മ​ക​ളു​ടെ മൃ​ത​ദേ​ഹ​വു​മാ​യി ക​ര​ഞ്ഞ വൃ​ദ്ധ​ർക്ക്​ ശ്രീലക്ഷ്മി നെഞ്ച്​പിടഞ്ഞ്​ നൽകിയത്​ 500 രൂപ

ഗു​രു​വാ​യൂ​ര്‍: ജ​ന്മി​യാ​ൽ അ​പ​മാ​നി​ക്ക​പ്പെ​ട്ട് കൊ​ല്ല​പ്പെ​ട്ട മ​ക​ളു​ടെ മൃ​ത​ദേ​ഹ​വു​മാ​യി ക​ര​യു​ന്ന വൃ​ദ്ധ​മാ​താ​പി​താ​ക്ക​ളെ തെ​രു​വി​ൽ ക​ണ്ട​പ്പോ​ൾ ശ്രീ​ല​ക്ഷ്മി​യു​ടെ ഉ​ള്ളു​ല​ഞ്ഞു.

ഒ​രു​പ​ക്ഷേ, ത​െൻറ നാ​ട്ടി​ൽ നി​ര​ന്ത​ര​മാ​യി അ​ര​ങ്ങേ​റു​ന്ന കൊ​ടി​യ പീ​ഡ​ന​ങ്ങ​ളു​ടെ ഓ​ർ​മ​ക​ൾ അ​ന്ത​ർ​സം​സ്ഥാ​ന തൊ​ഴി​ലാ​ളി​യാ​യ ശ്രീ​ല​ക്ഷ്മി​യി​ൽ തി​ര​യ​ടി​ച്ച​താ​വാം... ത​െൻറ കൈ​യി​ലു​ള്ള ര​ണ്ട് 500​െൻ​റ നോ​ട്ടു​ക​ളെ​ടു​ത്ത് ശ്രീ​ല​ക്ഷ്മി ആ ​വൃ​ദ്ധ​മാ​താ​പി​താ​ക്ക​ളു​ടെ കൈ​യി​ൽ ​െവ​ച്ചു​കൊ​ടു​ത്തു. താ​ൻ കാ​ണു​ന്ന​ത് യാ​ഥാ​ർ​ഥ്യ​മ​ല്ല, തെ​രു​വു​നാ​ട​ക​മാ​ണെ​ന്നും മാ​താ​പി​താ​ക്ക​ളും മ​രി​ച്ച പെ​ൺ​കു​ട്ടി​യു​മൊ​ക്കെ ക​ഥാ​പാ​ത്ര​ങ്ങ​ൾ മാ​ത്ര​മാ​ണെ​ന്നും ആ ​പാ​വം തൊ​ഴി​ലാ​ളി വ​നി​ത​ക്ക​റി​യി​ല്ലാ​യി​രു​ന്നു.

