ്റ് പ്രസംഗത്തിന് മുന്നോടിയായുള്ള പ്രസംഗത്തിൽ ഗവർണർ വ്യക്തമാക്കി. അഴിമതിക്കെതിരായ പോരാട്ടത്തിനാണ്​ ജനങ്ങൾ സംസ്ഥാന സർക്കാറിനെ തെരഞ്ഞെടുത്തത്​. വികസന നയങ്ങളും സുതാര്യതയുമാണ്​ സർക്കാറിനെ നയിക്കുന്നതെന്ന്​ ഗവർണർ പറഞ്ഞു.

ആരോഗ്യം, വിദ്യാഭ്യാസം, പാർപ്പിടം തുടങ്ങി ആറു മേഖലകളെ ലക്ഷ്യമിട്ട്​ നവ കേരള പദ്ധതി, സ്​ത്രീസുരക്ഷക്കായി പ്രത്യേക വകുപ്പ്​, ലൈംഗികാതിക്രമങ്ങൾക്കിരയാകുന്നവർക്കായി നഷ്​ടപരിഹാര നിധിയും എല്ലാ താലൂക്കിലും വനിതാ പൊലീസ്​ സ്​റ്റേഷനും അടിസ്​ഥാന സൗകര്യ വികസനം, ഡിജിറ്റൽ പെൻഷൻ എന്നിവയാണ്​ ​ഗവർണറുടെ പ്രധാന പ്രഖ്യാപനങ്ങൾ. ലൈംഗിക കുറ്റവാളികളുടെ പട്ടിക തയാറാക്കി പരസ്യ​െപ്പടുത്തു​െമന്ന വാഗ്​ദാനവും നയ പ്രഖ്യാപനത്തിലുണ്ട്​.

അതേസമയം, അരിയില്ല, പണമില്ല, വെള്ളമില്ല, സ്​ത്രീസുരക്ഷ എവിടെ തുടങ്ങിയ പ്രതിഷേധ ബാനറുകളുമായാണ്​ പ്രതിപക്ഷം സമ്മേളനത്തിന്​ എത്തിയത്​. നേരത്തെ, ബജറ്റ് അവതരണത്തിന് നിയമസഭ സമ്മേളനം തുടങ്ങി‍യപ്പോൾ നയപ്രഖ്യാപന പ്രസംഗത്തിന്​ നിയമസഭയിലെത്തിയ ഗവർണറെ ആചാരപരമായി സ്വീകരിച്ചു. സ്​പീക്കർ പി. ശ്രീരാമകൃഷ്​ണൻ, മുഖ്യമന്ത്രി പിണറായി വിജയൻ, മന്ത്രി എ.കെ. ബാലൻ എന്നിവരാണ്​ ഗവർണറെ സ്വീകരിക്കാനെത്തിയത്​.

നയപ്രഖ്യാപന പ്രസംഗത്തിൽ നിന്ന്​ :

• നോട്ട്​ അസാധുവാക്കൽ മൂലം സഹകരണ മേഖല പ്രതിസന്ധിയിൽ
• കാർഷി വ്യവസായ മേഖലകളിൽ പ്രതിസന്ധി
• മെച്ച​െപ്പട്ട സേവനം ഉറപ്പാക്കാൻ നിയമം കൊണ്ടുവരും
• സംസ്​ഥാനം കടുത്ത വരൾച്ച നേരിടുന്നു
• വരൾച്ച നേരിടാൻ സർക്കാർ ഉൗർജ്ജിത പ്രവർത്തനങ്ങൾ തുടങ്ങി
• കുടിവെള്ളപ്രശ്​നംനേരിടാൻ കലക്​ടർമാർക്ക്​ പ്രത്യേക ഫണ്ട്​ നൽകി
• റബർ കർഷകരു​െട പ്രതിസന്ധി പരിഹരിക്കാൻ നടപടികളെടുത്തു
• പ്രവാസികൾ തിരിച്ചെത്തുന്ന അവസ്​ഥ സംസ്​ഥാനത്തിന്​ പ്രതിസന്ധി ഉണ്ടാക്കി
• തോട്ടംതൊഴിലാളികൾ, ചെറുകിടവ്യവസായികൾ, കർഷകർ എന്നിവരുടെ പ്രശ്​നങ്ങൾ പരിഹരിക്കാൻ സർക്കാൻ നടപടിയെടുത്തു.
