ശ്രീധരന്‍പിള്ളയെ അറസ്റ്റ് ചെയ്യാന്‍ പൊലീസിന് ധൈര്യമുണ്ടൊ- എം.ടി.രമേശ്

കോഴിക്കോട്: ബി.ജെ.പി സംസ്ഥാന പ്രസിഡന്റ് പി.എസ്. ശ്രീധരന്‍പിള്ളക്കെതിരേ കേസെടുത്ത പോലീസ് നടപടിക്കെതിരേ എം.ടി. രമേശ്. ശ്രീധരന്‍പിള്ളയെ അറസ്റ്റ് ചെയ്യാൻ പൊലീസിന് ധൈര്യമുണ്ടോയെന്ന് രമേശ് വെല്ലുവിളിച്ചു.

ശ്രീധരന്‍പിള്ളക്കെതിരെ കേസെടുത്ത കോഴിക്കോട് കസബ പോലീസ് സ്റ്റേഷന്റെ മുന്നിലൂടെ ബി.ജെ.പി രഥയാത്ര കടന്നുപോകും. 16ന് ശബരിമല നട തുറക്കുമ്പോൾ സംസ്ഥാന അധ്യക്ഷന്‍ ഉള്‍പ്പെടെയുള്ള ബി.ജെ.പി നേതാക്കള്‍ സന്നിധാനത്ത് ഉണ്ടാകുമെന്നും രമേശ് കൂട്ടിച്ചേര്‍ത്തു.

ശബരിമല സംഭവവുമായി ബന്ധപ്പെട്ട് യുവമോർച്ചാ പരിപാടിയിൽ സംസാരിക്കവേയാണ് ശ്രീധരന്‍പിള്ള വിവാദ പരാമര്‍ശം നടത്തിയത്. ഐപിസി 505 (1) ബി പ്രകാരം ജാമ്യമില്ലാ വകുപ്പിലാണ് പൊലീസ് കേസെടുത്തത്.