ഹിറ്റായി സ്നേഹിത എക്സ്​റ്റെൻഷൻ സെന്‍ററുകൾ

തൊ​ടു​പു​ഴ: ഹി​റ്റാ​യി സ്നേ​ഹി​ത എ​ക്സ്​​റ്റെ​ൻ​ഷ​ൻ സെ​ന്‍റ​റു​ക​ൾ. മൂ​ന്ന​ര മാ​സ​ത്തി​നി​ടെ കൗ​ൺ​സ​ലി​ങ് സ​ഹാ​യം തേ​ടി​യെ​ത്തി‍യ​ത് ആ​യി​ര​ത്ത​ഞ്ഞൂ​റി​ലേ​റെ പേ​ർ. ആ​ഭ്യ​ന്ത​ര വ​കു​പ്പു​മാ​യി ചേ​ർ​ന്ന് സം​സ്ഥാ​ന​ത്തെ ഡി​വൈ.​എ​സ്.​പി ഓ​ഫി​സു​ക​ളോ​ട​നു​ബ​ന്ധി​ച്ച് തു​ട​ങ്ങി​യ സ്നേ​ഹി​ത സെ​ന്‍റ​റു​ക​ളാ​ണ് പ്ര​വ​ർ​ത്ത​നം തു​ട​ങ്ങി മൂ​ന്ന​ര​മാ​സം പി​ന്നി​ടു​മ്പോ​ൾ ആ​യി​ര​ത്ത​ഞ്ഞൂ​റി​ലേ​റെ പേ​ർ​ക്ക് ആ​ശ്വാ​സ​മേ​കി​യ​ത്.

വി​വി​ധ ത​ര​ത്തി​ലു​ള്ള അ​തി​ക്ര​മ​ങ്ങ​ൾ​ക്കി​ര​യാ​കു​ന്ന സ്ത്രീ​ക​ൾ​ക്കും കു​ട്ടി​ക​ൾ​ക്കും കൈ​ത്താ​ങ്ങാ​കു​ക എ​ന്ന ല​ക്ഷ്യ​ത്തോ​ടെ കു​ടും​ബ​ശ്രീ മി​ഷ​ന് കീ​ഴി​ൽ പ്ര​വ​ർ​ത്തി​ക്കു​ന്ന സ്നേ​ഹി​ത ജെ​ൻ​ഡ​ർ ഹെ​ൽ​പ് ഡെ​സ്കി​ന്‍റെ ഭാ​ഗ​മാ​യാ​ണ് എ​ക്സ്​​റ്റെ​ൻ​ഷ​ൻ സെൻറ​റു​ക​ളു​ടെ​യും പ്ര​വ​ർ​ത്ത​നം. ഗാ​ർ​ഹി​ക പീ​ഡ​ന​മു​ൾ​പ്പെ​ടെ കേ​സു​ക​ളി​ലെ അ​തി​ജീ​വി​ത​ക​ൾ​ക്കും കു​ട്ടി​ക​ൾ​ക്കും സൗ​ജ​ന്യ നി​യ​മ​സ​ഹാ​യ​ങ്ങ​ളൊ​രു​ക്കു​ന്ന​തോ​ടൊ​പ്പം നി​ശ്ചി​ത കാ​ല​ത്തേ​ക്കു​ള്ള താ​മ​സ-​ഭ​ക്ഷ​ണ-​വൈ​ദ്യ​സ​ഹാ​യ സൗ​ക​ര്യ​ങ്ങ​ളെ​ല്ലാം ഒ​രു​ക്കി​യാ​ണ് ജി​ല്ല ആ​സ്ഥാ​ന​ങ്ങ​ളി​ൽ സ്നേ​ഹി​ത ജെ​ൻ​ഡ​ർ ഹെ​ൽ​പ് ഡെ​സ്കു​ക​ൾ പ്ര​വ​ർ​ത്തി​ക്കു​ന്ന​ത്.

