ശ്രീറാം ട്രോമ ഐ.സി.യുവിൽ തുടരും- മെഡിക്കൽ ബോർഡ്​

തിരുവനന്തപുരം: മാ​ധ്യ​മ​പ്ര​വ​ർ​ത്ത​ക​ൻ കെ.​എം. ബ​ഷീ​റി​നെ വാ​ഹ​നം ഇ​ടി​ച്ച്​ കൊ​ല​പ്പെ​ടു​ത്തി​യ കേ​സി​ലെ പ്ര​തി ശ്രീ​റാം വെ​ങ്കി​ട്ട​രാ​മൻ മെഡിക്കൽ കോളജ്​ ആശുപത്രിയിലെ ട്രോമ കെയർ ഐ.സി.യുവിൽ തുടരുമെന്ന്​ മെഡിക്കൽ ​ബോർഡ്​. അപകടത്തിൽ പരിക്കേറ്റ ശ്രീറാമി​​​െൻറ ചികിത്സ തുടരണമെന്ന്​​ ആരോഗ്യസ്ഥിതി വിലയിരുത്തിയ മെഡിക്കൽ ബോർഡ്​ അറിയിച്ചു. തലവേദനയും തലകറക്കവും അനുഭവപ്പെടുന്നുണ്ടെന്ന്​ ശ്രീറാം മെഡിക്കൽ ബോർഡിനെ അറിയിച്ചു​.

എല്ലാ പരിശോധനകളും കഴിഞ്ഞ ശേഷം ഡിസ്​ചാർജ്​ ചെയ്​താൽ മതിയെന്ന നിലപാടിലാണ്​ മെഡിക്കൽ ബോർഡ്​. ശ്രീറാമി​​െൻറ ആരോഗ്യനില വിലയിരുത്താൻ അടുത്ത ദിവസവും മെഡിക്കൽ ബോർഡ്​ യോഗം ചേരും.

അതേസമയം, ശ്രീറാം വെങ്കിട്ടരാമന് ജാമ്യം നൽകിയ മജിസ്ട്രേറ്റ് കോടതി വിധിക്കെതിരെ സംസ്ഥാന സർക്കാർ ഹൈകോടതിയിൽ അപ്പീൽ നൽകി. ജാമ്യം റദ്ദാക്കണമെന്ന്​ ആവശ്യപ്പെട്ടാണ്​ അപ്പീൽ ഹരജി നൽകിയത്​. ​ മുഖ്യമന്ത്രി നേരിട്ട് ഇടപെട്ടാണ് ഹൈകോടതിയിൽ അപ്പീൽ നൽകാൻ തീരുമാനിച്ചത്. ഹരജി കോടതി ഇന്നു തന്നെ പരിഗണിക്കും.

ചൊവ്വാഴ്​ച ​തിരു​വ​ന​ന്ത​പു​രം ഒ​ന്നാം ക്ലാ​സ് ജു​ഡീ​ഷ്യ​ൽ മ​ജി​സ്‌​ട്രേ​റ്റ്​​ ശ്രീറാമിന്​ ജാ​മ്യം അ​നു​വ​ദി​ച്ചിരുന്നു.
അ​ന്വേ​ഷ​ണ​ത്തോ​ട് സ​ഹ​ക​രി​ക്കു​ക, കേ​ര​ളം വി​ട്ട് പു​റ​ത്തു​പോ​ക​രു​ത്, സാ​ക്ഷി​ക​ളെ സ്വാ​ധീ​നി​ക്ക​രു​ത് എ​ന്നീ ക​ർ​ശ​ന നി​ർ​ദേ​ശ​ങ്ങ​ളോ​ടെ​യാ​ണ് ജാമ്യം. പൊലീസ്​ ചു​മ​ത്തി​യ മ​നഃ​പൂ​ർ​വ​മാ​യ ന​ര​ഹ​ത്യ​യെ​ന്ന ഇ​ന്ത്യ​ൻ ശി​ക്ഷാ​നി​യ​മ​ത്തി​ലെ 304ാം വ​കു​പ്പ്​ തെ​ളി​യി​ക്കാ​ൻ പ്രോ​സി​ക്യൂ​ഷ​ൻ പ​രാ​ജ​യ​പ്പെ​ട്ട​താ​ണ്​ ശ്രീ​റാ​മി​ന്​ ജാ​മ്യം ല​ഭി​ക്കാ​ൻ കാ​ര​ണ​മാ​യ​ത്. പ്രോ​സി​ക്യൂ​ഷ​​ന്​ വീ​ഴ്​​ച സം​ഭ​വി​ച്ചെ​ന്നും കോ​ട​തി വി​ല​യി​രു​ത്തിയിരുന്നു.

ക​ഴി​ഞ്ഞ ശ​നി​യാ​ഴ്​​ച പു​ല​ർ​​ച്ച​യാ​ണ്​ മ്യൂ​സി​യ​ത്തി​ന്​ സ​മീ​പം സ​ർ​വേ ഡ​യ​റ​ക്​​ട​റും ​െഎ.​എ.​എ​സു​കാ​ര​നു​മാ​യ ശ്രീ​റാം വെ​ങ്കി​ട്ട​രാ​മ​ൻ അ​തി​വേ​ഗ​ത്തി​ൽ ഒാ​ടി​ച്ച കാ​റി​ടി​ച്ച്​ സി​റാ​ജ്​ ദി​ന​പ​ത്ര​ത്തി​​​െൻറ യൂനിറ്റ്​ ചീ​ഫാ​യ കെ.​എം. ബ​ഷീ​ർ (35) കൊ​ല്ല​പ്പെ​ട്ട​ത്. ശ്രീ​റാം മ​ദ്യ​പി​ച്ചി​രു​ന്നെ​ന്ന്​ ദൃ​​ക്​​സാ​ക്ഷി​ക​ളു​ടെ​യും സ​ഹ​യാ​ത്രി​ക​യു​ടെ​യെ​ല്ലാം മൊ​ഴി​യു​ണ്ടാ​യി​രു​ന്നി​ട്ടും പൊ​ലീ​സ്​ കൃ​ത്യ​സ​മ​യ​ത്ത്​ ര​ക്ത​പ​രി​ശോ​ധ​ന ന​ട​ത്തി​യി​രു​ന്നി​ല്ല.