ഇടുക്കിയിൽ ആറു വയസുകാരനെ ബന്ധു ചുറ്റിക കൊണ്ട് അടിച്ച് കൊലപ്പെടുത്തി

അടിമാലി: ഇടുക്കി ആനച്ചാലിൽ ആറു വയസുകാരനെ ബന്ധു ചുറ്റിക കൊണ്ട് അടിച്ചു കൊലപ്പെടുത്തി. റിയാസ് മൻസിലിൽ റമീസ്​ അൽത്താഫ്​ (6) ആണ് കൊല്ലപ്പെട്ടത്. അടിമാലിക്കടുത്ത്​ ആനച്ചാൽ ആമക്കണ്ടത്താണ്​ സംഭവം.

ആക്രമണത്തിൽ സഹോദരനും ഉമ്മക്കും പരിക്കേറ്റു​. തമിഴ്​നാട്ടിൽനിന്ന്​ വന്ന്​ വണ്ടിപ്പെരിയാറിൽ താമസിക്കുന്ന സുനിൽകുമാറാണ്​ പ്രതി. സംഭവത്തിനു ശേഷം സുനിൽകുമാർ ഒളിവിൽ പോയി. ഉമ്മയുടെ അനിയത്തിയുടെ ഭർത്താവാണ്​ പ്രതി. സ്വത്ത്​ തർക്കമാണ്​ കാരണം.