ശ്രീറാമി​േൻറത്​​ നിസ്സാരപരിക്ക്; ഡോക്​ടർമാരുടെ മൊഴിയിലൂടെ തെളിയുന്നത്​ ഒത്തുകളി

തിരുവനന്തപുരം: ശ്രീറാം വെങ്കിട്ടരാമൻ അമിതവേഗത്തിലോടിച്ച കാറിടിച്ച്​ മാധ്യമപ്രവർത്തകൻ കെ.എം. ബഷീർ കൊല്ലപ് പെട്ട സംഭവത്തിൽ ഡോക്​ടർമാർ നൽകിയ മൊഴി കേസിൽ നടന്ന ഒത്തുകളി ആരോപണങ്ങൾ ശരി​െവക്കുന്നത്​. നിസ്സാര പരി​േക്കറ് റ ശ്രീറാമിന്​ ഗുരുതരമായ പരിക്കാണെന്ന്​ വരുത്തി സ്വകാര്യ ആശുപത്രിയിലും മെഡിക്കൽ കോളജ്​ ആശുപത്രിയിലും ‘വി.​െ എ.പി’ ചികിത്സ ലഭ്യമാക്കുകയായിരുന്നെന്ന ആരോപണം ശരി​െവക്കുന്നതാണ്​ ആദ്യം ചികിത്സിച്ച ഡോക്​ടർമാരുടെ മൊഴി. അ പകടത്തിനു​ ശേഷം പൊലീസ്​ ജനറൽ ആശുപത്രിയിൽ എത്തിച്ച ശ്രീറാമിന്​ കാര്യമായ പരിക്കുകളില്ലായിരുന്നെന്നും മദ്യത്തി​​െൻറ മണമുണ്ടായിരുന്നെന്നുമാണ്​ അവിടെ പരിശോധിച്ച സർക്കാർ ഡോക്​ടർ രാഗേഷ്​ പ്രത്യേക അന്വേഷണസംഘത്തിന്​ മൊഴി നൽകിയത്​. അത്​ ശരി​െവക്കുന്നതാണ്​ ശ്രീറാം പിന്നീട്​ സ്വന്തം നിലക്ക്​ ചികിത്സ തേടിയ കിംസ്​ ആശുപത്രിയിലെ ഡോക്​ടർമാരുടെ മൊഴി.

നിസ്സാരമായ പരിക്കേറ്റ ശ്രീറാമിനെ ‘വമ്പൻ രോഗി’യാക്കി ചിത്രീകരിക്കുകയായിരു​െന്നന്ന് ഇതിൽനിന്ന്​​ വ്യക്തമാണ്​. അതിന്​ സംസ്​ഥാന ആരോഗ്യവകുപ്പിലെ ഉന്നതരും ഡോക്​ടർമാരും കൂട്ടുനിന്നെന്ന ആരോപണം ശരി​െവക്കുന്ന നിലയിലേക്ക്​ കാര്യങ്ങൾ നീങ്ങുകയാണ്​. മെഡിക്കൽ കോളജിൽ രൂപവത്​കരിച്ച മെഡിക്കൽ ബോർഡി​​െൻറ വിശ്വാസ്യതയും ചോദ്യം ചെയ്യപ്പെടുന്നു​. കിംസ് അത്യാഹിത വിഭാഗത്തില്‍ മൂന്നിന്​ പുലര്‍ച്ച ഡ്യൂട്ടിയിൽ ഉണ്ടായിരുന്ന പ്രധാന ഡോക്ടറും അസിസ്​റ്റൻറുമാണ് ശ്രീറാമി​േൻറത്​​ നിസ്സാരപരിക്കുകളായിരുന്നെന്ന്​ അന്വേഷണസംഘത്തിന്​ മൊഴി നൽകിയത്​. കൈക്ക് മാത്രമാണ് അന്ന് നിസ്സാര പരിക്കുണ്ടായിരുന്നത്. ശ്രീറാമിന്​ ഗുരുതര അസുഖമുണ്ടെന്ന തുടര്‍വാദങ്ങളെ തള്ളുന്നതാണ് ഇൗ മൊഴി.

ജയിലിൽ പോകുന്നത്​ ഒഴിവാക്കാൻ നടന്ന ഒത്തുകളിയാണ്​ ഗുരുതര പരിക്കെന്ന കെട്ടുകഥയിലേക്ക്​ കാര്യങ്ങൾ എത്തിച്ചതെന്ന്​ ഇതിലൂടെ വ്യക്തമാണ്​. കിംസിൽ കഴിയവെയാണ് ശ്രീറാമി​​െൻറ അറസ്​റ്റ്​ രേഖപ്പെടുത്തിയതും റിമാന്‍ഡ് ചെയ്തതും. പിന്നീട്​ പൂജപ്പുര സബ് ജയിലിൽ എത്തിച്ചെങ്കിലും വിദഗ്ധ ചികിത്സ ആവശ്യമുണ്ടെന്നു കാട്ടി മെഡിക്കല്‍ കോളജിലെ ജയില്‍ സെല്ലിലേക്ക് മാറ്റി. അവിടെയും സെല്ലില്‍ കിടത്താതെ ട്രോമാ കെയര്‍ വിഭാഗത്തിലാണ് പ്രവേശിപ്പിച്ചത്. ശ്രീറാമിന് റെട്രോഗ്രേഡ് അംനേഷ്യയാണെന്ന്​ മെഡിക്കല്‍ ബോര്‍ഡ്​ റിപ്പോർട്ടും തയാറാക്കി.

സ്വകാര്യ ആശുപത്രിയിലെ ഡോക്​ടർമാരുടെ മൊഴിയുടെ അടിസ്​ഥാനത്തിൽ തിരുവനന്തപുരം മെഡിക്കല്‍ കോളജിലെ ന്യൂറോ ഐ.സി.യുവിൽ ശ്രീറാമിന് നല്‍കിയ മുഴുവന്‍ ചികിത്സകളുടെയും രേഖകള്‍ ആവശ്യപ്പെട്ട് അന്വേഷണസംഘം കത്ത് നല്‍കിയിട്ടുണ്ട്. രേഖകളും റിപ്പോർട്ടുകളും വിദഗ്ധ ഡോക്ടര്‍മാരുടെ സഹായത്തോടെ വിലയിരുത്തി ആരോഗ്യസംബന്ധമായ സമഗ്ര റിപ്പോര്‍ട്ട് തയാറാക്കാനും തീരുമാനിച്ചിട്ടുണ്ട്​. മെഡിക്കൽ കോളജ്​ ആശുപത്രിയിലെ ഡോക്​ടർമാരുടെയും വിശദ മൊഴിയെടുക്കും.