കുട്ടികളു​െട മുന്നിലിട്ട്​ ആയയെ കൊന്നത്​ മകൻ; ഭർത്താവും അറസ്​റ്റിൽ

ചെറുതോണി (ഇടുക്കി): മൂന്നാർ ഗുണ്ടുമല എസ്​റ്റേറ്റിൽ ഒരു വർഷം മുമ്പ് ആയയെ കൊലപ്പെടുത്തിയത്​ മകനെന്ന്​ തെളിഞ്ഞു.  സ്​കൂൾ പ്രായമാകാത്ത കുട്ടികളെ പരിചരിക്കുന്ന സ്ഥാപനത്തിൽ (ക്രഷ്) കുരുന്നുകൾക്ക്​ മുന്നിൽ ആയ, രാജഗുരുവിനെ (42) 2017 ഫെബ്രുവരി 14 ന്​ വെട്ടിക്കൊലപ്പെടുത്തുകയായിരുന്നു. സംഭവത്തിൽ ഇളയമകൻ രാജ്​കുമാറും(18) മൂന്നാറിൽ ടൂറിസ്​റ്റ്​ ഗൈഡായ പിതാവ് മണികുമാറും​ (49) അറസ്​റ്റിലായി.  കഞ്ചാവ്​ ലഹരിക്കടിമയായ മകൻ രാജ്​കുമാർ വാക്കത്തികൊണ്ട് ഇവരെ പലതവണ വെട്ടിക്കൊലപ്പെടുത്തുകയായിരു​െന്നന്ന്​ ജില്ല ​പൊലീസ്​ മേധാവി ​വേണുഗോപാൽ പറഞ്ഞു. 

രാജഗുരുവി​​​െൻറ ശരീരത്തിൽ 9 വെട്ടുകളുണ്ടായിരുന്നു. ദുർനടപ്പുകാരനായ മകന് ധൂർത്തടിക്കാൻ പണം നൽകാത്തതാണ്  കൊലക്ക്​ േപ്രരിപ്പിച്ചത്. ബൈക്ക്​ വേണം, മാലവേണം, പണം വേണം തുടങ്ങിയ ആവശ്യങ്ങളുന്നയിച്ച് അമ്മയെ മകൻ നിരന്തരം ശല്യപ്പെടുത്തിയിരുന്നു. പണം കൊടുക്കാതെവന്നതോടെ ഇവന് വൈരാഗ്യം വർധിച്ചു. അതിനിടെ, ബൈക്ക്​ വാങ്ങാൻ പണം കിട്ടി​െയ തീരൂവെന്ന്​  ഫോൺ ചെയ്​ത രാജ്​കുമാർ ഇതേച്ചൊല്ലി സംഭവദിവസം രാവി​ലെ അമ്മയുമായി ഉടക്കി​. വാങ്ങാൻ കഴിയില്ലെന്ന അമ്മയുടെ വാക്കുകളിൽ രോഷംപൂണ്ട രാജ്​കുമാർ, കൂട്ടുകാരുടെ അടുത്തുനിന്ന്​ നേരെ ക്രഷിലെത്തി അമ്മയുമായി നേരിട്ട്​ ഉടക്കിയതിനൊടുവിലാണ്​ വെട്ടിക്കൊലപ്പെടുത്തിയത്​.  

അന്നുതന്നെ സംഭവം രാജ്​കുമാർ പിതാവിനോട് പറഞ്ഞു. ഇയാൾ തെളിവുനശിപ്പിക്കാൻ കൂട്ടുനിൽക്കുകയും മകനെ സംരക്ഷിക്കുകയുമായിരുന്നു. ഇക്കാര്യം സ്ഥിരീകരിച്ചതിനെ ത്തുടർന്നാണ്​ പൊലീസ്​ പിതാവിനെ പ്രതിചേർത്ത്​ അറസ്​റ്റ്​ ​െചയ്​തത്​. മകനെ രക്ഷിക്കാൻ അയൽവാസിയായ മറ്റൊരാളുടെ തലയിൽ കുറ്റം ചുമത്തി ശ്രദ്ധതിരിച്ചുവിടാനും അന്വേഷണവേളയിൽ ഇയാൾ ശ്രമിച്ചു. രാജഗുരുവി​​​െൻറ കഴുത്തിൽനിന്ന്​ കൈക്കലാക്കിയ സ്വർണമാല അയൽവാസിയുടെ വീട്ടുമുറ്റത്ത്​ കൊണ്ടിടുകയായിരുന്നു. നാലുവയസ്സിൽ താഴെയുളള ആറ്​ കുട്ടികളുടെ മുന്നിൽ ​െവച്ചായിരുന്നു പൈശാചിക  കൊലപാതകം. തുടക്കത്തിൽ രാജഗുരുവി​​​െൻറ ഭർത്താവിനെയും മകനെയും പൊലീസിന്​ സംശയമുണ്ടായിരുന്നില്ല. 

