സോളാർ: ശിവരാജൻ കമീഷൻ അന്വേഷണപരിധി ലംഘിച്ചിട്ടില്ലെന്ന്​ സർക്കാർ ഹൈകോടതിയിൽ

കൊച്ചി: സോളാർ തട്ടിപ്പ്​ അന്വേഷിച്ച ജസ്​റ്റിസ്​ ശിവരാജൻ കമീഷൻ പരിധി ലംഘിച്ചിട്ടില്ലെന്ന്​ സർക്കാർ ഹൈകോടതിയിൽ. അന്വേഷണത്തി​​െൻറ ഒരു ഘട്ടത്തിലും കമീഷ​​െൻറ പരിഗണനാ വിഷയങ്ങളേയോ അന്വേഷണ രീതിയേയോ ചോദ്യം ചെയ്യാത്ത മുൻ മുഖ്യമന്ത്രി ഉമ്മൻ ചാണ്ടി പ്രതികൂല പരമാർശങ്ങളുണ്ടായതോടെ കമീഷൻ റിപ്പോർട്ടിനെതിരെ അസത്യ പ്രചാരണവുമായി രംഗത്ത്​ വന്നിരിക്കുകയാണെന്നും സത്യവാങ​്​മൂലത്തിൽ കുറ്റപ്പെടുത്തി. സരിത നായരുടെ കത്തി​െന മാത്രം ആധാരമാക്കി ശിവരാജന്‍ കമീഷൻ നടത്തിയ അന്വേഷണവും റിപ്പോർട്ടും റദ്ദാക്കണമെന്നാവശ്യപ്പെട്ട്​ ഉമ്മൻ ചാണ്ടി നൽകിയ ഹരജിയിലാണ്​ ആഭ്യന്തര അണ്ടർ സെക്രട്ടറി എം.പി ​പ്രിയമോളുടെ വിശദീകരണം.

സോളാർ തട്ടിപ്പുമായി ബന്ധപ്പെട്ട ആരോപണങ്ങളിൽ അടിസ്​ഥാനമുണ്ടോയെന്ന്​ കണ്ടെത്താനാണ്​ ജുഡീഷ്യൽ കമീഷനെ നിയമിച്ചത്​. സർക്കാറും മറ്റും നൽകിയ രേഖകളുടെയും തെളിവുകളുടെയും അടിസ്​ഥാനത്തിലാണ്​ അന്വേഷണ വിഷയം നിജപ്പെടുത്തി കമീഷൻ ഉത്തരവ്​ പുറപ്പെടുവിച്ചത്​. ഇത്​ ഹരജിക്കാരനടക്കം ആരും ചോദ്യം ചെയ്​തിട്ടില്ല. ത​​​െൻറ ജീവിതം തുറന്ന പുസ്​തകമാണെന്നും എല്ലാ വിഷയങ്ങളും അന്വേഷണപരിധിയിൽ വരേണ്ടതാണെന്നും ഹരജിക്കാരൻതന്നെ പലവട്ടം വ്യക്​തമാക്കിയതാണ്​. കമീഷൻ നിജപ്പെടുത്തിയ വിഷയങ്ങൾ അന്വേഷിക്കേണ്ടതുതന്നെയാണെന്നായിരുന്നു ഹരജിക്കാര​​െൻറ നിലപാട്​. 

