Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്​പ്രിംക്ലർ ഇടപാട്​...

സ്​പ്രിംക്ലർ ഇടപാട്​ നിയമ വകുപ്പ്​ അറിയേണ്ടതില്ല -എ.കെ. ബാലൻ

text_fields
bookmark_border
സ്​പ്രിംക്ലർ ഇടപാട്​ നിയമ വകുപ്പ്​ അറിയേണ്ടതില്ല -എ.കെ. ബാലൻ
cancel

തിരുവനന്തപുരം: സ്​പ്രിംക്ലർ വിവാദത്തിൽ പ്രതികരണവുമായി സംസ്ഥാന നിയമ മന്ത്രി എ.കെ. ബാലൻ. വിവരശേഖരണവുമായി ബന്ധ പ്പെട്ട്​ സാ​ങ്കേതിക വിദ്യകൾ സ്വീകരിക്കുന്നതുമായി ബന്ധപ്പെട്ട്​ തീരുമാനം കൈക്കൊള്ളേണ്ടത്​ ഐ.ടി വകുപ്പാണെന ്നും അത്​ നിയമ വകുപ്പ്​ അറിയേണ്ടതില്ലെന്നും​ എ.കെ. ബാലൻ പറഞ്ഞു.

ലോകത്ത്​ വലിയ കൊള്ള നടക്കുന്നതും കോടിക്കണക്കിന്​ രൂപ ഉണ്ടാക്കുന്നതും ഡാറ്റകൾ വിറ്റിട്ടാണ്​. വിവരവുമായി ബന്ധപ്പെട്ടുള്ള വിശദാംശം അറിയാവുന്ന സർക്കാറെന്ന നിലയിലും അതിനു കീഴിലെ ഐ.ടി വകുപ്പെന്ന നിലയിലും അതിനുള്ള എല്ലാ സുരക്ഷാ മുൻകരുതലുകളും അവർ സ്വീകരിച്ചിട്ടുണ്ടെന്നും അദ്ദേഹം പറഞ്ഞു.

ഐ.ടി വകുപ്പ്​ സ്വീകരിച്ച നടപടിയോട്​ ഒരു തരത്തിലുള്ള വിയോജിപ്പും സർക്കാറിനില്ല. ശേഖരിച്ച വിവരങ്ങൾ കമ്പനിയുടെ ഉടമസ്ഥതയിലുള്ള സെർവറിലേക്ക്​ പോയാൽ അപകടമാണെന്ന്​ പ്രതിപക്ഷം പറഞ്ഞ ഉടനെ തന്നെ അങ്ങനെയൊരു സാഹചര്യം ഒഴിവാക്കാനായി സർക്കാർ നിയന്ത്രണത്തിലുള്ള സി. ഡിറ്റിൻെറ കീഴിലാണ്​ വിവരങ്ങൾ പരിപൂർണമായും സൂക്ഷിച്ചിട്ടുള്ളത്​. ഇനി ഈ വിവരങ്ങൾ പുറത്തു പോയാൽ അതിന്​ നടപടി എടുക്കുകയല്ലാതെ എന്തു ചെയ്യാനാണെന്നും അദ്ദേഹം ചോദിച്ചു.

രാജ്യത്ത്​ കള്ളനോട്ടടിക്കുന്നില്ലേ, എ.ടി.എമ്മുിൽ നിന്ന്​ പണം പോകുന്നില്ലേ, വാട്​സ്​ ആപ്പിൽ നിന്നും ഫേസ്​ബുക്കിൽ നിന്നുമൊക്കെ എന്തെല്ലാം വിവരങ്ങൾ അവരെടുക്കുന്നുവെന്നും അദ്ദേഹം ചോദിച്ചു. ദുരുപയോഗം ചെയ്യാൻ സാധിക്കാത്ത തരത്തിൽ പഴുതടച്ചിട്ടുണ്ടെന്ന്​​ ഐ.ടി വകുപ്പ്​ പറയുന്നത്​ വിശ്വസിക്കാതെ എല്ലാ ദിവസവും അതിനെതിരെ കള്ള പ്രചരണം നടത്തിയിട്ട്​ എന്താണ്​ കാര്യമെന്നും എ.കെ. ബാലൻ പറഞ്ഞു.

വിവരശേഖരണം എല്ലാ വകുപ്പും അറിയേണ്ട കാര്യമില്ല. വിവര ശേഖരണവും അതിൻെറ അപഗ്രഥനവും നടത്തേണ്ടത്​ ഐ.ടി വകുപ്പാണ്​. നിയമ വകുപ്പ്​ അത്​ കാണണമെന്ന്​ ഭരണ വകുപ്പിന്​ തോന്നിയെങ്കിലേ അത്​ ആ വകുപ്പിലേക്ക്​ കൈമാറേണ്ടതുള്ളൂവെന്നും എ.കെ. ബാലൻ മാധ്യമ പ്രവർത്തകരോട്​ പറഞ്ഞു.

Show Full Article
TAGS:sprinklr ak balan kerala news malayalam news 
News Summary - sprinklr agreement; there is no need to know legal department said AK Balan -kerala news
Next Story