എന്നാൽ, ഇവർ കേസിൽ വലിയ താൽപര്യം കാണിക്കാതിരുന്നത്​ സംശയത്തിനിടയാക്കുകയും തുടർന്ന് അന്വേഷണം ഇവരിൽ കേന്ദ്രീകരിക്കുകയുമായിരുന്നു. പ്രത്യേകസംഘം രൂപവത്​കരിച്ചായിരുന്നു അന്വേഷണം. 1400ലധികം പേരെ ചോദ്യംചെയ്​തു. മൂന്നാർ ഡിവൈ.എസ്​.പി എസ്​. അഭിലാഷ്, സി.ഐ സാം, എസ്​.ഐ ജോബി തോമസ്​, എ.എസ്​.ഐ സജിമോൻ, സീനിയർ സിവിൽ ​െപാലീസ്​ ഓഫിസർ മുഹമ്മദ്, സി.പി.ഒമാരായ  സലിൻ, വേണുഗോപാൽ, സന്തോഷ്, അലക്​സ്​, ബേസിൽ ഐസക് എന്നിവരാണ് സംഘത്തിലുണ്ടായിരുന്നത്. 

അറസ്റ്റിലായ പ്രതികൾ

 

മക​​​െൻറ വഴിതെറ്റിയ ജീവിതം അമ്മയുടെ ജീവനെടുത്തു
അമ്മയെ കൊലപ്പെടുത്താൻ പതിനെട്ടുകാരനെ േപ്രരിപ്പിച്ചത് വഴിവിട്ട ജീവിതം. മൂന്നാർ ഗുണ്ടുമലയിൽ ശിശു സ​േങ്കതത്തിലെ ആയ രാജഗുരുവി​നെ ​ദാരുണമായി കൊലപ്പെടുത്താൻ പ്രേരിപ്പിച്ചത്​ മക​​​​െൻറ വഴിതെറ്റിയ ജീവിതം. കൗമാരനാളിൽ തന്നെ പതിവ്​ ലഹരി ഉപയോഗക്കാരനായി മാറിയിരുന്നു മകൻ രാജ്​കുമാറെന്ന്​ ​പൊലീസ്​ പറഞ്ഞു. സംഭവദിവസം രാവിലെ അമ്മയോട് ബൈക്ക് വാങ്ങിനൽകണമെന്ന്​ ആവശ്യപ്പെട്ടിരുന്നു. ൈഡ്രവറായ മൂത്തമകന് അമ്മ കാറും രണ്ടുപവ​​​െൻറ മാല വാങ്ങിക്കൊടുത്തതും ഇവന് ഇഷ്​ടപ്പെട്ടിരുന്നില്ല. കൂട്ടുകാരുമായി കഞ്ചാവടിച്ചുനടന്ന മക​​​െൻറ പോക്ക്​ രാജഗുരു എതിർത്തിരുന്നു. പ്ലസ്​ടുവിന് രണ്ടുതവണ സ്​കൂളിൽ ചേർത്തെങ്കിലും ലഹരിക്കടിപ്പെട്ടതിനാൽ സ്​കൂൾ അധികൃതർ പറഞ്ഞുവിട്ടു. 

കൊല്ലപ്പെട്ട ദിവസം രാവിലെ കൂട്ടുകാരുമായി കഞ്ചാവ് വലിച്ചുകൊണ്ടിരിക്കെ അമ്മയുമായി ഫോണിലൂടെ ചീത്തവിളിക്കുന്നത് കൂട്ടുകാർ കേട്ടു. ബൈക്ക് വാങ്ങിക്കൊടുക്കാത്തതിനായിരുന്നു അമ്മയോട് അമർഷം. അമ്മയെ കണ്ടിട്ടുവരാമെന്ന്​ കൂട്ടുകാരോട്​ പറഞ്ഞ്​ രാജ്​കുമാർ പോയി. വൈകാതെ രാജഗുരുവി​​െൻറ മരണവാർത്തയാ​ണ്​ കൂട്ടുകാർ കേട്ടത്. നാലുവയസ്സിൽ താഴെയുള്ള പിഞ്ചുകുട്ടികളുടെ മുന്നിലിട്ടായിരുന്നു അമ്മയെ തലങ്ങും വിലങ്ങും വെട്ടിയത്. പിന്നീട് ഇവൻ തൊട്ടടുത്ത സ്വന്തം വീട്ടിലേക്ക്​ പോയി. ഉച്ചക്ക്​ കുഞ്ഞുങ്ങളെ എടുക്കാൻ വന്ന ഝാർഖണ്ഡ്​ സ്വദേശികളായ അമ്മമാരാണ് ആയ വെട്ടേറ്റ് രക്തത്തിൽ കുളിച്ചുകിടക്കുന്നത് കണ്ടത്. ഇവർ ഒാടി വീട്ടിലെത്തി രാജ്​കുമാറിനോട് വിവരം പറഞ്ഞു.

