മെത്രാന്മാർക്ക്​ സ്പിരിറ്റ് ഇൻ ജീസസി​െൻറ ശാപവും  അധിക്ഷേപവും

തൃശൂർ: മൂന്നാർ പപ്പാത്തിച്ചോലയിലെ ​ൈക​േയറ്റത്തിന്​  മറയായി ഉപയോഗിച്ച കുരിശ്​ തകർത്തപ്പോൾ തന്നെ അനുകൂലിക്കാതിരുന്ന കത്തോലിക്ക, യാക്കോബായ മെത്രാന്മാർക്ക്​  സ്പിരിറ്റ് ഇൻ ജീസസ് നടത്തിപ്പുകാരൻ ടോം സ്കറിയയുടെ ശാപവും അധിക്ഷേപവും. സ്പിരിറ്റ് ഇൻ ജീസസി​​​െൻറ ‘ഇതാ നി​​െൻറ അമ്മ’ എന്ന പ്രസിദ്ധീകരണത്തിലാണ്​  ടോം സ്കറിയ മെത്രാന്മാരെ പ്രാകുന്നത്​. മെത്രാന്മാർ തകർത്തത് ആയിരക്കണക്കിന് മനുഷ്യരുടെ ഹൃദയമാണെന്നും  അവരുടെ കണ്ണുകളിൽനിന്ന്​ ഒഴുകുന്ന കണ്ണീർ  മെത്രാന്മാരുടെ  മേൽ ശാപമായി പതിക്കുമെന്നുമാണ്​ ഇയാൾ എഴുതിയ മുഖലേഖനത്തിൽ പറയുന്നത്​. ‘നിങ്ങൾ വിധിച്ച വിധി നിങ്ങളുടെ മേൽതന്നെ പതിക്കട്ടെ. നിങ്ങൾ കർത്താവി​​െൻറ കുരിശിനെ തള്ളിപ്പറഞ്ഞതുകൊണ്ട് കർത്താവും നിങ്ങളെ തള്ളിപ്പറയട്ടെ’ ^ ടോം സ്കറിയ വിധിക്കുന്നു. ഇയാളാണ്​ മാസികയുടെ ചീഫ് എഡിറ്റർ. 

‘മദ്യപാനികളും വ്യഭിചാരികളും സ്വവർഗഭോഗികളും ധനമോഹികളും കൂടി സഭയെ ചവിട്ടുന്നത്​ കണ്ടപ്പോഴും ഒന്നും കണ്ടില്ലെന്ന് ഭാവിച്ചു. ഒന്നും പറയരുതെന്നും ഓർത്തു. പക്ഷേ, നിങ്ങൾ കർത്താവി​​െൻറ കുരിശിനെ തള്ളിപ്പറഞ്ഞത് ഒരിക്കലും ക്ഷമിക്കില്ല. സ്പിരിറ്റ് ഇൻ ജീസസിനോടും തന്നോടുമുള്ള മെത്രാന്മാരുടെ പ്രതികാരമാണ് നിങ്ങളെക്കൊണ്ട്​ ഇങ്ങനെ പറയിപ്പിച്ചത്​.  നിങ്ങൾ  തള്ളിപ്പറഞ്ഞില്ലായിരുന്നുവെങ്കിൽ ആ കുരിശ് ഇങ്ങനെ ആക്ഷേപിക്കപ്പെടുമായിരുന്നില്ല’ ; മെത്രാന്മാരെ ടോം സ്കറിയ ഒാർമിപ്പിക്കുന്നു. 

വചനം  അനുസരിക്കാത്തതിനാൽ ഇന്ന് ക്രിസ്ത്യാനികളിൽ അനേകരും ക്രിസ്ത്യാനികളല്ല എന്ന്​ ആരോപിക്കുന്ന ലേഖനം മെത്രാന്മാർ സ്വന്തം നെറ്റിയിൽ വരക്കുന്നത് കള്ള​​​െൻറ കുരിശായതുകൊണ്ടാണ് പാപ്പാത്തിച്ചോലമലയിൽ തകർക്കപ്പെട്ട കുരിശ് അവർക്ക് കള്ള​​​െൻറയും ​ൈക​േയറ്റക്കാരുടെയും കുരിശായത് എന്നാണ്​ ഇയാളുടെ ആക്ഷേപം.   കുരിശ് തകർത്തത് കർത്താവിന് സന്തോഷമായെന്ന് തനിക്ക്​ ദർശനം  കിട്ടിയെന്ന ഒരു യാക്കോബായ മെത്രാ​​​െൻറ  പരാമർശത്തെ പട്ടുവസ്ത്രവും സുഭിക്ഷ ഭോജ്യവുമായി കഴിഞ്ഞ ധനവാൻ കിടന്ന നരകാഗ്നി നിങ്ങളെ കാത്തിരിക്കട്ടെയെന്നും കത്തോലിക്ക, യാക്കോബായ  സഭകൾ ഇതിന്​ വലിയ വില കൊടുക്കേണ്ടിവരുമെന്ന താക്കീതോടെയുമാണ്​ ലേഖനം അവസാനിപ്പിക്കുന്നത്.