സോളാർ കേസ് അടഞ്ഞ അധ്യായം; പുനരന്വേഷണം ആവശ്യമില്ല -കുഞ്ഞാലിക്കുട്ടി

മലപ്പുറം: സോളാർ കേസിലെ ഇപ്പോഴത്തെ ചർച്ചകൾ ആരോഗ്യകരമല്ലെന്ന് മുസ്‍ലിം ലീഗ് ദേശീയ ജനറൽ സെക്രട്ടറി കെ.കുഞ്ഞാലിക്കുട്ടി. മുൻമുഖ്യമന്ത്രി ഉമ്മൻ ചാണ്ടി നിരപരാധിയാണെന്ന് സി.ബി.ഐ തന്നെ തെളിയിച്ചതാണ്. ജനങ്ങളെ സംബന്ധിച്ച് സോളാർ കേസ് അടഞ്ഞ അധ്യായമാണെന്നും ​കേസ് ഇനി അന്വേഷിക്കേണ്ടതില്ലെന്നും കുഞ്ഞാലിക്കുട്ടി പറഞ്ഞു.

ഗൂഢാലോചന കേസിൽ അന്വേഷണം വേണമോയെന്ന​ ചോദ്യത്തിന് ആലോചിക്കേണ്ടവർ ആലോചിക്കട്ടെയെന്നായിരുന്നു കുഞ്ഞാലിക്കുട്ടിയുടെ മറുപടി.