എസ്.പി ബാലസുബ്രഹ്മണ്യത്തി​െൻറ രോഗമുക്തിക്കായി ശബരിമലയിൽ ഗാനാർച്ചന

ശബരിമല: ഗായകൻ എസ്.പി.ബാലസുബ്രഹ്മണ്യത്തി​െൻറ രോഗമുക്തിക്കായി ശബരിമലയിൽ ഗാനാർച്ചനയും ഉഷപൂജയും നടത്തി.

ദേവസ്വം ബോർഡിലെ ജീവനക്കാരനും തകിൽ വാദകനുമായ സുഗുണൻ, നാദസ്വര വാദകൻ ഗണേഷ് തിരുവാർപ്പ്, ഇടയ്ക്ക വാദകൻ യദുകൃഷ്ണൻ എന്നിവർ ചേർന്നാണ് എസ്.പി.ബിക്ക് വേണ്ടി ക്ഷേത്രത്തിൽ ഗാനാർച്ചന നടത്തിയത്.

എസ്​.പി.ബിയുടെ എക്കാലത്തെയും ഹിറ്റുകളിലൊന്നായ ശങ്കരാ ...നാദശരീരാ എന്ന ഗാനം ഗണേഷ് നാദസ്വരത്തിലൂടെ ആലപിക്കുകയായിരുന്നു. ഉഷപൂജക്ക് ശേഷം കൊടിമരത്തിനു മുന്നിൽ നിന്നാണ് ഗാനാർച്ചന നടത്തിയത്. കൂടാതെ എസ്.പി.ബിയുടെ തിരിച്ചുവരവിനായി ഉഷപൂജയും നടത്തി. ഓണക്കാല പൂജകൾക്കായി ശബരിമല ക്ഷേത്രനട ഈ മാസം 29 ന് വൈകുന്നേരം തുറക്കും. പൂജകൾ പൂർത്തിയാക്കി സെപ്റ്റംബർ രണ്ടിന് നട അടയ്ക്കും. കന്നിമാസ പൂജകൾക്കായി സെപ്റ്റംബർ 16ന് വൈകുന്നേരം നട തുറക്കും.