അന്വേഷണ സംഘത്തിെൻറ റിപ്പോർട്ടിൽ എ.വി. ജോർജിനെതിരെ പരാമർശം

കൊച്ചി: വരാപ്പുഴയിൽ ശ്രീജിത്ത് പൊലീസ് കസ്​റ്റഡിയിൽ മരിച്ച സംഭവത്തിൽ അന്വേഷണസംഘം കോടതിയിൽ സമർപ്പിച്ച റിമാൻഡ് അപേക്ഷയിൽ റൂറൽ എസ്.പിയായിരുന്ന എ.വി. ജോർജിനെതിരെ പരാമർശം. അറസ്​റ്റിലായ സി.​െഎ ക്രിസ്​പിൻ സാമിനെ കോടതിയിൽ ഹാജരാക്കിയപ്പോൾ സമർപ്പിച്ച റിപ്പോർട്ടിലാണ് എസ്.പിക്കെതിരെ അന്വേഷണ സംഘത്തി​​െൻറ പരാമർശം. വാസുദേവ​​​െൻറ വീടാക്രമണവുമായി ബന്ധപ്പെട്ട് റൂറൽ ജില്ല പൊലീസ് മേധാവിയുടെ നിർദേശ പ്രകാരമാണ് സി.ഐ ക്രിസ്പിൻ സാം സംഭവസ്ഥലം സന്ദർശിച്ചതെന്ന് റിപ്പോർട്ടിൽ വ്യക്തമാക്കുന്നു. ഏപ്രിൽ ആറിന് രജിസ്​റ്റർ ചെയ്ത 312/2018 നമ്പർ കേസുമായി ബന്ധപ്പെട്ടാണ് റൂറൽ എസ്.പി നിർദേശം നൽകിയത്. േദവസ്വംപാടത്ത് എത്തിയ ക്രിസ്പിൻ സാം മറ്റ് പൊലീസുകാർക്ക് ക്രമസമാധാന പാലനത്തിന് നിർേദശം നൽകി. 

ഏപ്രിൽ ആറിന് വാസുദേവ​​​െൻറ വീട് ആക്രമിക്കപ്പെട്ടതിനെ തുടർന്ന് ഉച്ചക്ക് 12.30 ഓടെ പ്രതികളെന്ന് ആരോപിക്കപ്പെട്ട ശരത്, ഗോപൻ എന്നിവരെ വരാപ്പുഴ എ.എസ്.ഐ സുധീർ,സി.പി.ഒ സുനിൽകുമാർ എന്നിവർ കസ്​റ്റഡിയിലെടുത്ത് വരാപ്പുഴ സ്​റ്റേഷനിൽ എത്തിച്ചു. മറ്റു പ്രതികളെന്ന് സംശയിക്കപ്പെട്ട എസ്​.ജി. വിനു, സുധി, എം.എസ്.​ വിനു, സജിത്, ശ്രീജിത്, നിതിൻ എന്നിവരെ  ആർ.ടി.എഫ് അംഗങ്ങൾ കസ്​റ്റഡിയിലെടുത്ത്​ സി.ഐ ക്രിസ്​പിൻ സാമിെ​ൻറ അറിവോടും സമ്മതത്തോടും കൂടി രാത്രി 11ന് മുമ്പ്​ വരാപ്പുഴ പൊലീസ്​ സ്​റ്റേഷനിൽ എത്തിച്ച് ലോക്കപ്പിൽ അന്യായമായി തടങ്കലിൽ വെക്കുകയായിരുന്നുവെന്ന് റിപ്പോർട്ടിൽ പറ‍യുന്നു.

അറസ്​റ്റ്​ മെമ്മോ, കസ്​റ്റഡി മെമ്മോ, റിമാൻഡ് റിപ്പോർട്ട് എന്നിവ തയാറാക്കിയും കേസിലെ ഒന്നു മുതൽ മൂന്നുവരെ പ്രതികൾ ക്രിസ്പിൻ സാമി​​െൻറ അറിവോടും സമ്മതത്തോടും കൂടി ഏപ്രിൽ ആറിന് രാത്രി 10.30 ഓടെ കസ്​റ്റഡിയിൽ എടുത്ത്് വരാപ്പുഴ പൊലീസ്​ സ്​റ്റേഷൻ ലോക്കപ്പിൽ അന്യായമായി തടങ്കലിൽ വെച്ചു. ഇത് ഐ.പി.സി 342, 218 വകുപ്പുകൾ പ്രകാരമുള്ള കുറ്റകൃത്യമാണ്. കേസിൽ ക്രിസ്പിൻ സാം രേഖകൾ തെറ്റായി കെട്ടിച്ചമച്ചതിനെക്കുറിച്ചും പരാമർശിച്ചിട്ടുണ്ട്. 

വീടാക്രമണ കേസിലെ എഫ്.ഐ.ആറിൽ രേഖപ്പെടുത്തിയ ഏഴു പ്രതികൾക്ക്​ പുറമേ മരിച്ച ശ്രീജിത് ഉൾപ്പെടെ മറ്റ്​ ഏഴു പ്രതികളെക്കൂടി ഉൾപ്പെടുത്തിക്കൊണ്ട് സി.ഐ ക്രിസ്​പിൻ സാം നോർത്ത്​ പറവൂർ ജൂഡീഷ്യൽ ഒന്നാം ക്ലാസ്​ മജിസ്ട്രേറ്റ് കോടതി-മൂന്ന് മുമ്പാകെ ഏപ്രിൽ ഏഴിന് റിപ്പോർട്ട്​ സമർപ്പിച്ചു. ആറിന് രാത്രി 11 മുതൽ പൊലീസ്​ സ്​റ്റേഷൻ ലോക്കപ്പിൽ സൂക്ഷിച്ച ശ്രീജിത്തിനും മറ്റും പരിക്ക് സംഭവിക്കാൻ സാധ്യതയുണ്ടെന്നുള്ള അറിവോടെ കേസിൽ അറസ്​റ്റ്​ ചെയ്യപ്പെട്ട ഒമ്പതു പ്രതികളെ കോടതിയിൽ ഹാജരാക്കാൻ ഏപ്രിൽ എട്ടിന് തയാറാക്കിയ റിമാൻഡ് റിപ്പോർട്ടിലും കസ്​റ്റഡി മെമ്മോയിലും ശ്രീജിത്തിനെ ഏഴിന് 9.15 ന് അറസ്​റ്റു ചെയ്തതായും അറസ്​റ്റ് മെമ്മോയിൽ അറസ്​റ്റ് ചെയ്ത സ്​ഥലം കാവിനടുത്ത് ദേവസ്വംപാടം എന്നും അഞ്ചാം പ്രതിയായ ക്രിസ്​പിൻ സാം തെറ്റായി രേഖപ്പെടുത്തിയെന്നും റിപ്പോർട്ടിൽ പറ‍യുന്നു.