സ്ത്രീധനം വാങ്ങരുത്, നൽകരുത്, ചോദിക്കരുത്; ഐ.സി.യുവിൽ ട്രോൾ മത്സരം

കോഴിക്കോട്: സമൂഹമാധ്യമ ട്രോൾ ഗ്രൂപ്പായ ഇന്‍റർനാഷണൽ ചളു യൂണിയൻ (ഐ.സി.യു) സ്ത്രീധന വിരുദ്ധ ട്രോൾ മത്സരവുമായി രംഗ ത്ത്. നവംബർ 26 സ്ത്രീധനവിരുദ്ധ ദിനമായി ആചരിക്കുന്ന സാഹചര്യത്തിൽ സംസ്ഥാന വനിതാ-ശിശുവികസന വകുപ്പിന്‍റെ കാമ്പയിന ിന്‍റെ ഭാഗമായാണ് ട്രോൾ മത്സരം നടത്തുന്നത്.

സ്ത്രീധനം പേറുന്ന സ്ത്രീവിരുദ്ധതയെയും സാമൂഹ്യവിരുദ്ധതയെയും ഏറ്റവും നന്നായി തുറന്നുകാട്ടുന്ന മികച്ച ട്രോളുകൾക്ക് നവംബർ 26ന് നടക്കുന്ന സ്ത്രീധനവിരുദ്ധ കാമ്പയിൻ ചടങ്ങിൽ വനിതാ-ശിശുവികസന വകുപ്പിന്‍റെ പ്രശസ്തിപത്രവും ഉപഹാരവും നൽകും.

രസകരവും ചിന്തോദ്ദീപകവുമായ നിരവധി സ്ത്രീധന വിരുദ്ധ ട്രോളുകളാണ് മത്സരം ആരംഭിച്ചതോടെ ഐ.സി.യു പേജിൽ വരുന്നത്.