കളമശ്ശേരി ബസ് കത്തിക്കല്‍: ജാമ്യ വ്യവസ്ഥ ഒഴിവാക്കണമെന്ന് സൂഫിയ മഅ്ദനി

കൊച്ചി: കളമശ്ശേരി ബസ് കത്തിക്കല്‍ കേസിലെ 10ാം പ്രതിയും പി.ഡി.പി ചെയര്‍മാന്‍ അബ്ദുന്നാസിര്‍ മഅ്ദനിയുടെ ഭാര്യയുമായ സൂഫിയ മഅ്ദനി ജാമ്യ വ്യവസ്ഥ റദ്ദാക്കണമെന്നാവശ്യപ്പെട്ട് കോടതിയെ സമീപിച്ചു. മഅ്ദനി ബംഗളൂരുവില്‍ ചികിത്സയിലാണെന്നും തന്‍െറ സാന്നിധ്യം എപ്പോഴും ആവശ്യമുള്ളതിനാല്‍ നേരത്തേ ജില്ലാ കോടതി ജാമ്യം അനുവദിച്ചപ്പോള്‍ നിഷ്കര്‍ഷിച്ചിരുന്ന വ്യവസ്ഥ പൂര്‍ണമായി റദ്ദാക്കണമെന്നും ആവശ്യപ്പെട്ടാണ് സൂഫിയ എറണാകുളം പ്രത്യേക എന്‍.ഐ.എ കോടതിയെ സമീപിച്ചത്