സ്കൂളിലെ ശുചിമുറിയിൽ പാമ്പ്

തലയോലപ്പറമ്പ്: വൈക്കം മുഹമ്മദ് ബഷീർ സ്മാരക എച്ച്.എസ്.എസിലെ യു.പി വിഭാഗത്തിലെ ടോയ്ലറ്റിൽ പാമ്പ്. അധ്യാപകരും മറ്റും ഉപയോഗിക്കുന്ന ടോയ്ലറ്റിലാണ് കഴിഞ്ഞ ദിവസം പാമ്പിനെ കണ്ടത്. ജീവനക്കാർ അറിയിച്ചതിനെ തുടർന്ന് അധ്യാപകൻതന്നെ പാമ്പിനെ അടിച്ചുകൊന്നു.

സ്കൂളിനു സമീപത്ത് പൂർണമായി പൊളിച്ചുമാറ്റാത്ത കെട്ടിടവും സ്കൂൾ പരിസരത്ത് തഴച്ചുവളരുന്ന പുല്ലും കുറ്റിച്ചെടികളും ഇഴജന്തുക്കൾക്ക് കയറിയിരിക്കാൻ അനുകൂല സാഹചര്യമാണ് ഒരുക്കുന്നതെന്ന് നാട്ടുകാർ ആരോപിക്കുന്നു.