എസ്​.എസ്​.എൽ.സി മൂല്യനിർണയം മേയ്​ 14 മുതൽ; ഫലം ജൂൺ പത്തിനകം

തിരുവനന്തപുരം: എസ്​.എസ്​.എൽ.സി ഉത്തരക്കടലാസുകളുടെ മൂല്യനിർണയം മേയ്​ 14 മുതൽ 29 വരെ സംസ്ഥാനത്തെ 69 കേന്ദ്രങ്ങളിൽ നടത്തും. ജൂൺ പത്തിനകം ഫലം പ്രസിദ്ധീകരിക്കാനാണ്​ ശ്രമം. മൂല്യനിർണയത്തിനുള്ള സ്​കീം തയാറാക്കൽ ഒാൺലൈനായി നടത്തും. രണ്ടാം വർഷ ഹയർ സെക്കൻഡറി പരീക്ഷയുടെ മൂല്യനിർണയം മേയ്​ അഞ്ചു മുതൽ ജൂൺ 10 വരെ നടക്കും. ഹയർ സെക്കൻഡറി ​പ്രാക്​ടിക്കൽ പരീക്ഷകൾ ഏപ്രിൽ 28 മുതൽ മേയ്​ 15 വരെയായി നടക്കും.