ശ്രീറാം വെങ്കിട്ടരാമന് സസ്പെൻഷൻ

തിരുവനന്തപുരം: ​മദ്യപിച്ച്​ വാഹനമോടിച്ച്​ അപകടം സൃഷ്​ടിച്ച െഎ.എ.എസ്​ ഉദ്യോഗസ്​ഥൻ ​ശ്രീറാം വെങ്കിട്ടരാമന െ സര്‍വേ ഡയറക്ടര്‍ സ്ഥാനത്തുനിന്ന്​ സസ്​പെൻഡ്​ ചെയ്​തു. മുഖ്യമന്ത്രിയുടെ നിർദേശാനുസരണം ചീഫ് സെക്രട്ടറി ടോം ജോസാണ്​ തിങ്കളാഴ്​ച വൈകുന്നേരത്തോടെ ഉത്തരവ്​ പുറത്തിറക്കിയത്​. ശ്രീറാമിനെതിരെ വകുപ്പുതല അന്വേഷണത്തിനും ന ിർദേശം നൽകി.

ഗുരുതര പരിക്കില്ലെന്ന് കണ്ട് ഞായറാഴ്ച മെഡിക്കൽ കോളജിലെ പൊലീസ് സെല്ലിലേക്ക് മാറ്റിയ ശ്രീറാ മിനെ മണിക്കൂറുകൾക്കകം ആശുപത്രിയിലെ മൾട്ടി സ്‌പെഷാലിറ്റി ഐ.സി.യുവിലേക്ക് മാറ്റി. മാധ്യമപ്രവർത്തകൻ കെ.എം. ബഷീറി​​െൻറ മരണത്തിനിടയാക്കിയ സംഭവത്തെക്കുറിച്ച്​ അന്വേഷിക്കാൻ എ.ഡി.ജി.പിയുടെ നേതൃത്വത്തിൽ പ്രത്യേക അന്വേഷണസംഘത്തെ നിയോഗിച്ചു. ആദ്യഘട്ടത്തിൽ വീഴ്​ച വരുത്തിയ മ്യൂസിയം എസ്​.​െഎ ജയപ്രകാശിനെ അന്വേഷണവിധേയമായി സസ്​പെൻഡ്​ ചെയ്​തിട്ടുമുണ്ട്​.

ഹാർവാഡ് യൂനിവേഴ്സിറ്റിയിലെ പഠനാവധി കഴിഞ്ഞ് തിരികെയെത്തിയ ശ്രീറാമിനെ സർവേ ആൻഡ് ലാന്‍ഡ് റെക്കോഡ്സ്​​ ഡയറക്ടറായി നിയമിക്കാന്‍ കഴിഞ്ഞ വ്യാഴാഴ്ച ചേര്‍ന്ന മന്ത്രിസഭായോഗമാണ് തീരുമാനിച്ചത്. കേരള ലാന്‍ഡ് ഇന്‍ഫര്‍മേഷന്‍ മിഷന്‍ പ്രോജക്ട് ഡയറക്ടര്‍, ഹൗസിങ് കമീഷണര്‍, കേരള സ്​റ്റേറ്റ് ഹൗസിങ് ബോര്‍ഡ് സെക്രട്ടറി എന്നീ തസ്തികകളും നല്‍കിയിരുന്നു. പുതിയ ചുമതലകൾ ഏറ്റെടുക്കുന്നതി​ന്​ തലേന്നാളാണ്​ ശ്രീറാം കേസിൽപെടുന്നത്​.
ഒാള്‍ ഇന്ത്യ സര്‍വിസസ് (ഡിസിപ്ലിന്‍ ആൻഡ്​ അപ്പീല്‍) റൂള്‍സ് 1969 ലെ റൂള്‍ 3(3) അനുസരിച്ചാണ് സസ്പെന്‍ഷന്‍.

സർക്കാറി​​െൻറ വിവേചനാധികാരത്തി​​െൻറകൂടി അടിസ്​ഥാനത്തിലാണ്​ നടപടി. ചട്ടം അനുസരിച്ച് ശ്രീറാമിന്​ അലവന്‍സുകൾ ലഭിക്കും. കേസിൽപെടുന്ന സർക്കാർ ഉദ്യോഗസ്​ഥൻ റിമാൻഡിലായാൽ സസ്​പെൻഡ്​ ചെയ്യണമെന്നാണ്​ വ്യവസ്​ഥ. ശ്രീറാമി​​െൻറ ജാമ്യാപേക്ഷയിൽ ചൊവ്വാഴ്​ച വാദം കേൾക്കും.