Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightനക്ഷത്ര പദവിക്ക്​...

നക്ഷത്ര പദവിക്ക്​ കൈക്കൂലി: വിവിധയിടങ്ങളിൽ സി.ബി.ഐ റെയ്​ഡ്​, 55 ലക്ഷം പിടികൂടി

text_fields
bookmark_border
Life Mission: CBI to gather more evidence
cancel

കൊച്ചി: നക്ഷത്രപദവിക്കായി ഹോട്ടലുടമകളിൽനിന്ന്​ കൈക്കൂലി വാങ്ങിയതുമായി ബന്ധപ്പെട്ട്​ വിവിധയിടങ്ങളിൽ സി.ബി.ഐ റെയ്​ഡ്​. കേന്ദ്ര ടൂറിസം മന്ത്രാലയത്തിനുകീഴിൽ ചെന്നൈയിലെ ഇന്ത്യ ടൂറിസം ഓഫിസ്​ റീജനൽ ഡയറക്​ടർ ശ്രീവാട്​സ്​ സഞ്​ജയും അസിസ്​റ്റൻറ്​ ഡയറക്​ടർ രാമകൃഷ്​ണ​നും കൈക്കൂലി വാങ്ങിയതായ വിവരത്തെത്തുടർന്നാണ്​ ഹോട്ടലുകളിലും ഏജൻറുമാരുടെ വീടുകളിലും മിന്നൽ പരിശോധന നടത്തിയത്​. സി.ബി.ഐ മധുര, കൊച്ചി യൂനിറ്റിലെ സംഘങ്ങളുടെ റെയ്​ഡിൽ 55 ലക്ഷം രൂപ പിടിച്ചെടുത്തതായാണ്​ സൂചന.

നെടുമ്പാശ്ശേരി വിമാനത്താവളത്തിലേക്ക്​ പോയ ശ്രീവാട്​സ്​ സഞ്​ജയി​െൻറ കാർ തടഞ്ഞ്​ മൊബൈൽ ഫോൺ പരിശോധിച്ചതിൽനിന്ന്​ ലഭിച്ച വിവരങ്ങളുടെ അടിസ്ഥാനത്തിൽ കേരളത്തിനകത്തും പുറത്തുമുള്ള ഏജൻറുമാരുടെ വീടുകളിലും ഹോട്ടലുകളിലും ഹോട്ടലുടമകളുടെ വീടുകളിലുമായിരുന്നു പരിശോധന. കേരളം അടക്കം ദക്ഷിണേന്ത്യൻ സംസ്ഥാനങ്ങളിലെ ഹോട്ടലുകൾക്ക്​ നക്ഷത്രപദവി പുതുക്കി നൽകുന്നത്​ ചെന്നൈ റീജനൽ ഓഫിസാണ്​. ഹോട്ടൽ ആൻഡ്​​ റസ്​റ്റാറൻറ്​ അപ്രൂവൽ ആൻഡ്​​ ക്ലാസിഫിക്കേഷൻ കമ്മിറ്റി (എച്ച്​.ആർ.എ.സി.സി)യുടെ പരിശോധനക്കുശേഷമാണ്​ പുതിയ ഹോട്ടലുകൾക്ക്​ ഫൈവ്​ സ്​റ്റാർ, ​ഫൈവ്​ സ്​റ്റാർ ഡീലക്​സ്​ പദവി നൽകുകയും നിലവിലുള്ളവക്ക്​ പുതുക്കി നൽകുകയും ചെയ്യുന്നത്​.

നക്ഷത്ര പദവിയുമായി ബന്ധപ്പെട്ട്​​ രാമകൃഷ്​ണനും ശ്രീവാട്​സ്​ സഞ്​ജയും കേരളത്തിലെ ഹോട്ടലുകളിൽ പരിശോധന നടത്തിവരുകയായിരുന്നു. പരിശോധന പൂർത്തിയാക്കി ചെന്നൈയിലേക്ക്​ പോകുന്നതിനിടെയാണ്​ സി.ബി.ഐ സംഘം തടഞ്ഞത്​. ഏജൻറുമാരെ ബന്ധപ്പെട്ടതി​െൻറയും ഉദ്യോഗസ്ഥരുടെ ഭാര്യമാരുടെ അക്കൗണ്ടുകളിലേക്ക്​ കോഴപ്പണം നൽകിയതി​െൻറയും വിവരങ്ങൾ സി.ബി.ഐക്ക്​ ലഭിച്ചിട്ടുണ്ട്​. ഒരു മാസ​മായി സി.ബി.ഐ ടൂറിസം വകുപ്പ്​ ഇവരെ നിരീക്ഷിച്ചുവരുകയായിരുന്നു. രാമകൃഷ്​ണനെതിരെ എഫ്​.ഐ.ആർ രജിസ്​റ്റർ ചെയ്​തു. ഗൂഢാലോചന, അഴിമതി നിരോധന നിയമത്തിലെ വിവിധ വകുപ്പുകൾ പ്രകാരമുള്ള കുറ്റമാണ്​ ചുമത്തിയത്​. സി.ബി.ഐ മധുര യൂനിറ്റ്​ സൂപ്രണ്ട്​ എൻ.കൃഷ്​ണമൂർത്തിയുടെ മേൽനോട്ടത്തിലാണ്​ അന്വേഷണം പുരോഗമിക്കുന്നത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:CBIbribery
News Summary - Star racket bribery: CBI raids Rs 55 lakh
Next Story