ശ്രീറാം വെങ്കിട്ടരാമനെ മാറ്റിയ സമയം തെറ്റെന്ന് സി.പി.ഐ

കോഴിക്കോട്: ദേവികുളം സബ് കലക്ടർ സ്ഥാനത്ത് നിന്ന് ശ്രീറാം വെങ്കിട്ടരാമനെ മാറ്റിയ സമയം തെറ്റായിപ്പോയെന്ന് സി.പി.ഐ. സബ് കലക്ടറെ മാറ്റിയത് വഴി സർക്കാറിന് അനുകൂലമല്ലാത്ത നിലപാട് ജനങ്ങളിൽ സൃഷ്ടിക്കാൻ ഇടയാക്കി. ഈ നടപടി സർക്കാറിന്‍റെ ഗ്രാഫ് ഉയർത്തിയോ താഴ്ത്തിയോ എന്ന് ജനങ്ങൾ തീരുമാനിക്കുമെന്നും പ്രകാശ് ബാബു വ്യക്തമാക്കി. 

കൈയേറ്റം ഒഴിപ്പിക്കനുള്ള തീരുമാനം റവന്യൂ വകുപ്പിന്‍റേതാണ്. ഏത് ഉദ്യോഗസ്ഥൻ വന്നാലും നടപടികളുമായി മുന്നോട്ടു പോകുമെന്നും സി.പി.ഐ അസിസ്റ്റന്‍റ് സെക്രട്ടറി പ്രകാശ് ബാബു ചാനൽ അഭിമുഖത്തിൽ പറഞ്ഞു.