എ.ടി.എമ്മിൽ തല പുറത്തിട്ട്​ അണലി; പണം പിൻവലിക്കാൻ എത്തിയവർ ഭയന്നോടി

കൊടുങ്ങല്ലൂർ: പണം പിൻവലിക്കാൻ എ.ടി.എമ്മിൽ എത്തിയവർ അണലിയെ കണ്ട്​ ഭയന്നുവിറച്ചു. കോട്ടപ്പുറം ചന്തയിലെ സൗത്ത് ഇന്ത്യൻ ബാങ്ക്​ എ.ടി.എമ്മിലാണ് പാമ്പിനെ കണ്ടെത്തിയത്.

മെഷീനിലെ വിടവിലൂടെ തല പുറത്തിട്ട നിലയിലായിരുന്നു. പരിസ്ഥിതി പ്രവർത്തകൻ ഫിലിപ്പ് കൊറ്റനല്ലൂർ എത്തി പാമ്പിനെ പിടികൂടി. മെഷീനകത്ത് കുടുങ്ങിയ പാമ്പിനെ പി.വി.സി പൈപ്പ് ഉപയോഗിച്ച് ഏറെ പണിപ്പെട്ടാണ് പിടികൂടിയത്.