റോഡിൽനിന്ന് തലയോട്ടികൾ കണ്ടെത്തി

കൊല്ലം: പ്രവർത്തനരഹിതമായ ആശുപത്രിക്ക് സമീപത്തെ റോഡിൽനിന്ന് കവറിൽ പൊതിഞ്ഞ നിലയിൽ രണ്ട് തലയോട്ടികൾ ലഭിച്ചു. ശക്തികുളങ്ങരയിൽ കഴിഞ്ഞദിവസം രാവിലെ കോർപറേഷൻ ശുചീകരണ തൊഴിലാളികളാണ് തലയോട്ടികൾ കണ്ടത്.

വിവരമറിഞ്ഞെത്തിയ ശക്തികുളങ്ങര പൊലീസ് നടത്തിയ പരിശോധനയിൽ തലയോട്ടികൾ പഴക്കം ചെന്നതാണെന്ന് വ്യക്തമായി. കവറിനുള്ളിൽ മെഡിക്കൽ വിദ്യാർഥികൾ ഉപയോഗിക്കുന്നതിന് സമാനമായ കുറിപ്പുകളും കണ്ടെത്തിയതായി പൊലീസ് അറിയിച്ചു. വിശദ പരിശോധനക്കായി തലയോട്ടികൾ പാരിപ്പള്ളി മെഡിക്കൽ കോളജിന് കൈമാറി.