പതിനാറുകാരി കിണറ്റില്‍ മരിച്ച നിലയില്‍; മാതാവും സുഹൃത്തും പിടിയിൽ

തിരുവനന്തപുരം: നെടുമങ്ങാട് പതിനാറുകാരിയെ കിണറ്റില്‍ മരിച്ച നിലയില്‍ കണ്ടെത്തി. കാരാന്തറ ആർ.സി പള്ളിക്ക്​ സമ ീപമുള്ള ഉപയോഗ ശൂന്യമായ കിണറ്റിലാണ്​ മൃതദേഹം കണ്ടെത്തിയത്​. സംഭവവുമായി ബന്ധ​​പ്പെട്ട്​ പെൺകുട്ടിയുടെ മാതാവ ്​ കാരാന്തര കുരിശടിയിൽ മഞ്ജു (39), സുഹൃത്തായ അനീഷ് ​(32) എന്നിവരെ പൊലീസ് പിടികൂടി. പെയിൻറിങ്​ തൊഴിലാളിയാണ്​ അനീഷ്​.

പെൺകുട്ടിയെ രണ്ടാഴ്​ച മുമ്പ്​ കാണാതായിരുന്നു. നേരത്തെ നെടുമങ്ങാട്​ കരിപ്പൂരായിരുന്ന മഞ്​ജുവും മകളും പറങ്ങോട്​ എന്ന സ്ഥലത്ത്​ വാടക വീട്ടിലേക്ക്​ മാറിയിരുന്നു. എന്നാൽ ഇരുവരേയും ഒരാഴ്​ചയായി കാണാനി​​ല്ലെന്ന്​ കുട്ടിയുടെ അമ്മൂമ്മ പൊലീസിൽ പരാതി നൽകുകയായിരുന്നു. ഇതേ തുടർന്ന്​ പൊലീസ്​ അന്വേഷണം ആരംഭിച്ചു.

കഴിഞ്ഞ പത്താം തീയതി മുതൽ മാതാവിനേയും സുഹൃത്ത്​ അനീഷിനേയും കാണാതായി. എന്നാൽ കഴിഞ്ഞ ദിവസം തമിഴ്​നാട്ടിൽ നിന്ന്​ ഇരുവരും പിടിയിലാവുകയായിരുന്നു. മകൾ ആത്മഹത്യ ചെയ്​തതാ​െണന്നാണ്​ മഞ്​ജു പൊലീസിന്​ നൽകിയ മൊഴി. വിശദമായ ചോദ്യം ചെയ്യലിലാണ്​ പെൺകുട്ടിയുടെ മൃതദേഹം അനീഷിൻെറ പഴയ താമസസ്ഥലത്തിനടുത്ത ​ഉപയോഗ ശൂന്യമായ കിണറ്റിൽ തള്ളിയതായി മൊഴി നൽകിയത്​. മൃതദേഹത്തിന്​ 19 ദിവസത്തെ പഴക്കമുണ്ട്​.

പെൺകുട്ടി മുറിക്കുള്ളിൽ കയറി കതകടച്ചിരുന്നു. പിണങ്ങി ഇരിക്കുന്നതാണെന്നാണ്​ ആദ്യം കരുതിയത്​. കുറേ സമയമായിട്ടും മുറി തുറക്കാതെ വന്നതോടെ കതക്​ തള്ളി തുറന്നപ്പോൾ തൂങ്ങി മരിച്ച നിലയിൽ​ കണ്ടെന്നുമാണ്​​ ഇരുവരും മൊഴി നൽകിയത്​. മകളെ മരിച്ച നിലയിൽ കണ്ടപ്പോൾ ഭയന്നു പോയെന്നും അങ്ങ​െനയാണ്​ മൃതദേഹം കിണറ്റിൽ തള്ളിയതെന്നും മഞ്​ജുവും സുഹൃത്തും മൊഴിയിൽ പറയുന്നു. എന്നാൽ ഇക്കാര്യം പൊലീസ്​ വിശ്വാസത്തിലെടുത്തിട്ടില്ല. പെൺകുട്ടിയുടെ മാതാവും സുഹൃത്തും ചേര്‍ന്ന് പെണ്‍കുട്ടിയെ കൊലപ്പെടുത്തി കിണറ്റില്‍ എറിഞ്ഞെന്നാണ് പൊലീസിൻെറ നിഗമനം.