Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightവിദ്യാർഥിനിയെ തീ...

വിദ്യാർഥിനിയെ തീ കൊളുത്തി കൊന്ന സംഭവം: സമഗ്രാന്വേഷണം വേണമെന്ന് ചെന്നിത്തല

text_fields
bookmark_border
വിദ്യാർഥിനിയെ തീ കൊളുത്തി കൊന്ന സംഭവം: സമഗ്രാന്വേഷണം വേണമെന്ന് ചെന്നിത്തല
cancel

തിരുവനന്തപുരം: കോട്ടയം എസ്.എം.ഇ കാമ്പസില്‍ വിദ്യാർഥിനിയെ പെട്രോളൊഴിച്ച് തീ കൊളുത്തി കൊന്ന സംഭവത്തെക്കുറിച്ച് സമഗ്രമായ അന്വേഷണം വേണമെന്ന് പ്രതിപക്ഷ നേതാവ് രമേശ് ചെന്നിത്തല. ഇക്കാര്യം ആവശ്യപ്പെട്ടു ചെന്നിത്തല മുഖ്യമന്ത്രിക്ക് കത്തു നല്‍കി.  

കൊല്ലപ്പെട്ട പെണ്‍കുട്ടിയുടെ വീട്ടിലെത്തി കുടുംബാംഗങ്ങളെ  സന്ദര്‍ശിച്ചപ്പോള്‍ ഈ സംഭവത്തില്‍ പലവിധ ദൂരൂഹതകളും ഉള്ളതായി അവര്‍ ചൂണ്ടിക്കാട്ടിയിരുന്നു. ഒരു പ്രത്യേക സംഘത്തെ നിയോഗിച്ച് അന്വേഷണം നടത്തി ഇതിലെ ദൂരൂഹതകള്‍ നീക്കണമെന്ന് പെണ്‍കുട്ടിയുടെ വീട്ടുകാര്‍ ആവശ്യപ്പെട്ടു. ഈ പശ്ചാത്തലത്തിലാണ് പ്രതിപക്ഷ നേതാവ് ആവശ്യം ചൂണ്ടിക്കാട്ടി മുഖ്യമന്ത്രിക്ക് കത്ത് നല്‍കിയത്.

ഹരിപ്പാട് ചിങ്ങോലി ശങ്കരമംഗലം സ്വദേശിനി ലക്ഷ്മി കൃഷ്ണകുമാറിനെയാണ് സീനിയർ വിദ്യാർഥി ആദർശ് പെട്രോളൊഴിച്ച് തീ കൊളുത്തിയത്. ഗുരുതര പൊള്ളലേറ്റ ലക്ഷ്മിയും ആദർശും പിന്നീട് ആശുപത്രിയിൽവെച്ച് മരിച്ചു.

Show Full Article
TAGS:sme suicide case chennithala 
News Summary - sme suicide case chennithala
Next Story