ശബരിമല സീസണിൽ സ്പെഷൽ ട്രെയിനുകൾ

പാലക്കാട്: ശബരിമല സീസണിൽ അധിക തിരക്ക് ഒഴിവാക്കാൻ പ്രത്യേക ട്രെയിനുകൾ സർവീസ് നടത്തും. നമ്പർ 06111 ചെന്നൈ എഗ്മോർ - കൊല്ലം എക്സ്പ്രസ് സ്പെഷൽ നവംബർ 14 മുതൽ ജനുവരി 16 വരെ വെള്ളിയാഴ്ചകളിൽ രാത്രി 11.55 ന് ചെന്നൈ എഗ്മോറിൽ നിന്ന് പുറപ്പെട്ട് അടുത്തദിവസം വൈകീട്ട് 4.30 ന് കൊല്ലത്തും നമ്പർ 06112 കൊല്ലം - ചെന്നൈ എഗ്മോർ എക്സ്പ്രസ് സ്പെഷൽ നവംബർ 15 മുതൽ ജനുവരി 17 വരെ ശനിയാഴ്ചകളിൽ വൈകുന്നേരം 7.35 ന് കൊല്ലത്ത് നിന്ന് പുറപ്പെട്ട് അടുത്ത ദിവസം ഉച്ചക്ക് 12ന് ചെന്നൈ എഗ്മോറിലും എത്തും.

നമ്പർ 06113 ചെന്നൈ സെൻട്രൽ - കൊല്ലം വീക്ക്‌ലി എക്‌സ്‌പ്രസ് സ്‌പെഷൽ നവംബർ 16 മുതൽ ജനുവരി 18 വരെ ഞായറാഴ്ചകളിൽ രാത്രി 11.50 ന് ചെന്നൈ സെൻട്രലിൽ നിന്ന് പുറപ്പെട്ട് അടുത്ത ദിവസം വൈകുന്നേരം 4.30 ന് കൊല്ലത്തും നമ്പർ 06114 കൊല്ലം - ചെന്നൈ സെൻട്രൽ വീക്ക്‌ലി എക്‌സ്‌പ്രസ് സ്‌പെഷൽ നവംബർ 17 മുതൽ ജനുവരി 19 വരെ തിങ്കളാഴ്ചകളിൽ വൈകുന്നേരം 4.30 ന് കൊല്ലത്ത് നിന്ന് പുറപ്പെട്ട് അടുത്ത ദിവസം രാവിലെ 11.30 ന് ചെന്നൈ സെൻട്രലിലും എത്തും.