Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഭൂമിക്കടിയിൽ വൻ...

ഭൂമിക്കടിയിൽ വൻ മുഴക്കം​; പാലായിൽ നേരിയ ഭൂചലനം

text_fields
bookmark_border
ഭൂമിക്കടിയിൽ വൻ മുഴക്കം​; പാലായിൽ നേരിയ ഭൂചലനം
cancel

പാലാ: പാലായിലടക്കം മീനച്ചിൽ താലൂക്കി​െൻറ വിവിധ ഭാഗങ്ങളിൽ നേരിയ ഭൂചലനം. ബുധനാഴ്​ച ഉച്ചക്ക് 12.02നായിരുന്നു 1.9 തീവ്രത രേഖപ്പെടുത്തിയ ചലനം. ഇടിമുഴക്കംപോലെ രണ്ട്​ സെക്കന്‍ഡ്​ നീണ്ട മുഴക്കമാണ്​ അനുഭവപ്പെട്ട​െതന്ന്​ നാട്ടുകാർ പറഞ്ഞു. പിന്നീട്​ സംസ്ഥാന ദുരന്തനിവാരണ അതോറിറ്റി ഭൂചലനമെന്ന്​ സ്ഥിരീകരിച്ചു.

ഇടമറ്റം, പൈക, ഭരണങ്ങാനം, തിടനാട്, മൂന്നാംതോട്, തീക്കോയി, പനച്ചിപ്പാറ, പനക്കപ്പാലം, കൊണ്ടൂര്‍, കൊഴുവനാല്‍, പൂവരണി, കൊച്ചിടപ്പാടി, പന്ത്രണ്ടാംമൈല്‍, മൂന്നാനി, അരുണാപുരം, പുലിയന്നൂര്‍ തുടങ്ങിയ സ്ഥലങ്ങളിലാണ്​ ഭൂമിക്കടിയില്‍നിന്ന് വലിയ ശബ്​ദത്തി​െല മുഴക്കവും തുടര്‍ന്ന് നേരിയ ചലനവും അനുഭവപ്പെട്ടത്​. തിടനാട് പഞ്ചായത്തിലെ മൂന്നാംതോട് ഭാഗത്ത് വലിയതോതിൽ വിറയല്‍ അനുഭവപ്പെട്ടതായും നാട്ടുകാർ പറയുന്നു. മീനച്ചിലിൽനിന്നുള്ള മുഴക്കം കിലോമീറ്ററുകൾക്ക്​ അപ്പുറവും അനുഭവപ്പെട്ടു.

പ്രകമ്പനം കെ.എസ്.ഇ.ബിയുടെ ഇടുക്കിയിലെ ഭൂകമ്പമാപിനിയിലാണ്​ 1.9 തീവ്രത രേഖപ്പെടുത്തിയത്​. സമാനമായ തുടര്‍ചലനങ്ങള്‍ക്ക്​ സാധ്യതയുണ്ടെന്നും സംസ്ഥാന ദുരന്തനിവാരണ അതോറിറ്റി അറിയിച്ചു. ഇടുക്കിയിലെ സീസ്മിക് സ്​റ്റേഷനിൽനിന്ന് 36 കി.മീ. അകലെയാണ്​ പ്രഭവകേന്ദ്രമെന്നും ദുരന്തനിവാരണ അതോറിറ്റി അറിയിച്ചു.

ഇടുക്കി പദ്ധതി പ്രദേശത്തിന് 26.5 കി.മീ. അകലെ ഭൗമോപരിതലത്തില്‍നിന്ന് 10 കി.മീ. താഴ്ചയിൽ​ മീനച്ചിലിലാണ്​​ പ്രഭവകേന്ദ്രം. പശ്ചിമഘട്ട നിരകളിലെ ഭ്രംശമേഖലയില്‍ ഉള്‍പ്പെട്ട പ്രദേശമായതിനാലാണ് മീനച്ചില്‍ താലൂക്കില്‍ ഭൂചലനത്തി​െൻറ ആഘാതം അനുഭവപ്പെട്ടതെന്നും വിദഗ്​ധർ പറയുന്നു. പാലായില്‍ അരുണാപുരം, ഇടമറ്റം പ്രദേശത്തും പരിസരപ്രദേശങ്ങളിലും ഏതാനും ദിവസം മുമ്പ് രാത്രി പത്തോടെ ശക്തമായ മുഴക്കത്തോടെ വിറയലും അനുഭവപ്പെട്ടിരുന്നതായി നാട്ടുകാര്‍ പറയുന്നു.

Show Full Article
TAGS:earthquake 
News Summary - Small earthquake in Pala
Next Story