Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightബിഷപ്പിനെ വെറുതെ വിട്ട ...

ബിഷപ്പിനെ വെറുതെ വിട്ട വിധി സമൂഹത്തിന്​ നൽകുന്നത്​ തെറ്റായ സന്ദേശമെന്ന്​ എസ്​.പി എസ്​ ഹരിശങ്കർ

text_fields
bookmark_border
ബിഷപ്പിനെ വെറുതെ വിട്ട വിധി സമൂഹത്തിന്​ നൽകുന്നത്​ തെറ്റായ സന്ദേശമെന്ന്​ എസ്​.പി എസ്​ ഹരിശങ്കർ
cancel

കന്യാസ്​ത്രീയെ ബലാത്സംഗം ചെയ്​ത കേസിൽ ബിഷപ്പ്​ ഫ്രാ​​േങ്കായെ വെറുതെ വിട്ട കോടതി വിധി സമൂഹത്തിന്​ നൽകുന്നത്​ തെറ്റായ സന്ദേശമെന്ന്​ അന്വേഷണത്തിന്​ നേതൃത്വം കൊടുത്ത കോട്ടയം മുൻ എസ്​.പി എസ്​ ഹരിശങ്കർ. ഒരിക്കലും അംഗീകരിക്കാൻ കഴിയാത്തതും അപ്രതീക്ഷിതവുമായ വിധിക്കെതിരെ അപ്പീൽ പോകുമെന്നും അദ്ദേഹം മാധ്യമങ്ങളോട്​ പറഞ്ഞു.

വീണുകിട്ടിയ ഒരു കച്ചിത്തുരുമ്പിൽ ​പിടിച്ചു കയറാൻ ശ്രമിക്കുകയായിരുന്നു പീഡിപ്പിക്കപ്പെട്ട കന്യാസ്​ത്രീ. എതിർഭാഗത്തുള്ളത്​ അവരുടെ ജീവൻ തന്നെ അപകടത്തിലാക്കാൻ ശേഷിയുള്ള ആളാണ്​. അങ്ങിനെയൊരാൾക്കെതിരെ പരാതി പറയാൻ സാധാരണ നിലയിൽ ആർക്കുമാകില്ല. എന്നാൽ, ദീർഘകാലമെടുത്ത്​ സംഭരിച്ച ധൈര്യം കൊണ്ടാണ്​ അവർക്ക്​ പരാതി പറയാൻ തന്നെ കഴിഞ്ഞത്​. ഇത്തരം പീഡനങ്ങൾ നിരവധി നടക്കുന്നുണ്ടാകാം. ഇരകളുടെ ജീവൻ തന്നെ പീഡകരെ ആശ്രയിച്ചു നിൽക്കുന്ന അവസ്​ഥ മറ്റു പല കേന്ദ്രങ്ങളിലും ഉണ്ടാകാം. അവരൊന്നും ഇനിയൊരിക്കലും മിണ്ടരുതെന്നാണ്​ ഇൗ കോടതി വിധി നൽകുന്ന സന്ദേശം. അതൊരിക്കലും അംഗീകരിക്കാനാകില്ലെന്നും അദ്ദേഹം പറഞ്ഞു.

പ്രോസിക്യൂഷൻ സാക്ഷികളെല്ലാം വാദത്തിൽ ഉറച്ചു നിൽക്കുകയും ആരും മൊഴിമാറ്റുകയും ചെയ്യാത്ത കേസാണിത്​. വലിയ സമ്മർദങ്ങൾ അതിജീവിച്ചാണ്​ പലരും മൊഴി നൽകാനാത്തെിയതും സാക്ഷി പറഞ്ഞതും. എന്നിട്ടും എന്തുകൊണ്ടാണ്​ മറിച്ചൊരു വിധി ഉണ്ടായതെന്ന്​ പരിശോധിക്കണമെന്നും അദ്ദേഹം പറഞ്ഞു.

സാക്ഷികൾ ഉറച്ചു നിൽക്കുകയും പ്രതിക്കെതിരായ മൊഴികൾ ശക്​തമായിരിക്കുകയും ശാസ്​ത്രീയ തെളിവുകൾ മുഴുവൻ പ്രതിക്കെതിരാകുകയും പ്രതിഭാഗം സാക്ഷികൾക്ക്​ കാര്യമായ ഒന്നും മുന്നോട്ട്​ വെക്കാനില്ലാതിരിക്കുകയും ചെയ്​തിട്ടും പ്രതിയെ വെറുതെ വിടുകയായിരുന്നു. ഇന്ത്യൻ നീതിന്യായ സംവിധാനത്തിലെ ഒരു അദ്​ഭുതമാണ്​ ഫ്രാ​േങ്കാ കേസ്​ വിധിയെന്നും ഇത്​ അസാധാരണമാണെന്നും അദ്ദേഹം പറഞ്ഞു.

ഞെട്ടലോടെയാണ്​ വിധി കേട്ടതെന്നും അപ്പീൽ പോകാൻ പൊലീസ്​ മേധാവി അനുവാദം നൽകിയിട്ടുണ്ടെന്നും അദ്ദേഹം പറഞ്ഞു.

അപ്രതീക്ഷിതമായിരുന്നു വിധിയെന്ന്​ അന്വേഷണ ഉദ്യോഗസ്​ഥൻ കെ. സുഭാഷ്​ പറഞ്ഞു. ഇനി മറ്റെവിടെയും പറയാനില്ലാത്ത ഒരു കന്യാസ്​ത്രീയുടെ പരാതിയാണിത്​. ഇതിനെ അങ്ങിനെ കാണണമായിരുന്നെന്നും സുഭാഷ്​ പറഞ്ഞു.

Show Full Article
TAGS:bishop franko Bishop Franco Mulakkal rape 
News Summary - sp harishankar responds about franco verdict
Next Story