കൽപ്പാത്തി രഥോത്സവത്തിന്​ പ്രത്യേക അനുമതി വേണമെന്ന്​ ആവശ്യം

പാലക്കാട്​: കൽപ്പാത്തി രഥോത്സവം നടത്താൻ​ പ്രത്യേക അനുമതി വേണമെന്ന്​ ആവശ്യം. നിയന്ത്രണങ്ങളോടെ രഥപ്രയാണം ഉൾപ്പടെ നടത്താൻ നടത്താൻ അനുമതി വേണമെന്ന്​​ ആവശ്യപ്പെട്ട്​ മലബാർ ദേവസ്വം പ്രസിഡന്‍റ്​ എം.ആർ മുരളി സർക്കാറിനെ സമീപിച്ചു. തൃശൂർ പൂരത്തിന്‍റെ മാതൃകയിൽ രഥോത്സവം നടത്താൻ അനുമതി വേണമെന്നാണ്​ ആവശ്യം.

കല്‍പാത്തി രഥോല്‍സവച്ചടങ്ങുകളില്‍ രഥപ്രയാണവും രഥസംഗമവും ഒഴിവാക്കാന്‍ ജില്ലാഭരണകൂടം തീരുമാനിച്ചിരുന്നു. കോവിഡ്​ നിയന്ത്രണങ്ങൾ പാലിച്ച്​ രണ്ട്​ ചടങ്ങുകളും പൂർത്തിയാക്കാൻ കഴിയില്ലെന്ന്​ ക്ഷേത്രം ഭാരവാഹികൾ കലക്​ടറെ അറിയിച്ചിരുന്നു. ഈ നിർദേശം പരിഗണിച്ചാണ്​ തീരുമാനം.

200 പേരെ പ​ങ്കെടുപ്പിച്ച്​ രഥോൽസവത്തിന്‍റെ ചടങ്ങുകൾ മാത്രം നടത്താനാണ്​ നിലവിൽ ജില്ലാ ഭരണകൂടം നിർദേശം നൽകിയിരിക്കുന്നത്​. ക്ഷേത്രത്തിനകത്ത്​ 100 പേരെയും പുറത്ത്​ 200 പേരെയും പ​ങ്കെടുപ്പിച്ചാവും ചടങ്ങുകൾ നടത്തുക.