'വിരട്ടാൻ ശ്രമിക്കാതെ പറയാനുള്ളത് തുറന്ന് പറയണം'; അർജുൻ ആയങ്കിക്ക് മറുപടിയുമായി ഡി.വൈ.എഫ്.ഐ

ക​ണ്ണൂ​ര്‍: പ​ര​സ്യ വെ​ല്ലു​വി​ളി​ ഉയർത്തിയ ക​രി​പ്പൂ​ര്‍ സ്വ​ര്‍ണ​ക്ക​ട​ത്ത് കേ​സി​ലെ മു​ഖ്യ​പ്ര​തി​ക​ളി​ലൊ​രാ​ളാ​യ അ​ര്‍ജു​ന്‍ ആ​യ​ങ്കിക്ക് മറുപടിയുമായി ഡി.​വൈ.​എ​ഫ്.​ഐ​. എല്ലാം തുറന്നു പറയും എന്ന് വിരട്ടി ഡി.വൈ.എഫ്.ഐയെ വെറുതെ ബ്ലാക് മെയിൽ ചെയ്യാൻ ശ്രമിക്കാതെ പറയാനുള്ളത് തുറന്ന് പറയണമെന്നാണ് മുൻ ജില്ല അധ്യക്ഷനും സി.പി.എം ജില്ല കമ്മിറ്റി അംഗവുമായ മനു തോമസ് അർജുന് മറുപടി നൽകിയത്.

ഡി.വൈ.എഫ്.ഐയെ മറയാക്കിക്കൊണ്ട് ആകാശ് തില്ലങ്കേരിയും അര്‍ജുന്‍ ആയങ്കിയും സാമൂഹിക വിരുദ്ധ പ്രവര്‍ത്തനങ്ങള്‍ നടത്തിയപ്പോള്‍, സംഘടനയുടെ നേതൃത്വം എന്ന നിലയില്‍ ഉത്തരവാദിത്തത്തോടെ അതിനോട് പ്രതികരിച്ചിട്ടുണ്ട്. തെറ്റിദ്ധരിപ്പിക്കപ്പെട്ട ആളുകള്‍ ഇവരെ തിരിച്ചറിയുകയും ഇവരുമായുള്ള ബന്ധം അവസാനിപ്പിക്കുകയും ചെയ്തിട്ടുണ്ടെന്നും എന്താണ് പറയാനുള്ളതെന്നാല്‍ തുറന്ന് പറയണമെന്നും അദ്ദേഹം പറഞ്ഞു.

സമൂഹ മാധ്യമങ്ങളിൽ സ്വീകാര്യത കിട്ടാൻ പി. ജയരാജന്റെ കൂടെ നിന്ന് ഫോട്ടോ എടുത്ത് അതുപയോഗിച്ചാണ് ആകാശ് തില്ലങ്കേരിയും അർജ്ജുൻ ആയങ്കിയും അടക്കമുള്ള സ്വർണ്ണക്കടത്ത് ക്വട്ടേഷൻ സംഘാംഗങ്ങളുടെ പ്രവർത്തനമെന്ന് മനു തോമസ് കുറ്റപ്പെടുത്തി. പി. ജയരാജനെ മാത്രം പുകഴ്ത്താനും മറ്റുള്ള നേതാക്കളെ ഇകഴ്ത്താനും ഇവർക്ക് സാധിക്കുന്നത് പാർട്ടി ബോധ്യം ഇല്ലാത്തതിനാലാണെന്നും അദ്ദേഹം കൂട്ടിച്ചേർത്തു.

മ​നു തോ​മ​സി​നെ​തി​രാ​യി ന​വ​മാ​ധ്യ​മ​ങ്ങ​ളി​ലൂ​ടെ അ​പ​കീ​ർ​ത്തി​പ്പെ​ടു​ത്തു​ന്ന പോ​സ്റ്റ് ഇ​ട്ട​തി​നെ തു​ട​ർ​ന്ന് അ​ർ​ജു​ൻ ആ​യ​ങ്കി​ക്കെ​തി​രെ​യും ഷു​ഹൈ​ബ് വ​ധ​ക്കേ​സ് പ്ര​തി ആ​കാ​ശ് തി​ല്ല​ങ്കേ​രി​ക്കെ​തി​രെ​യും ഡി.​വൈ.​എ​ഫ്.​ഐ പൊ​ലീ​സി​ല്‍ പ​രാ​തി ന​ല്‍കി​യ​തി​ന് പി​ന്നാ​ലെ​യാ​ണ് മു​ന്ന​റി​യി​പ്പു​മാ​യി ആ​യ​ങ്കി​യു​ടെ ഫേ​സ്ബു​ക്ക് പോ​സ്റ്റ്.

