മഹാകവി അക്കിത്തത്തി​െൻറ ഭാര്യ ശ്രീദേവി അന്തർജനം നിര്യാതയായി

ആനക്കര: മഹാകവി അക്കിത്തത്തി​​െൻറ ഭാര്യ ശ്രീദേവി അന്തർജനം (85) നിര്യാതയായി. വാര്‍ധക്യസഹജമായ അസുഖത്തെ തുടര്‍ന്ന ് തിങ്കളാഴ്​ച എടപ്പാളിലെ സ്വകാര്യ ആശുപത്രിയില്‍ പ്രവേശിപ്പിച്ചതായിരുന്നു. ബുധനാഴ്ച പുലർച്ച അഞ്ചിനായിരുന്നു അന്ത്യം.

മക്കള്‍: പാര്‍വതി അന്തര്‍ജനം, ഇന്ദിര (റിട്ട. സാഹിത്യ അക്കാദമി, തൃശൂര്‍), ചിത്രകാരന്‍ അക്കിത്തം വാസുദേവന്‍ (എം.എസ് യൂനിവേഴ്സിറ്റി, ബറോഡ), ശ്രീജ (സംഗീത അധ്യാപിക), ലീല ഇക്കാട്ട് മന പട്ടാമ്പി (ബിസിനസ്​, മുംബൈ), നാരായണന്‍ (ബിസിനസ്​ പട്ടാമ്പി).

മരുമക്കള്‍: പാവുട്ടി മന സുബ്രഹ്​മണ്യന്‍ നമ്പൂതിരി (കാറല്‍മണ്ണ), ത്രിവിക്രമന്‍ നമ്പൂതിരി (റിട്ട. പ്രഫസര്‍, തൃശൂര്‍), ചിത്രകാരി മനിന ദ്വോഷി (അഹ്​മദാബാദ്), ഉണ്ണികൃഷ്ണന്‍ (റിട്ട. ട്രഷറി ചെർപ്പുളശ്ശേരി), ഇ.എം. നാരായണന്‍ നമ്പൂതിരി (എൻജിനീയര്‍ മുംബൈ), ബിന്ദു (ഗവ. ഹയര്‍ സെക്കൻഡറി സ്‌കൂള്‍, തൃക്കാവ് പൊന്നാനി). ബുധനാഴ്​ച വൈകീട്ട്​ വീട്ടുവളപ്പിൽ നടന്ന സംസ്​കാരചടങ്ങിൽ ​നിരവധി പ്രമുഖർ അന്ത്യോപചാരമർപ്പിക്കാൻ എത്തിയിരുന്നു.