• ആറ്​ മേഖലകളെ ലക്ഷ്യമിട്ട്​ നവ കേരള പദ്ധതി
• വിദ്യാഭ്യാസ ആരോഗ്യ മേഖലകൾ മെച്ചപ്പെടുത്തും
• ആരോഗ്യമേഖല മെച്ച​െപ്പടുത്തുന്നതിന്​ ആർദ്രം പദ്ധതി
• ജൈവകൃഷി പ്രോത്​സാഹിപ്പിക്കും
• ക്ലാസ്​റൂമുകളെ ഡിജിറ്റലാക്കാൻ പദ്ധതികൾ
• അഞ്ച്​ വർഷത്തിനുള്ളിൽ കാർഷിക സ്വയം പര്യാപ്​തതനേടും
• ഭവനരഹിതർക്കായി 4.32 ലക്ഷം പുതിയ വീടുകൾ
• 2021 ഒാടെ എല്ലാവർക്കും വീട്​: തോട്ടം തൊഴിലാളികൾക്കായി സമഗ്ര പാർപ്പിട പദ്ധതി
• 100 സ്​കൂളുകളെ അന്താരാഷ്​ട്ര നിലവാരത്തിലേക്ക്​ ഉയർത്തുന്നതിന്​ പരിഷ്​കരണ പദ്ധതി
• മാലിന്യമുക്​ത, ഹരിത കാർഷിക കേരളത്തിന്​ ഹരിത കേരളം പദ്ധതി
• സുതാര്യത, ഉത്തരവാദിത്തം, കാര്യക്ഷമത എന്നിവ ഉറപ്പാക്കാൻ വ്യവസ്​ഥകൾ
• പദ്ധതികളിൽ ദുർബല വിഭാഗങ്ങൾക്ക്​ മുൻഗണന, നിയമഭേദഗതി
• ജനകീയാസൂത്രണം മെച്ച​െപ്പട്ട രീതിയിൽ പുനഃസ്​ഥാപിക്കും
• പ്രഫഷണലുകളെയും പ്രാദേശിക വിദഗ്​ദരെയും വളണ്ടിയർമാരാക്കും
• നീതി ആ​േയാഗിനോട്​ വിയോജിപ്പ്​, പഞ്ചവത്​സര പദ്ധതി തുടരും
• സ്​ത്രീസുരക്ഷ ഹനിക്കുന്നവർക്ക്​ മാപ്പില്ല, സ്​ത്രീ സുരക്ഷക്ക്​ പ്രത്യേക വകുപ്പ്​
• ലൈംഗിക അതിക്രമങ്ങളുടെ ഇരകളെ സഹായിക്കാൻ സമഗ്ര നഷ്​ടപരിഹാര നിധി
• ലൈംഗിക കുറ്റവാളികളുടെ പട്ടിക തയാറാക്കി പരസ്യപ്പെടുത്തും
• എല്ലാ താലൂക്കുകളിലും വനിതാ പൊലീസ്​ സ്​റ്റേഷൻ
• വൈദ്യുതിയുള്ള എല്ലാ വീട്ടിലും ഇൻറർനെറ്റ്​ കണക്​ഷൻ
• സഹകരണബാങ്കുകളിൽ കോർ ബാങ്കിങ്​ നടപ്പിലാക്കും
• നെറ്റ്​ –കോർ ബാങ്കിങ്​ വഴി പെൻഷൻവിതരണം എളുപ്പമാക്കും
• അടിസ്​ഥാന സൗകര്യം വികസിപ്പിക്കും
• ദേശീയ പാത വികസനം, സ്​മാർട്ട്​സിറ്റി പദ്ധതികൾ വേഗത്തിലാക്കും
• കൂടുതൽ വ്യവസായ പാർക്കുകൾ സ്​ഥാപിക്കും
• സംരംഭങ്ങൾ പ്രോത്​സാഹിപ്പിക്കാൻ പ്രത്യേക പദ്ധതി
• പൊതുമേഖല സ്​ഥാപനങ്ങൾ നവീകരിക്കും
• 4000 കോടിയുടെ വികസന പദ്ധതികൾ കിഫ്​ബി വഴി നടത്തും
