Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഎ.ഐ. എല്ലാ മേഖലയിലും...

എ.ഐ. എല്ലാ മേഖലയിലും അപകടമാണെന്ന് സ്പീക്കർ എ.എൻ. ഷംസീർ

text_fields
bookmark_border
Speaker AN Shamseer
cancel

തിരുവനന്തപുരം: എ.ഐ. എല്ലാ മേഖലയിലും അപകടമാണെന്ന് സ്പീക്കർ എ.എൻ. ഷംസീർ. കേബിൾ ടി.വി. ഓപ്പറേറ്റേഴ്സ് അസോസിയേഷൻ 14ാം സംസ്ഥാന സമ്മേളനം ഉദ്ഘാടനം ചെയ്തുസംസാരിക്കുകയായിരുന്നു അദ്ദേഹം. നിയന്ത്രണമില്ലെങ്കിൽ പ്രശ്നമാകും. ചിലിയെന്ന രാജ്യത്തിൽ നിന്നും പഠിക്കാനുണ്ട്. അവിടെയാണ് എ.ഐ ആദ്യമായി ഉപയോഗിച്ചത്.

പക്ഷെ, അവിടെ നല്ല നിയന്ത്രണമുണ്ട്. എ.ഐ എല്ലാ മേഖലയിലും ഇടപെടുകയാണ്. നല്ല വശങ്ങൾ സ്വീകരിക്കാം. നല്ല വശങ്ങളുളളപ്പോൾ ചീത്ത വശങ്ങൾ ഉ​ണ്ടെന്ന് മറക്കരുതെന്നും ഷംസീർ പറഞ്ഞു.

ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് (എ.​ഐ) സാ​​ങ്കേ​തി​ക​വി​ദ്യ മൂ​ത്താ​ൽ അ​ത് സോ​ഷ്യ​ലി​സ​ത്തി​ലേ​ക്കു​ള്ള വ​ഴി തു​റ​ക്കു​മെ​ന്നും മു​ത​ലാ​ളി​ത്ത​ത്തി​ന്റെ ഉ​ൽ​പ​ന്നം വാ​ങ്ങാ​ൻ ആ​ളി​ല്ലാ​താ​വു​ക​യും ചെ​യ്യു​മെ​ന്ന സി.​പി.​എം സം​സ്ഥാ​ന​ സെ​ക്ര​ട്ട​റി എം.​വി. ഗോ​വി​ന്ദ​ന്റെ നി​രീ​ക്ഷ​ണ​ത്തിനെതിരായ ട്രോ​ളുകൾ സ​മൂ​ഹ​മാ​ധ്യ​മ​ങ്ങ​ളിൽ നിറഞ്ഞ് കിടക്കുമ്പോഴാണ് സ്പീക്കർ എ.എൻ. ഷംസീറും ഈ വിഷയത്തിൽ സംസാരിക്കുന്നത്. മ​നു​ഷ്യ​ന്റെ അ​ധ്വാ​ന​ത്തി​ന്റെ 60 ശ​ത​മാ​ന​വും എ.​ഐ കീ​ഴ​ട​ക്കു​ക​യും അ​തു​വ​ഴി തൊ​ഴി​ൽ​കു​റ​യു​മെ​ന്നും പ​റ​യു​ന്ന​യാ​ൾ​ത​ന്നെ, അ​ത്ത​ര​മൊ​രു സാ​ഹ​ച​ര്യം സ​മ​ത്വ​മു​ണ്ടാ​ക്കു​മെ​ന്ന് നി​രീ​ക്ഷി​ക്കു​ന്ന​ത് എ​ങ്ങ​നെ​യെ​ന്നാ​ണ് ഗോവിന്ദനെതിരെയുള്ള പ്ര​ധാ​ന വി​മ​ർ​ശ​നം.

പ​ണ്ട് ട്രാ​ക്ട​റും ക​മ്പ്യൂ​ട്ട​റും എ​തി​ർ​ത്ത​തി​ൽ​നി​ന്ന് വ്യ​ത്യ​സ്ത​മാ​യി എ.​ഐ​യെ പോ​സി​റ്റി​വ് ആ​യി ക​ണ്ട​തി​ൽ ആ​ശ്വാ​സം പ്ര​ക​ടി​പ്പി​ക്കു​ക​യാ​ണ് ചി​ല​ർ. ത​ളി​പ്പ​റ​മ്പി​ൽ ഫെ​ബ്രു​വ​രി ഒ​ന്നു​മു​ത​ൽ ന​ട​ക്കു​ന്ന സി.​പി.​എം ക​ണ്ണൂ​ർ ജി​ല്ല സ​മ്മേ​ള​ന​ത്തി​ന്റെ ഭാ​ഗ​മാ​യി ത​ളി​പ്പ​റ​മ്പ് ഏ​രി​യ ക​മ്മി​റ്റി ഓ​ഫി​സി​ൽ ചു​വ​ർ​ശി​ൽ​പ സ്മാ​ര​കം ഉ​ദ്ഘാ​ട​നം ചെ​യ്യു​മ്പോ​ഴാ​ണ് എ.​ഐ സം​ബ​ന്ധി​ച്ച് അ​ദ്ദേ​ഹം വി​ശ​ദീ​ക​രി​ച്ച​ത്.