എന്നാൽ, സംഭവസ്ഥലത്തേക്ക്​ വരാനോ ആശുപത്രിയിൽ കൊണ്ടുപോകാനോ താൽപര്യം കാണിച്ചില്ല. പിന്നീട് നാട്ടുകാർ മുൻകൈയെടുത്താണ് ആശുപത്രിയിൽ എത്തിച്ചത്​. തുടക്കം മുതൽ പ്രതി പരസ്​പര വിരുദ്ധമായ മൊഴികളാണ് അന്വേഷണ ഉദ്യോഗസ്ഥർക്ക് നൽകിയത്. ഇത്​ കൂടുതൽ സംശയത്തിനിടയാക്കി. അംഗൻവാടിയിൽ സംഭവസമയത്തുണ്ടായിരുന്ന നാലുവയസ്സുള്ള രണ്ടു​ കുട്ടികൾ രാജ്​കുമാറിനെ കണ്ടപ്പോൾ ഭീതരായി കരഞ്ഞതും ഓടിയൊളിച്ചതും വഴിത്തിരിവായി. എന്നാൽ, സംശയത്തിനപ്പുറം തെളിവുകൾ ശേഖരിക്കാനാകാതെവന്നത്​ പൊലീസിനെ കുഴച്ചു. അവസാനം പലവഴിക്കുള്ള സംശങ്ങൾ നിരത്തി നിരന്ത ചോദ്യംചെയ്യലി​നൊടുവിൽ രാജ്​കുമാർ കുറ്റം സമ്മതിക്കുകയായിരുന്നു.

രാജഗുരുവിനും ഭർത്താവ്​ മണികുമാറിനും രണ്ടു മക്കളാണ്​. മൂത്ത മകനോടായിരുന്നു അമ്മ അടുത്തിടപെട്ടിരുന്നത്​. വഴിവിട്ട്​ സഞ്ചരിക്കുന്ന ഇളയമകൻ രാജ്​കുമാറുമായി നിരന്തരം വഴക്കായിരു​െന്നന്ന് നാട്ടുകാർ പറഞ്ഞു. വീട്ടിലെ സാമ്പത്തിക കാര്യങ്ങളെല്ലാം കൈകാര്യം ചെയ്തിരുന്നത് രാജഗുരുവായിരുന്നു. ഇതിനുപുറമെ നാട്ടുകാർക്ക്​ പണം പലിശക്കുകൊടുക്കുന്ന ഏർപ്പാടും രാജഗുരുവിനുണ്ടായിരുന്നു. 

ഒരുഗ്രാമം മുഴുവൻ അരിച്ചുപെറുക്കി 1400ലധികം പേരെ ചോദ്യംചെയ്തിരുന്നെങ്കിലും തുമ്പുകിട്ടിയില്ല. മൂന്നാറിൽനിന്ന്​ 25 കിലോമീറ്റർ അകലെയാണ് ഗുണ്ടുമല എസ്​റ്റേറ്റ്. മൂന്നാർ ഡിവൈ.എസ്​.പിയുടെ കീഴിലുള്ള അന്വേഷണസംഘത്തിന്​ പുറമെ വാഹനമോഷണം, കള്ളനോട്ട് തുടങ്ങിയവ തെളിയിക്കുന്നതിൽ പ്രത്യേക കഴിവുള്ള അംഗങ്ങളുൾപ്പെട്ട പ്രത്യേക ടീമും കേസന്വേഷണത്തിനായി ഇടുക്കി എസ്​.പിയുടെ നേതൃത്വത്തിൽ രൂപവത്​കരിച്ചിരുന്നു. ദൃക്സാക്ഷികളില്ലാത്ത കേസിൽ സാഹചര്യത്തെളിവുകളുടെ അടിസ്ഥാനത്തിലാണ്​ കേസന്വേഷണം പൂർത്തിയാക്കിയത്. സംഭവം നടക്കുമ്പോൾ പതിനേഴുകാരനായ പ്രതിക്ക് പ്രായപൂർത്തിയായി ഒരുമാസം പിന്നിടുമ്പോഴാണ് അറസ്​റ്റ്​.