2013 ൽ ​മൂ​ന്ന് ജി​ല്ല​ക​ളി​ലാ​യി ആ​രം​ഭി​ച്ച പ​ദ്ധ​തി പി​ന്നീ​ട് സം​സ്ഥാ​ന വ്യാ​പ​ക​മാ​ക്കു​ക​യാ​യി​രു​ന്നു. ക​ഴി​ഞ്ഞ മാ​ർ​ച്ച് 15 നാ​ണ് എ​ല്ലാ ജി​ല്ല​ക​ളി​ലും ഡി​വൈ.​എ​സ്.​പി ഓ​ഫീ​സു​ക​ളോ​ട് ചേ​ർ​ന്ന് എ​ക്സ്റ്റ​ൻ​ഷ​ൻ കേ​ന്ദ്ര​ങ്ങ​ൾ തു​ട​ങ്ങി​യ​ത്. വി​വി​ധ ത​ര​ത്തി​ലു​ള​ള കേ​സു​ക​ളു​മാ​യി പൊ​ലീ​സ് സ്റ്റേ​ഷ​നു​ക​ളി​ലെ​ത്തു​ന്ന സ്ത്രീ​ക​ൾ​ക്കും കു​ട്ടി​ക​ൾ​ക്കും കൗ​ൺ​സ​ലി​ങ് ഉ​ൾ​പ്പ​ടെ മാ​ന​സി​ക പി​ന്തു​ണ ഉ​റ​പ്പ് വ​രു​ത്തു​ക​യാ​ണ് പ​ദ്ധ​തി​യു​ടെ ല​ക്ഷ്യം.

ആ​ഴ്ച​യി​ൽ ര​ണ്ടു​ദി​വ​സം ഡി​വൈ.​എ​സ്.​പി ഓ​ഫി​സു​ക​ളോ​ട് അ​നു​ബ​ന്ധ​മാ​യ മു​റി​ക​ളി​ൽ പ്ര​ത്യ​ക പ​രി​ശീ​ല​നം ല​ഭി​ച്ച സ്നേ​ഹി​ത​യു​ടെ ക​മ്യൂ​ണി​റ്റി കൗ​ൺ​സ​ല​ർ​മാ​രാ​ണ് ഇ​വ​ർ​ക്കാ​വ​ശ്യ​മാ​യ സ​ഹാ​യ​മൊ​രു​ക്കു​ന്ന​ത്.​സം​സ്ഥാ​ന​ത്ത് പ്ര​വ​ർ​ത്തി​ക്കു​ന്ന 84 സ്നേ​ഹി​ത കേ​ന്ദ്ര​ങ്ങ​ളി​ലൂ​ടെ ക​ഴി​ഞ്ഞ മൂ​ന്ന​ര​മാ​സ​ത്തി​നി​ടെ 1573 പേ​ർ​ക്കാ​ണ് സ​ഹാ​യ​മേ​കി​യ​ത്. കൂ​ടു​ത​ൽ​പേ​ർ തൃ​ശൂ​ർ ജി​ല്ല​യി​ലാ​ണ് -ഇ​വി​ടെ 252 പേ​രാ​ണ് സ്നേ​ഹി​ത കേ​ന്ദ്ര​ങ്ങ​ളെ സ​മീ​പി​ച്ച​ത്.

ജി​ല്ല​യി​ൽ റൂ​റ​ൽ സി​റ്റി പ​രി​ധി​ക​ളി​ലാ​യി എ.​സി.​പി, ഡി​വൈ.​എ​സ്.​പി ഓ​ഫി​സു​ക​ളോ​ട​നു​ബ​ന്ധി​ച്ച് ഏ​ഴ് കേ​ന്ദ്ര​ങ്ങ​ളാ​ണ് പ്ര​വ​ർ​ത്തി​ക്കു​ന്ന​ത്. 199 പേ​ർ കൗ​ൺ​സ​ലി​ങ് സ​ഹാ​യം സ്വീ​ക​രി​ച്ച് എ​റ​ണാ​കു​ളം ജി​ല്ല​യാ​ണ് ര​ണ്ടാം​സ്ഥാ​ന​ത്ത്. ജി​ല്ല​യി​ൽ ഒ​മ്പ​ത്​ കേ​ന്ദ്ര​ങ്ങ​ളാ​ണ് പ്ര​വ​ർ​ത്തി​ക്കു​ന്ന​ത്. 187 പേ​ർ​ക്ക് സേ​വ​നം ന​ൽ​കി പാ​ല​ക്കാ​ട് ജി​ല്ല മൂ​ന്നാം സ്ഥാ​ന​ത്തു​മു​ണ്ട്. ഇ​വി​ടെ ആ​റ് കേ​ന്ദ്ര​ങ്ങ​ളാ​ണുള്ളത്. വ​യ​നാട്ടിലാ​ണ് ഏ​റ്റ​വും കു​റ​ച്ചു​പേ​ർ സ​ഹാ‍യം തേ​ടി​യ​ത്; മൂ​ന്ന​ര​മാ​സ​ത്തി​നി​ടെ 14 പേ​രാ​ണ് ഇ​വി​ടെ സ്നേ​ഹി​ത എ​ക്സ്​​റ്റെ​ൻ​ഷ​ൻ സെ​ന്‍റ​റു​ക​ളി​ലെ​ത്തി​യ​ത്.