'അ​ങ്ങ​നെ വീ​ണ്ടും വീ​ണ്ടും പൊ​തു​മ​ധ്യ​ത്തി​ലേ​ക്ക് കൊ​ണ്ടു​വ​ന്ന് വി​ചാ​ര​ണ ചെ​യ്യാ​നി​ട​യാ​ക്കു​ന്ന സാ​ഹ​ച​ര്യം സൃ​ഷ്ടി​ക്ക​പ്പെ​ടു​മ്പോ​ൾ പ്ര​തി​ക​രി​ക്കാ​ൻ ഞാ​നും നി​ർ​ബ​ന്ധി​ത​നാ​യേ​ക്കും. അ​പ്പോ​ഴു​ണ്ടാ​യേ​ക്കാ​വു​ന്ന രാ​ഷ്ട്രീ​യ​സം​ഘ​ർ​ഷ​ങ്ങ​ൾ​ക്ക് ഉ​ത്ത​ര​വാ​ദി​ത്തം പ​റ​യേ​ണ്ട​ത് ഇ​തി​ന് തു​ട​ക്ക​മി​ട്ട​വ​രാ​ണ്. നി​ങ്ങ​ൾ​ക്ക് വി​ദ്വേ​ഷ​മു​ണ്ടാ​വാം, അ​യി​ത്തം ക​ല്പി​ച്ച് തൊ​ട്ടു​കൂ​ടാ​യ്മ​യും തീ​ണ്ടി​ക്കൂ​ടാ​യ്മ​യും ഉ​ണ്ടാ​വാം. അ​തൊ​ന്നും എ​ന്നെ ബാ​ധി​ക്കു​ന്ന വി​ഷ​യ​മ​ല്ല. അ​നാ​വ​ശ്യ കാ​ര്യ​ങ്ങ​ൾ​ക്ക് ഉ​പ​ദ്ര​വി​ക്കാ​തി​രി​ക്കു​ക, അ​താ​ർ​ക്കും ഗു​ണം​ചെ​യ്യു​ക​യി​ല്ല. ക​മ്യൂ​ണി​സ്റ്റ് വി​രു​ദ്ധ​ർ​ക്ക് ചാ​ര​പ്പ​ണി​യെ​ടു​ക്കു​ന്ന പ​രി​പാ​ടി ഞാ​ൻ ചെ​യ്തി​ട്ടി​ല്ല. വെ​റു​തെ എ​ന്നെ​ക്കൊ​ണ്ട് പ​റ​യി​പ്പി​ക്ക​രു​ത്' -ആ​യ​ങ്കി​യു​ടെ പോ​സ്റ്റ് ഇ​ങ്ങ​നെ​യാ​ണ് അ​വ​സാ​നി​ക്കു​ന്ന​ത്.

ഇ​തു​മാ​യി ബ​ന്ധ​പ്പെ​ട്ട് ന​ട​ത്താ​ൻ തീ​രു​മാ​നി​ച്ച വാ​ർ​ത്ത​സ​മ്മേ​ള​നം ഉ​പേ​ക്ഷി​ച്ച​താ​യും പോ​സ്റ്റി​ൽ പ​റ​യു​ന്നു. ഒ​രു ഫേ​സ്ബു​ക്ക് പോ​സ്റ്റി​ല്‍ നേ​താ​വി​നെ പ​ര​ാമ​ർ​ശി​ച്ചു എ​ന്ന​തി​ന്റെ അ​ടി​സ്ഥാ​ന​ത്തി​ല്‍ ന​ൽ​കി​യ പ​രാ​തി ശ​രി​യ​ല്ലെ​ന്നും പോ​സ്റ്റി​ൽ പ​റ​യു​ന്നു.