സമൂഹ മാധ്യമങ്ങളിലൂടെ ചികിത്സ ധനസഹായം: നിയന്ത്രണം കൊണ്ടുവരുമെന്ന് മുഖ്യമന്ത്രി

തിരുവനന്തപുരം: സമൂഹ മാധ്യമങ്ങളിലൂടെ ചികിത്സ ധനസഹായം സമാഹരിക്കുന്നതിൽ നിയന്ത്രണം കൊണ്ടുവരുമെന്ന് മുഖ്യമന് ത്രി പിണറായി വിജയന്‍ നിയമസഭയിൽ അറിയിച്ചു. ഇത്തരം ധനസമാഹരണത്തിന്​ ഏതെങ്കിലുമൊരു സര്‍ക്കാര്‍ അധികൃത സ്ഥാപനത്തി​​െൻറ സര്‍ട്ടിഫിക്കറ്റ്​ വേണമെന്ന വ്യവസ്​ഥ കൊണ്ടുവരുമെന്നും വി.ഡി. സതീശ​​െൻറ സബ്​മിഷന് മുഖ്യമന്ത്രി മറുപടി നല്‍കി. ബിരുദം അടിസ്​ഥാന യോഗ്യതയായ പി.എസ്​.സി വഴിയുള്ള ജോലികള്‍ക്ക് അപേക്ഷിക്കേണ്ട പ്രായപരിധി വർധിപ്പിക്കുന്ന കാര്യം പരിഗണനയിലില്ലെന്ന്​ മഞ്ഞളാംകുഴി അലിയെ മുഖ്യമന്ത്രി അറിയിച്ചു.

കടല്‍ഭിത്തി നിര്‍മാണത്തിന് വലിയ കല്ലുകള്‍ ലഭിക്കുക പ്രയാസമായതിനാൽ കടലാക്രമണം ഫലപ്രദമായി തടയുന്നതിനും കടലാക്രമണത്തില്‍ നഷ്​ടമായ ഭൂമി വീണ്ടെടുക്കുന്നതിനും ഡോ. വി.വി. വേലുക്കുട്ടി അരയന്‍ വിഭാവനം ചെയ്ത ലാന്‍ഡ് റെക്ലമേഷന്‍ പദ്ധതിയെക്കുറിച്ച് ഈ മേഖലയിലെ വിദഗ്ധരെക്കൊണ്ട് വിശദമായ പഠനം നടത്തുമെന്ന്​ ആര്‍. രാമചന്ദ്രനെ മന്ത്രി കെ. കൃഷ്​ണൻകുട്ടി അറിയിച്ചു.