• തനത്​ അരിയിനങ്ങൾ പ്രോത്​സാഹിപ്പിക്കാൻ വയനാട്​ കേന്ദ്രീകരിച്ച്​ പ്രത്യേക പദ്ധതി
• കശുവണ്ടി കയർമേഖലകൾ പുനരുദ്ധരിപ്പിക്കാൻ പദ്ധതികൾ
• ഉൽപ്പന്നങ്ങൾ ബ്രാൻഡ്​ കേരള എന്ന പേരിൽ വിപണിയിലെത്തിക്കും
• കൊച്ചിയിൽ ഫർണിച്ചർ ഹബ്ബ്​ തുടങ്ങും
• കരകൗശല തൊഴിലാളികൾക്ക്​ പ്രത്യേക വിപണന കേന്ദ്രങ്ങൾ
• അഞ്ചുമെഡിക്കൽ കോളജുകളിൽ കോംപ്രഹെൻസീവ്​ കാൻസർ കെയർ സ​െൻററുകൾ
• ജില്ലകളിലെ ഒരുആശുപത്രി വീതം സൂപ്പൻ സ്​പെഷ്യാലിറ്റിയാക്കും
• എട്ട്​ ജില്ലാ ആശുപത്രികളിൽ ഹൃദയ അർബുദ ചികിത്​സാ സ​െൻററുകൾ
• എല്ലാ ജില്ലകളിലെയും ഒരു ഹോമിയോപതി ഡിസ്​പെൻസറിയെ മാതൃകാ ഡിസ്​പെൻസറിയാക്കും
• കോട്ടയം മെഡിക്കൽ കോളജിൽ കാർഡിയോ തൊറാസിക്​  ട്രീറ്റ്​മ​െൻറ്​ സ​െൻറർ
• സൗകാര്യ ആശുപത്രികൾക്കായി റെഗുലേറ്ററി സംവിധാനം
• സർക്കാർ സ്​കൂളുകളിലെ 8-12 ക്ലാസുകൾ സ്​മാർട്ടാക്കും
• എല്ലാ സർക്കാർ സേവനങ്ങളും ഒാൺലൈനായി ലഭ്യമാക്കും
• മൂന്ന്​ മൊബൈൽ നിർമാണ കേന്ദ്രങ്ങൾ സ്​ഥാപിക്കും
• കെ.എസ്​.ആർ.ടി.സി ലാഭത്തിലാക്കാൻ ഇൗ വർഷം കഴിയുമെന്ന്​ പ്രതീക്ഷ
• 251 സി.എൻ.ജി ബസുകൾ പരീക്ഷണാടിസ്​ഥാനത്തിൽ ഒാടിക്കും
• മെഡിക്കൽ കോളജുകൾക്ക്​ സമീപമായി രോഗികൾക്കും ബന്ധുക്കൾക്കും ആശ്വസകേന്ദ്രങ്ങൾ തുടങ്ങും
• പുതിയ ടൂറിസം നയം: വിനോദസഞ്ചാരികളുടെ സുരക്ഷക്കായി ആപ്പ്​ വഴി പൊലീസുമായി ബന്ധ​െപ്പടാൻ സൗകര്യം
• കായിക സർവകലാശാല സ്​ഥാപിക്കാൻ കേന്ദ്രസർക്കാറിനോട്​ ആവശ്യ​െപ്പടും; ഇതിനായി സ്ഥലം നൽകാൻ സർക്കാർ തയാറാണ്​
• ഒാപ്പറേഷൻ ഒളിമ്പിക്​സ്​ എന്ന പേരിൽ 2020-2024 ഒളിമ്പിക്​ സ്​കൂളുകൾക്കായി താരങ്ങളെ സജ്ജമാക്കും
• ചില മാവേലി സ്​റ്റോറുകൾ സൂപ്പർ–ഹൈപ്പർ മാർക്കറ്റുകളാക്കും
• 25 ലക്ഷം അന്യ സംസ്​ഥാന തൊഴിലാളികൾക്ക്​ അരിനൽകാൻ പദ്ധതി
• ഭക്ഷ്യസുരക്ഷ കൂടുതൽ കാര്യക്ഷമമാക്കും; കൂടുതൽ ഭക്ഷ്യ വിഹിതം നൽകണം
• കേരള അഡ്​മിനിസ്​ട്രേറ്റീവ്​ സർവീസ്​ ഒരു വർഷത്തിനകം നടപ്പാക്കും