ജനശതാബ്​ദി എക്‌സ്പ്രസിനു നേരെ കല്ലേറ്; യാത്രക്കാരിക്ക് പരിക്ക്

ചെങ്ങന്നൂര്‍: ജനശതാബ്​ദി എക്‌സ്പ്രസിനുനേരെ നടന്ന കല്ലേറില്‍ യാത്രക്കാരിക്ക് പരിക്കേറ്റു. കാസർകോട്​ കാഞ്ഞിരോടുകം കൊട്ടുകാപ്പെട്ടി ജോസഫി​​​െൻറ ഭാര്യ മേഴ്‌സിക്കാണ്​ (59) പരിക്കേറ്റത്. ഞായറാഴ്​ച വൈകീട്ട്​ 5.40ഓടെ ചെറിയനാട് ​െറയില്‍വേ സ്‌റ്റേഷന് സമീപമാണ് സംഭവം.

ഇവര്‍ കോട്ടയം മെഡിക്കല്‍ കോളജ് ആശുപത്രിയില്‍ ചികിത്സ തേടി. കോട്ടയം ആര്‍.പി.എഫ് കേസെടുത്തു. മധ്യവയസ്‌കനാണ് കല്ലെറിഞ്ഞതെന്നും ഇയാളെക്കുറിച്ച് അന്വേഷണം നടന്നു വരുകയാണെന്നും ആർ.പി.എഫ് അറിയിച്ചു.