പു​രോ​ഗ​മ​ന ക​ലാ​സാ​ഹി​ത്യ സം​ഘം സം​ഘ​ടി​പ്പി​ച്ച ക​ലാ​ജാ​ഥ​ക്ക് കി​ഴ​ക്കേ​ന​ട​യി​ൽ ന​ൽ​കി​യ സ്വീ​ക​ര​ണ​ത്തി​ലാ​ണ് നാ​ട​ക​ത്തെ വെ​ല്ലു​ന്ന അ​തി​നാ​ട​കീ​യ​മാ​യ രം​ഗ​ങ്ങ​ൾ അ​ര​ങ്ങേ​റി​യ​ത്. ക​ർ​ഷ​ക​രു​ടെ വ​ർ​ത്ത​മാ​ന ദു​രി​ത​ങ്ങ​ളും രാ​ജ്യ​ത്തി​െൻറ അ​വ​സ്ഥ​യും പ്ര​മേ​യ​മാ​ക്കി​യ 'ഉ​ള്ളി' എ​ന്ന നാ​ട​ക​മാ​ണ് തെ​രു​വി​ൽ അ​വ​ത​രി​പ്പി​ച്ചി​രു​ന്ന​ത്. സ​ദ​സ്സി​ൽ​നി​ന്ന് ക​ഥാ​പാ​ത്ര​ങ്ങ​ൾ ക​യ​റി​വ​രു​ന്ന​ത് തെ​രു​വു​നാ​ട​ക​ത്തി​െൻറ ശൈ​ലി​യാ​യ​തി​നാ​ൽ ക​ണ്ടു​നി​ന്ന​വ​ർ​ക്കും മ​ന​സ്സി​ലാ​യി​ല്ല, സം​ഭാ​വ​ന​യു​മാ​യെ​ത്തി​യ ശ്രീ​ല​ക്ഷ്മി സ്ക്രി​പ്റ്റി​ന് പു​റ​ത്തു​ള്ള ക​ഥാ​പാ​ത്ര​മാ​ണെ​ന്ന്. നാ​ട​കം അ​വ​ത​രി​പ്പി​ച്ചു​കൊ​ണ്ടി​രി​ക്കു​ന്ന​വ​ർ​ക്കും ആ ​ഘ​ട്ട​ത്തി​ൽ ഇ​ട​പെ​ടാ​നാ​യി​ല്ല. നാ​ട​കം ക​ഴി​യും​വ​രെ ശ്രീ​ല​ക്ഷ്മി എ​ല്ലാം വീ​ക്ഷി​ച്ച് അ​വി​ടെ​ത്ത​ന്നെ നി​ൽ​പു​ണ്ടാ​യി​രു​ന്നു.

പ​രി​പാ​ടി​ക​ൾ ക​ഴി​ഞ്ഞ ശേ​ഷം ജാ​ഥാ ക്യാ​പ്റ്റ​ൻ അ​ഡ്വ. വി.​ഡി. പ്രേം ​പ്ര​സാ​ദ് ശ്രീ​ല​ക്ഷ്മി​ക്ക് പ​ണം തി​രി​ച്ചു​ന​ൽ​കാ​ൻ ശ്ര​മി​ച്ചെ​ങ്കി​ലും അ​വ​ർ വാ​ങ്ങാ​ൻ കൂ​ട്ടാ​ക്കി​യി​ല്ല. ഈ ​സം​സാ​ര​ത്തി​നി​ടെ​യാ​ണ് ഇ​വ​രു​ടെ പേ​ര് ശ്രീ​ല​ക്ഷ്മി​യെ​ന്നാ​ണെ​ന്ന് മ​ന​സ്സി​ലാ​യ​ത്. നാ​ട​ക​മാ​ണെ​ന്ന് താ​ൻ മ​ന​സ്സി​ലാ​ക്കി​യി​ല്ലെ​ന്നും എ​ന്താ​യാ​ലും ഈ ​പ​ണം നി​ങ്ങ​ളു​ടെ ക​ലാ​പ്ര​വ​ർ​ത്ത​ന​ങ്ങ​ൾ​ക്കി​രി​ക്ക​ട്ടെ എ​ന്നും പ​റ​ഞ്ഞ് അ​വ​ർ ന​ട​ന്ന​ക​ലു​ക​യും ചെ​യ്തു.

നാ​ട​ക​ത്തി​ലേ​ക്ക് അ​തി​നാ​ട​കീ​യ​മാ​യി ക​യ​റി​വ​ന്ന ശ്രീ​ല​ക്ഷ്മി​യെ​ക്കു​റി​ച്ച് കൂ​ടു​ത​ൽ അ​ന്വേ​ഷ​ണ​ത്തി​ലാ​ണ് ഗു​രു​വാ​യൂ​രി​ലെ പു.​ക.​സ പ്ര​വ​ർ​ത്ത​ക​രി​പ്പോ​ൾ.