എം.​വി. ഗോ​വി​ന്ദ​ന്റെ പ്ര​സം​ഗ​ത്തി​ൽ​നി​ന്ന്:

‘‘എ.​ഐ ഇ​ങ്ങ​നെ മൂ​ത്തു​മൂ​ത്ത് വ​ന്നാ​ൽ പി​ന്നെ മാ​ർ​ക്സി​സ​ത്തി​ന് എ​ന്തു പ്ര​സ​ക്തി എ​ന്നാ​ണ് സ​ഖാ​ക്ക​ൾ ചോ​ദി​ച്ചു​കൊ​ണ്ടി​രി​ക്കു​ന്ന​ത്. അ​വി​ടെ​യും മാ​ർ​ക്സി​സ​ത്തി​നാ​ണ് പ്ര​സ​ക്തി. മു​ത​ലാ​ളി​ത്ത​ത്തി​ന്റെ കൈ​യി​ലാ​ണ് എ.​ഐ. എ.​ഐ വി​വി​ധ​ത​ല​ങ്ങ​ളി​ൽ ഉ​പ​യോ​ഗി​ക്ക​പ്പെ​ടു​ന്ന​തോ​ടെ 60 ശ​ത​മാ​നം ആ​ളു​ക​ളു​ടെ ജോ​ലി അ​തു ചെ​യ്യും. അ​ധ്വാ​നി​ക്കു​ന്ന വ​ർ​ഗ​ത്തി​ന് പ​ണി​യി​ല്ലാ​താ​കും. ഇ​തോ​ടെ, ക​മ്പോ​ള​ത്തി​ലെ ക്ര​യ​വി​ക്ര​യ​ശേ​ഷി​യി​ലും 60 ശ​ത​മാ​നം കു​റ​വു​ണ്ടാ​കും.

മു​ത​ലാ​ളി​ത്ത​ത്തി​ന്റെ ഉ​ൽ​പ​ന്ന​ങ്ങ​ൾ വാ​ങ്ങാ​ൻ ആ​ളി​ല്ലാ​താ​വും. അ​ങ്ങ​നെ വ​രു​മ്പോ​ൾ ഉ​ള്ള​വ​നും ഇ​ല്ലാ​ത്ത​വ​നും ത​മ്മി​ലെ അ​ന്ത​രം കു​റ​യും. അ​തു മൗ​ലി​ക​മാ​യ മാ​റ്റ​ത്തി​നു കാ​ര​ണ​മാ​വും. ഈ ​സാ​ഹ​ച​ര്യ​ത്തെ​യാ​ണ് മാ​ർ​ക്സ് സ​മ്പ​ത്തി​ന്റെ വി​ഭ​ജ​ന​മെ​ന്ന് പ​റ​ഞ്ഞ​ത്. അ​ങ്ങ​നെ സോ​ഷ്യ​ലി​സ​​ത്തി​ലേ​ക്കു​ള്ള വ​ഴി തെ​ളി​യും.

ഇ​തി​നു ചി​ല​പ്പോ​ൾ നൂ​റോ നൂ​റ്റ​മ്പ​തോ വ​ർ​ഷം വേ​ണ്ട​താ​യി വ​രും. എ​ല്ലാ ക​ണ്ടെ​ത്ത​ലു​ക​ളെ​യും ഉ​ൾ​ക്കൊ​ള്ളാ​വു​ന്ന ഒ​ന്നാ​ണ് മാ​ർ​ക്സി​സം. എ.​ഐ​യും മാ​ർ​ക്സി​സ​ത്തി​ൽ ഉ​ൾ​പ്പെ​ടും. മാ​ർ​ക്സി​സ​ത്തി​ന് കാ​ല​ഹ​ര​ണ ദോ​ഷ​മു​ണ്ടാ​വി​ല്ല. ഭ​ഗ​വ​ദ് ഗീ​ത​ക്കും ബൈ​ബി​ളി​നും ഖു​ർ​ആ​നി​നു​മൊ​ക്കെ കാ​ല​ഹ​ര​ണ​ദോ​ഷ​മു​ണ്ടാ​കും’’.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:AN Shamseer
News Summary - Speaker A.N. Shamseer says AI is a danger in every field
Next Story