ബാങ്ക്​ ബജറ്റ് അവതരിപ്പിച്ചയാൾ തന്നെ അതിനെതിരെ വോട്ടും ചെയ്തു; സോളമന്‍ അലക്‌സ്​ കോൺഗ്രസ്​ വിട്ടതിങ്ങനെ

തിരുവനന്തപുരം: ഒരു കെ.പി.സി.സി ഭാരവാഹി കൂടി കോണ്‍ഗ്രസ്​ വിട്ടു. കെ.പി.സി.സി സെക്രട്ടറിയും സംസ്ഥാന കാര്‍ഷിക ഗ്രാമ വികസന ബാങ്ക് പ്രസിഡൻറും യു.ഡി.എഫ് മുന്‍ ജില്ല ചെയര്‍മാനുമായിരുന്ന സോളമന്‍ അലക്‌സാണ്​ കോണ്‍ഗ്രസ്​ പ്രാഥമികാംഗത്വം രാജി​െവച്ചത്. രാജിക്കത്ത് കെ.പി.സി.സി പ്രസിഡൻറ്​ അടക്കമുള്ള നേതാക്കള്‍ക്ക് അയച്ചുകൊടുത്തു. സി.പി.എമ്മില്‍ ചേരാനാണ് ഇദ്ദേഹവും തയാറെടുക്കുന്നത്.

വ്യാഴാഴ്​ച കാര്‍ഷിക ഗ്രാമവികസന ബാങ്കി​െൻറ ജനറല്‍ബോഡി യോഗം കഴിഞ്ഞശേഷമാണ് സോളമന്‍ രാജി പ്രഖ്യാപിച്ചത്. യോഗത്തിൽ ബാങ്കി​െൻറ ബജറ്റ് അവതരിപ്പിച്ച അദ്ദേഹം തന്നെ ബജറ്റിനെതിരെ വോട്ടും ചെയ്തു. കേരള കോൺഗ്രസ്​ എം പ്രതിനിധികളും എതിരായി വോട്ട്​ ചെയ്​തതോടെ യോഗത്തിൽ ബജറ്റ്​ പാസാക്കാനായില്ല. ഇതേത്തുടര്‍ന്ന് യോഗ ഹാളില്‍ വാക്കേറ്റവുമുണ്ടായി. ഇൗ സംഭവങ്ങൾക്ക്​ പിന്നാലെയാണ് താന്‍ കോണ്‍ഗ്രസില്‍നിന്ന് രാജിവെക്കുന്നതായി സോളമന്‍ അലക്‌സ് പ്രഖ്യാപിച്ചത്. വര്‍ഷങ്ങളായി കോണ്‍ഗ്രസ് ഭരിക്കുന്ന ബാങ്ക് ഇതോടെ അഡ്മിനിസ്‌ട്രേറ്റിവ് ഭരണത്തിലാകും.

ഗ്രൂപ്​ കളിയുടെ ഭാഗമായി നേതാക്കളെ അവഹേളിക്കുന്നതിനാലാണ് രാജിയെന്ന്​ സോളമന്‍ അലക്‌സ് വ്യക്തമാക്കി. മൂന്നുതവണ നിയമസഭ സ്ഥാനാര്‍ഥി പട്ടികയില്‍ വന്നെങ്കിലും ഒഴിവാക്കി. പാർട്ടിയിലെ 'എ' ഗ്രൂപ്​ ആണ് തന്നെ സ്ഥാനങ്ങളില്‍നിന്ന്​ മാറ്റിയത്. പുനഃസംഘടനയിലും അർഹമായ ഭാരവാഹിത്തം തന്നില്ല. തനിക്ക് നേരിടേണ്ടിവന്ന അനുഭവങ്ങളെക്കുറിച്ച് പിന്നീട് വിശദീകരിക്കുമെന്നും അദ്ദേഹം വ്യക്തമാക്കി.