Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightദുരന്തങ്ങൾ...

ദുരന്തങ്ങൾ ആവർത്തിക്കുന്ന മിഠായിത്തെരുവ്​

text_fields
bookmark_border
ദുരന്തങ്ങൾ ആവർത്തിക്കുന്ന മിഠായിത്തെരുവ്​
cancel

2007ൽ എട്ടുപേരു​െട മരണത്തിനും കോടിക്കണക്കിന്​ രൂപയുടെ നാശനഷ്​ടത്തിനും കാരണമായ ദുരന്തത്തിനു ശേഷം മിഠായിത്തെരുവിനെ അഗ്​നി വിഴുങ്ങുന്നത്​ ആവർത്തിക്കുകയാണ്​. 2010, 2015 വർഷങ്ങളിലും തീപിടുത്തമുണ്ടായി. ഇൗ വൻ തീപിടുത്തങ്ങൾ കൂടാതെ ചെറുതീപിടുത്തങ്ങൾ കൃത്യമായ ഇടവേളകളിൽ തെരുവിനെ ആക്രമിച്ചു.

2007ൽ അഗ്​നി ബാധിച്ചതിന്​ തൊട്ടടുത്ത ഭാഗത്താണ്​ 2010ൽ ഉണ്ടായത്​​. പിന്നീട്​ പാളയത്തും  രണ്ടാം ഗേറ്റിനു സമീപവും ഒയാസിസ്​ കോമ്പൗണ്ടിനകത്തും ഹനുമാൻ കോവിലിനു സമീപവും കോടികൾ കത്തിയെരിഞ്ഞു. ഒാരോ തീപിടുത്തവും കുറെ ദുരൂഹതകളും വാഗ്​ദാനങ്ങളും അവശേഷിപ്പിക്കുകയല്ലാതെ പിന്നീടതിനെ കുറിച്ച്​ ചർച്ചകളൊന്നും നടക്കാറില്ല. സുരക്ഷാമുൻകരുതലുകൾ സജ്ജമാക്കാൻ സർക്കാർ ശ്രമിച്ചില്ല. വ്യാപാരികൾ സഹകരിച്ചുമില്ല.

പഴകി ദ്രവിച്ച കെട്ടിടങ്ങളും അശാസ്​ത്രീയ വൈദ്യുതി വിതരണ സംവിധാനങ്ങളും നഗരത്തിലെ സ്​ഫോടക സ്​ഥലമായി മിഠായിത്തെരുവിനെ മാറ്റിയിരിക്കുകയാണ്​. ചെറിയ ഷോർട്ട്​ സർക്യൂട്ട്​, ഒരു തീപ്പൊരി മതി മിഠായിത്തെരുവാകെ കത്തിനശിക്കാൻ. ​തീപിടിച്ചാൽ രക്ഷാ പ്രവർത്തനത്തിനുപോലും സാധിക്കാത്ത വിധം ഇടുങ്ങിയ വഴികളും നൂറുകണക്കിന്​ കടകളും ഇവിടെ തിങ്ങി നിറഞ്ഞിരിക്കുന്നു. പല തീപിടുത്തങ്ങൾക്കു പിന്നിലും ദുരൂഹതകൾ ഏറെയാണ്​. തെരുവിന്​ പിറകിലെ ഒഴിഞ്ഞ സ്​ഥലങ്ങളിലേക്ക്​ വഴിയുണ്ടാക്കാൻ, ഇൻഷുറൻസ്​ തട്ടിക്കാൻ തുടങ്ങി പല ആരോപണങ്ങളും അട്ടിമറി സാധ്യതകളും ഒാരോ തീപിടുത്തമുണ്ടാകു​േമ്പാഴും ഉയരുന്നു.

പദ്ധതികൾ പലതും വന്നും പോയുമിരുന്നു. മാനാഞ്ചിറക്ക്​ അൻസാരി പാർക്കിന്​ സമീപത്തു നിന്ന്​ ഒന്നിലധികം ഫയർ എഞ്ചിനുകൾക്ക്​ വെള്ളം നിറക്കാനുള്ള സൗകര്യം നൽകണമെന്ന ഫയർഫോഴ്​സി​​െൻറ പദ്ധതി ഇപ്പോഴും ഫയലിലുറങ്ങുകയാണ്​. മിഠായിത്തെരുവി​​െൻറ മുഖഛായ തന്നെ മാറ്റി വിനോദയാത്രികരെപ്പേ:ലും ആകർഷിക്കുന്ന തരത്തിൽ ഒരുക്കിയ ‘പൈതൃകത്തെരുവ്​’ എവി​െട​േപായെന്ന്​ ആർക്കും അറിയില്ല.

ഒാരോ തീപിടുത്ത സമയത്തും അധികൃതർ വ്യാപാരികളുമായി ചർച്ച നടത്തി പ്രമേയം പാസാക്കുന്നതിലപ്പുറം നടപടികളൊന്നും തെരുവി​​െൻറ സുരക്ഷക്കായി ഉണ്ടാകാറില്ല. ഇനിയുമൊരു ദുരന്തത്തിൽ നിന്ന്​ ഇൗ ​െതരുവിനെ രക്ഷിക്കാൻ ആർക്കു സാധിക്കും?

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:fireSM street
News Summary - SM street calamity repeated
Next Story