You are here

എസ്​.എസ്​.എൽ.സി ബുക്കുകൾ കാണാതായ സംഭവം: അധ്യാപികയുടെ മുൻകൂർജാമ്യം റദ്ദാക്കാനാവില്ലെന്ന്​ ഹൈകോടതി

23:26 PM
16/05/2019
highcourt

കൊ​ച്ചി: എ​സ്.​എ​സ​്.​എ​ൽ.​സി ബു​ക്കു​ക​ൾ കാ​ണാ​താ​യ സം​ഭ​വ​ത്തി​ൽ ആ​രോ​പ​ണ​വി​ധേ​യ​യാ​യ സ്​​കൂ​ൾ അ​ധ്യാ​പി​ക​യു​ടെ മു​ൻ​കൂ​ർ​ജാ​മ്യം റ​ദ്ദാ​ക്ക​ണ​മെ​ന്ന പൊ​ലീ​സി​​െൻറ ആ​വ​ശ്യം ഹൈ​കോ​ട​തി ത​ള്ളി. 
കോ​ഴി​ക്കോ​ട് ചേ​ലേ​മ്പ്ര എ​ൻ.​എ​ൻ.​എം.​എ​ച്ച്.​എ​സ് സ്കൂ​ൾ അ​ധ്യാ​പി​ക പ്ര​ഭ സി. ​ശേ​ഖ​റി​ന്​ മ​ഞ്ചേ​രി കോ​ട​തി ന​ൽ​കി​യ മു​ൻ​കൂ​ർ ജാ​മ്യം റ​ദ്ദാ​ക്ക​ണ​മെ​ന്ന ആ​വ​ശ്യ​മാ​ണ്​ മ​തി​യാ​യ കാ​ര​ണ​ങ്ങ​ളു​ണ്ടെ​ങ്കി​ലേ മു​ൻ​കൂ​ർ ജാ​മ്യം പു​നഃ​പ​രി​ശോ​ധി​ക്കേ​ണ്ട​തു​ള്ളൂ​വെ​ന്ന്​ വ്യ​ക്​​ത​മാ​ക്കി കോ​ട​തി ത​ള്ളി​യ​ത്. 
21 വി​ദ്യാ​ർ​ഥി​ക​ളു​ടെ എ​സ്.​എ​സ്.​എ​ൽ.​സി ബു​ക്ക് കാ​ണാ​താ​യ സം​ഭ​വ​ത്തി​ൽ ഉ​ൾ​പ്പെ​ട്ട അ​ധ്യാ​പി​ക​യാ​ണെ​ന്നും ഇ​വ​ർ ജാ​മ്യ​ത്തി​ലു​ള്ള​ത്​ കേ​സ്​ അ​ട്ടി​മ​റി​ക്കാ​നി​ട​യാ​കു​മെ​ന്നു​മാ​യി​രു​ന്നു പൊ​ലീ​സി​​െൻറ വാ​ദം. 

എ​സ്.​എ​സ്.​എ​ൽ.​സി ബു​ക്കു​ക​ൾ ക​ണ്ടെ​ത്താ​നാ​യി​ട്ടി​ല്ലെ​ന്നും ഇ​വ​രെ ക​സ്​​റ്റ​ഡി​യി​ലെ​ടു​ത്ത് ചോ​ദ്യം ചെ​യ്യേ​ണ്ട​തു​ണ്ടെ​ന്നും പൊ​ലീ​സ്​ ചൂ​ണ്ടി​ക്കാ​ട്ടി. എ​ന്നാ​ൽ, ഇ​വ​ർ അ​ന്വേ​ഷ​ണ​വു​മാ​യി സ​ഹ​ക​രി​ക്കു​ന്ന സാ​ഹ​ച​ര്യ​ത്തി​ൽ സ്ത്രീ​യും അ​ധ്യാ​പി​ക​യു​മാ​ണെ​ന്ന പ​രി​ഗ​ണ​ന ന​ൽ​കേ​ണ്ട​തു​ണ്ടെ​ന്ന്​ കോ​ട​തി വി​ല​യി​രു​ത്തി. ഒ​രി​ക്ക​ൽ ന​ൽ​കി​യ ജാ​മ്യം യാ​ന്ത്രി​ക​മാ​യി റ​ദ്ദാ​ക്ക​രു​തെ​ന്ന​  സു​പ്രിം​കോ​ട​തി വി​ധി​യും കോ​ട​തി ചൂ​ണ്ടി​ക്കാ​ട്ടി. 

2014 ജൂ​ൺ ഒ​മ്പ​തി​നാ​ണ് കേ​സി​നാ​സ്പ​ദ​മാ​യ സം​ഭ​വം. ഒ​ന്നാം പ്ര​തി​യാ​യ അ​ധ്യാ​പി​ക​യും കൂ​ട്ടു​പ്ര​തി​യാ​യ പ്യൂ​ണും ചേ​ർ​ന്ന് സ്കൂ​ളി​ൽ സൂ​ക്ഷി​ച്ചി​രു​ന്ന എ​സ്.​എ​സ്.​എ​ൽ.​സി ബു​ക്കു​ക​ൾ ത​ട്ടി​യെ​ടു​ത്തെ​ന്നും ഹെ​ഡ്മി​സ്ട്ര​സി​നെ കു​ടു​ക്കാ​നാ​ണി​ത്​ ചെ​യ്ത​തെ​ന്നു​മാ​ണ്​ തേ​ഞ്ഞി​പ്പ​ലം പൊ​ലീ​സ് ര​ജി​സ്​​റ്റ​ർ ചെ​യ്ത കേ​സ്. സം​ഭ​വ​ത്തെ​ക്കു​റി​ച്ച് വ​ന്ന വാ​ർ​ത്ത​യി​ൽ ന​ഷ്​​ട​പ്പെ​ട്ട ബു​ക്കു​ക​ളു​ടെ സീ​രി​യ​ൽ ന​മ്പ​ർ വ​രെ വ്യ​ക്ത​മാ​ക്കി​യി​രു​ന്നു. 
പ്ര​ഭ​യു​ടെ ഭ​ർ​ത്താ​വാ​ണ് ഈ ​വാ​ർ​ത്ത പ​ത്ര​ത്തി​ന് ന​ൽ​കി​യ​തെ​ന്നും അ​ധ്യാ​പി​ക​ക്ക്​ ഇ​തി​ൽ പ​ങ്കു​ണ്ടെ​ന്നും ക​ണ്ടെ​ത്തി​യാ​ണ് പൊ​ലീ​സ് ഇ​വ​രെ പ്ര​തി​യാ​ക്കി​യ​ത്.

Loading...
COMMENTS