സരിതയുടെ കത്ത്​ അന്വേഷണ വിഷയത്തി​​െൻറ ഭാഗമായിരുന്നില്ലെന്ന വാദം തെറ്റാണ്​. പ്രതിപക്ഷമായിരുന്ന ഇടതു മുന്നണിയുടെ ആരോപണങ്ങളിൽ ഒന്നായിരുന്നു കത്ത്​. അന്നത്തെ സർക്കാറാണ്​ ഇൗ വിഷയംകൂടി കമീഷന്​ കൈമാറിയത്​. സരിതയുടെ കത്ത്​ മാത്രമല്ല, ഒ​േട്ടറെ ചിത്രങ്ങൾ, വിഡിയോകൾ, രേഖകൾ, വെളിപ്പെടുത്തലുകൾ, മൊഴികൾ, പരാതികൾ തുടങ്ങി പലതും അന്വേഷ റിപ്പോർട്ടിന്​ ആധാരമായിട്ടുണ്ട്​. ​സോളാർ നയരൂപവത്​കരണവും അതുമായി ബന്ധപ്പെട്ട പണമിടപാടുകളും സംബന്ധിച്ച വിശദാംശങ്ങൾ ഇൗ കത്തിലുണ്ട്​. അന്വേഷണത്തിൽ പ്രസക്​തമായ വിവരങ്ങളാണിത്​. അതേസമയം കത്തിൽ പരാമർശിച്ച ക്രിമിനൽ കുറ്റകൃത്യങ്ങളെക്കുറിച്ച്​ കമീഷൻ അന്വേഷിച്ചിട്ടില്ല. നടപടിക്ക്​ ശിപാർശ ചെയ്യുക മാത്രമാണ്​ ചെയ്​തത്​. 

ത​​െൻറ നിലപാടുകൾ അവതരിപ്പിക്കാൻ ഹരജിക്കാരന്​ വേണ്ടത്ര അവസരം നൽകിയിരുന്നു. ഒരു ദിവസം 14 മണിക്കൂർ ഉൾപ്പെടെ ഏഴ്​ ദിവസത്തോളം അദ്ദേഹത്തെ വിസ്​തരിച്ചു​. നടപടികളില്‍ ആദ്യാവസാനം പങ്കെടുത്ത അദ്ദേഹം ഒരിക്കൽ പോലും ഇതിനെ ചോദ്യം ചെയ്​തിട്ടില്ല. ഇൻ കാമറ പ്രൊസീഡിങ്​സ്​​ ആവശ്യമില്ലെന്ന്​ ഹരജിക്കാരൻ തന്നെയാണ്​ കമീഷനെ അറിയിച്ചത്​. കത്തി​​െൻറ പൂർണ രൂപം അദ്ദേഹത്തിന്​ നൽകിയിട്ടുണ്ട്​. ​േകാടതികളിൽ പോലും കമീഷ​​െൻറ പ്രവർത്തനത്തെ ഹരജിക്കാരൻ ന്യായീകരിച്ചി​േട്ടയുള്ളൂ​. ഇൗ സാഹചര്യത്തിൽ കമീഷൻ നടപടികളും റിപ്പോർട്ടും ത​​െൻറ അന്തസ്സിനെ ബാധിക്കുമെന്ന വാദം അംഗീകരിക്കാനാവില്ല. എല്ലാ കാര്യങ്ങളും പുറത്ത്​ ഏറെ നാളായി ചർച്ച ചെയ്യുന്ന സാഹചര്യത്തിൽ സ്വകാര്യത സംബന്ധിച്ച അവകാശമുണ്ടെന്ന വാദത്തിന്​ പ്രസക്​തിയില്ല. ഒരു സാക്ഷിയുടെ വിശ്വാസ്യത സംബന്ധിച്ച് ഹൈകോടതി പ്രതികൂലമായ നിരീക്ഷണങ്ങള്‍ നടത്തിയിട്ടുണ്ടെന്നും അതിനാല്‍ വിശ്വസിക്കരുതെന്നുമുള്ള വാദവും നിലനില്‍ക്കില്ല. വിശ്വാസ്യ യോഗ്യനല്ലാത്തയാളാണെങ്കിലും പറയുന്ന കാര്യങ്ങൾ സത്യമാണെന്ന് ബോധ്യമായാൽ അത്​ തെളിവായി പരിഗണിക്കാനാവും. പറയുന്നത്​ അസത്യമാണെങ്കിൽ ഹരജിക്കാരനെ പോലെ വിശ്വസ്​തനെന്ന്​ കരുതുന്നയാൾ പറഞ്ഞതു​കൊണ്ട്​ മാത്രം വിശ്വസിക്കാനുമാവി​െല്ലന്നും സർക്കാർ വാദിച്ചു. ഹരജി ഫെബ്രുവരി ഏഴിന്​ പരിഗണിക്കാൻ മാറ്റി.