കാസർകോട് ടൗൺ സി.ഐ ഉൾപ്പെടെ ആറ് പൊലീസുകാർക്ക് കോവിഡ്

കാസർകോട്: കാസർകോട് ടൗൺ സി.ഐ അടക്കം ആറ് പൊലീസ് ഉദ്യോഗസ്ഥർക്ക് കോവിഡ്. വ്യാഴാഴ്ച വൈകീട്ടോടെയാണ് കോവിഡ് സ്ഥിരീകരിച്ചത്. പനിയേ തുടർന്നാണ് പരിശോധന നടത്തിയത്.

സി.ഐ, മൂന്ന് പൊലീസ് ഉദ്യോഗസ്ഥർ, രണ്ട് ഡ്രൈവർമാർ എന്നിവർക്കാണ് കോവിഡ് സ്ഥിരീകരിച്ചത്. ഇതോടെ ഇവരുമായി സമ്പർക്കം പുലർത്തിയ മറ്റു ഉദ്യോഗസ്ഥരോട് ക്വാറന്‍റീനിൽ പോകാൻ നിർദേശം നൽകിയിട്ടുണ്ട്.

നേരത്തെ, ഈ പൊലീസ് സ്റ്റേഷനിലെ ഏതാനും ഉദ്യോഗസ്ഥർക്ക് കോവിഡ് സ്ഥിരീകരിച്ചിരുന്നു. സ്റ്റേഷനിൽ പരാതിയുമായി പോകുന്നവർക്ക് വിലക്ക് ഏർപ്പെടുത്തിയിട്ടുണ്ട്. പരാതികൾ സ്റ്റേഷനിലെ ഫോണിൽ വിളിച്ച് അറിയിക്കാമെന്ന് പൊലീസ് നിർദേശിച്ചു.