സോളാർ റിപ്പോർട്ട്​: സർക്കാർ വീണ്ടും നിയമോപദേശത്തിന്​ 

തിരുവനന്തപുരം: സോളാര്‍ കമീഷന്‍ റിപ്പോർട്ടിൽ വീണ്ടും നിയമോപദേശം തേടാനും നവംബർ ഒമ്പതിന്​ പ്രത്യേക നിയമസഭ ചേർന്ന്​ റിപ്പോർട്ട്​ സമര്‍പ്പിക്കാനും മന്ത്രിസഭയോഗം തീരുമാനിച്ചു​. പ്രത്യേക സഭ വിളിച്ചുചേർക്കണമെന്ന്​ ഗവർണറോട് മന്ത്രിസഭ ​േയാഗം ശിപാർശ ചെയ്​തു. സഭയിൽ സമർപ്പിക്കുന്നതോടെ കേരള രാഷ്​ട്രീയത്തെ ഇളക്കിമറിച്ചുകൊണ്ടിരിക്കുന്ന സോളാർ റിപ്പോർട്ട്​ പൊതുരേഖയാകും. നേരത്തേ ഡയറക്​ടർ ജനറൽ ഒാഫ്​ പ്രോസിക്യൂഷൻ, അഡ്വക്കറ്റ്​ ജനറൽ എന്നിവരിൽനിന്ന്​ നിയമോപദേശം തേടിയിരുന്നു. റിപ്പോർട്ടിന്മേല്‍ സ്വീകരിക്കേണ്ട തുടര്‍നടപടികള്‍ സംബന്ധിച്ച് കേരള ഹൈകോടതി മുന്‍ ചീഫ് ജസ്​റ്റിസും സുപ്രീംകോടതി ജഡ്ജിയുമായിരുന്ന ജസ്​റ്റിസ് അരിജിത്ത് പസായത്തില്‍നിന്ന് വിദഗ്​ധ നിയമോപദേശം തേടാനാണ്​ പുതിയ തീരുമാനം. നിയമോപദേശം ലഭിച്ചശേഷം പ്രത്യേക അന്വേഷണസംഘം ഉൾപ്പെടെ കാര്യത്തിൽ ഉത്തരവിറക്കും. 

ജസ്​റ്റിസ് ശിവരാജന്‍ കമീഷന്‍ റിപ്പോര്‍ട്ടും അതിന്മേൽ  സ്വീകരിക്കേണ്ട നടപടികളും ഇൗമാസം 11ന്​ ​ചേർന്ന മന്ത്രിസഭയോഗം അംഗീകരിച്ചിരുന്നു. ആദ്യ നിയമോപദേശത്തി​​െൻറ അടിസ്​ഥാനത്തിൽ മുൻ മുഖ്യമന്ത്രി ഉമ്മൻ ചാണ്ടി ഉൾപ്പെടെ യു.ഡി.എഫ്​ നേതാക്കൾക്കെതിരെ ബലാത്സംഗക്കുറ്റം ചുമത്തി കേസെടുക്കാനും വിജിലൻസ്​ അന്വേഷണം നടത്താനും തീരുമാനിച്ചു. ഇക്കാര്യങ്ങളും മുൻ പ്രത്യേക അന്വേഷണസംഘത്തി​​െൻറ പാളിച്ചകളും അന്വേഷിക്കാൻ ഡി.ജി.പി രാജേഷ്​ദിവാ​​െൻറ നേതൃത്വത്തിൽ പ്രത്യേക സംഘത്തെയും പ്രഖ്യാപിച്ചു. എന്നാൽ, ദിവസം പത്ത്​ കഴിഞ്ഞിട്ടും നടപടിക്രമങ്ങളിലെ നിയമസാധുത ഉൾപ്പെടെ പ്രശ്​നമായതിനെതുടർന്ന്​ ഇതുസംബന്ധിച്ച  ഉത്തരവ്​ ഇറക്കാനായിട്ടില്ല. 

സോളാര്‍ കമീഷ​​െൻറ ചില നിഗമനങ്ങള്‍ ടേംസ് ഓഫ് റഫറന്‍സിന് പുറത്താണെന്നും നിയമോപ​ദേശത്തി​​െൻറ അടിസ്​ഥാനത്തിലുള്ള ചില നടപടികൾ നിയമപ്രശ്​നങ്ങൾ സൃഷ്​ടിക്കുമെന്നുമാണ്​ സര്‍ക്കാറി​​െൻറ വിലയിരുത്തല്‍. അതിനാലാണ്​ സുപ്രീംകോടതി മുന്‍ ജഡ്ജിയോട് നിയമോപദേശം തേടാന്‍ തീരുമാനിച്ചത്​. കമീഷന്​ ടേംസ് ഓഫ് റഫറന്‍സിന് പുറത്ത് അന്വേഷിക്കാമോ എന്നാണ് പരിശോധിക്കുന്നത്. പ്രതിപക്ഷം അടക്കം ആരോപണം ഉന്നയിച്ച സാഹചര്യത്തിലാണ് പുതിയ നീക്കം. 
റിപ്പോർട്ട്​ പുറത്തുവിടണമെന്ന ആവശ്യം പല കോണുകളിൽനിന്നും ഉയർന്ന സാഹചര്യത്തിലാണ്​ ആറുമാസത്തിനകം റിപ്പോർട്ട്​ നിയമസഭയുടെ മേശപ്പുറത്ത്​ വെക്കുമെന്ന്​ പറഞ്ഞ സർക്കാർ ഒന്നരമാസത്തിനുള്ളിൽതന്നെ അതിന്​ മുതിരുന്നത്​. സർക്കാർ നടപടിയെ പ്രതിപക്ഷം ​സ്വാഗതം ചെയ്​തിട്ടുണ്ട്​. റിപ്പോർട്ടിലെ വിശദാംശങ്ങൾ പുറത്തുവരു​​േമ്പാൾ നിയമനടപടികൾ ശക്​തമാകുമെന്ന സൂചനയുമുണ്ട്​.