സജി ചെറിയാന്‍റെ പ്രസംഗം: ജോസഫ് എം. പുതുശ്ശേരിയുടെ മൊഴിയെടുത്തു

തിരുവല്ല: സജി ചെറിയാൻ എം.എൽ.എ മല്ലപ്പള്ളിയിൽ നടത്തിയ വിവാദ പ്രസംഗക്കേസിൽ കേരള കോൺഗ്രസ് നേതാവും മുൻ എം.എൽ.എയുമായ ജോസഫ് എം. പുതുശ്ശേരിയിൽനിന്ന്​ പൊലീസ് മൊഴിയെടുത്തു. തിങ്കളാഴ്ച വൈകീട്ട്​ മൂന്നോടെ തിരുവല്ല ഡിവൈ.എസ്.പി മുമ്പാകെയാണ് പുതുശ്ശേരി മൊഴി നൽകിയത്.

സമൂഹമാധ്യമങ്ങളിൽ പ്രചരിച്ച വിവാദ പ്രസംഗത്തിന്റെ പൂർണരൂപം സീഡിയിലാക്കി പൊലീസിന്​ കൈമാറി. പരാതിക്കാരായ അഞ്ചുപേരുടെ മൊഴി മുമ്പ് രേഖപ്പെടുത്തിയിരുന്നു. മൊഴി നൽകാൻ​ ഹാജരാകാൻ മറ്റ് മൂന്നുപേർക്ക് നോട്ടീസ് നൽകിയതായി ഡിവൈ.എസ്.പി ടി. രാജപ്പൻ പറഞ്ഞു.