സരിത്തിനെ ബാലഭാസ്ക്കറിന്റെ അപകടസ്ഥലത്ത് കണ്ടതായി കലാഭവന് സോബി ജോർജ്
text_fieldsതിരുവനന്തപുരം സ്വര്ണകടത്ത് കേസിലെ പ്രതി സരിത്തിനെ വയലിനിസ്റ്റ് ബാലഭാസ്കറിന്റെ അപകടസ്ഥലത്തും കണ്ടതായി കലാഭവന് സോബി ജോർജ്. ഇപ്പോള് മാധ്യമങ്ങളിലൂടെ ചിത്രങ്ങള് കണ്ടപ്പോഴാണ് സരിത്തിനെ തിരിച്ചറിഞ്ഞതെന്നും സോബി മീഡിയ വൺ ചാനലിനോട് പറഞ്ഞു.
ബാലഭാസ്കറിന്റെ കാര് അപകടത്തില്പ്പെട്ട സ്ഥലത്ത് ചില അസ്വാഭാവിക കാര്യങ്ങള് ശ്രദ്ധയില്പ്പെട്ടെന്ന് സോബി നേരത്തെ വെളിപ്പെടുത്തിയിരുന്നു. അപകടം നടന്നയുടന് രണ്ട് പേരെ സംശയകരമായ രീതിയില് കണ്ടെന്നായിരുന്നു സോബി അന്ന് പറഞ്ഞത്.
അപകടസ്ഥലത്ത് വെച്ച് തന്റെ നേരെ ആക്രോശിച്ച് വന്നവരിൽ നിന്ന് മാറി നിൽക്കുകയായിരുന്നു സരിത്ത്. അതിനാലാണ് ശ്രദ്ധിക്കാൻ ഇടയായത്. അന്ന് സരിത്ത് ചുവന്ന ടീഷർട്ടാണെന്നും സോബി പറഞ്ഞു. ബാലഭാസ്കറിന്റെ അപകടത്തിന് പിന്നില് സ്വര്ണക്കടത്ത് സംഘങ്ങള് ഉണ്ടെന്ന് നേരത്തെ ആരോപണം ഉയര്ന്നിരുന്നു.
തിരുവനന്തപുരം യു.എ.ഇ കോണ്സുലേറ്റിലേക്കുള്ള ഡിപ്ലോമാറ്റിക് ബാഗേജ് വഴി 100 കോടിയിലേറെ രൂപയുടെ സ്വര്ണം കടത്തിയ കേസിൽ ഒന്നാം പ്രതിയാണ് സരിത്. ഒരു വർഷമായി സ്വർണം കടത്തുന്നുണ്ട്. ആര്ക്കാണ് സ്വര്ണം നല്കുന്നതെന്ന് അറിയില്ലെന്നും സ്വര്ണം കടത്തിക്കൊടുക്കുക മാത്രമാണ് ഉത്തരവാദിത്തമെന്നുമായിരുന്നു സരിത്തിന്റെ മൊഴി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.