കൊച്ചിയിലെ സദാചാര ഗുണ്ടായിസം: പ്രതിഷേധവുമായി വിവിധ സംഘടനകൾ

കൊച്ചി: കൊച്ചി മറൈൻ ഡ്രൈവിൽ ശിവസേനയുടെ നേതൃത്വത്തിൽ ഉണ്ടായ സദാചാര ഗുണ്ടായിസത്തിനെതിരെ പ്രതിഷേധം ശക്​തം. വിവിധ സംഘടനകൾ ഇന്ന്​ മറൈൻ ഡ്രൈവിൽ പ്രതിഷേധം പരിപാടികൾ സംഘടപ്പിക്കും. ഇടത്​ വിദ്യാർഥി-യുവജന സംഘടനകളുടെ നേതൃത്വത്തിൽ  ഇരിപ്പ്​ സമരവും കിസ്​ ഒാഫ്​ ലവി​​െൻറ നേതൃത്ത്വത്തിൽ കുട ചൂടി പ്രേമം എന്ന പരിപാടിയും സംഘടപ്പിക്കും​. കെ.എസ്​.യു ഉൾപ്പടെയുള്ള പ്രതിപക്ഷ വിദ്യാർഥി സംഘടനകളും ​മറൈൻ ​​​ഡ്രൈവിൽ പ്രതിഷേധവുമായെത്തും.

ഇതിന്​ പുറമെ കൊച്ചിയിലെ വിവിധ കോളജുകളിൽ വിദ്യാർഥി സംഘടനകളുടെ നേതൃത്വത്തിൽ പ്രതിഷേധ പരിപാടികളും നടക്കും.  

വനിത ദിനത്തില്‍ എറണാകുളം മറൈന്‍ഡ്രൈവിലെ നടപ്പാതയിലിരുന്ന യുവതീയുവാക്കളെ പ്രകടനമായത്തെിയ ശിവസേന പ്രവര്‍ത്തകര്‍ ചൂരൽ കൊണ്ട്​ അടിച്ചോടിച്ചത്​. ബുധനാഴ്ച വൈകുന്നേരം നാലുമണിയോടെയാണ് സംഭവം. ‘പെണ്‍കുട്ടികള്‍ക്കെതിരായ ലൈംഗിക അതിക്രമം തടയുക,  മറൈന്‍ഡ്രൈവിലെ കുടചൂടി പ്രേമം നിര്‍ത്തുക’ എന്ന ബാനറുമായി പ്രകടനമായത്തെിയ ഇരുപത്തിയഞ്ചോളം ശിവസേന പ്രവര്‍ത്തകരാണ് മറൈന്‍ഡ്രൈവിന്‍െറ വടക്കേ അറ്റത്തുള്ള അബ്ദുല്‍ കലാം മാര്‍ഗ് വാക്വേയില്‍ ഒരുമിച്ച് ഇരിക്കുകയായിരുന്ന യുവതീയുവാക്കളെ അടിച്ചോടിച്ചത്.