പ്രതിഷേധത്തിനിടെ സിസ തോമസ്​ ചുമതലയേറ്റു

ക​ഴ​ക്കൂ​ട്ടം (തി​രു​വ​ന​ന്ത​പു​രം): സ​ർ​ക്കാ​ർ ശി​പാ​ർ​ശ ത​ള്ളി ചാ​ൻ​സ​ല​റാ​യ ഗ​വ​ർ​ണ​ർ വി.​സി​യു​ടെ ചു​മ​ത​ല ന​ൽ​കി​യ ഡോ. ​സി​സ തോ​മ​സ് പ്ര​തി​ഷേ​ധ​ത്തി​നി​ടെ സാ​ങ്കേ​തി​ക സ​ർ​വ​ക​ലാ​ശാ​ല​യി​ലെ​ത്തി ചു​മ​ത​ല​യേ​റ്റു. എ​സ്.​എ​ഫ്.​ഐ​യു​ടെ​യും​ ഇ​ട​ത്​ അ​നു​കൂ​ല ജീ​വ​ന​ക്കാ​രു​ടെ​ സം​ഘ​ട​ന​യാ​യ കെ.​ജി.​ഒ.​എ​യു​ടെ​യും പ്ര​തി​ഷേ​ധ വ​ല​യം ഭേ​ദി​ച്ചാ​ണ് രാ​വി​ലെ ഒ​മ്പ​തേ മു​ക്കാ​ലോ​ടെ സി​സ തോ​മ​സ് എത്തി​യ​ത്. ചു​മ​ത​ല​യേ​റ്റെ​ടു​ത്ത​ത്​ രേ​ഖ​പ്പെ​ടു​ത്താ​നു​ള്ള ര​ജി​സ്റ്റ​ർ സി​സ തോ​മ​സി​ന് ന​ൽ​കാ​ത്ത അ​സാ​ധാ​ര​ണ ന​ട​പ​ടി​യും സ​ർ​വ​ക​ലാ​ശാ​ല​യി​ലു​ണ്ടാ​യി.

സം​സ്ഥാ​ന സ​ര്‍ക്കാ​ര്‍ നി​ര്‍ദേ​ശി​ച്ച പേ​രു​ക​ള്‍ രാ​ജ്ഭ​വ​ന്‍ ത​ള്ളി​യാ​ണ് സാ​​ങ്കേ​തി​ക വി​ദ്യാ​ഭ്യാ​സ വ​കു​പ്പി​ൽ സീ​നി​യ​ർ ജോ​യ​ന്‍റ് ഡ​യ​റ​ക്ട​റാ​യ​ ഡോ. ​സി​സ തോ​മ​സി​ന് വി.​സി​യു​ടെ താ​ൽ​ക്കാ​ലി​ക ചു​മ​ത​ല ന​ല്‍കി​യ​ത്. പു​തി​യ വി.​സി​യെ സ​ർ​വ​ക​ലാ​ശാ​ല ക​വാ​ട​ത്തി​ൽ ത​ന്നെ എ​സ്.​എ​ഫ്.​ഐ പ്ര​വ​ർ​ത്ത​ക​ർ ത​ട​ഞ്ഞു. തുടർന്ന് പൊ​ലീ​സി​ന്‍റെ അ​ക​മ്പ​ടി​യോ​ടെ വി.​സി അ​ക​ത്തേ​ക്ക് പ്ര​വേ​ശി​ച്ചു. സ​ർ​വ​ക​ലാ​ശാ​ല​ക്ക​ക​ത്ത് ഇ​ട​ത് അ​നു​കൂ​ല സം​ഘ​ട​ന പ്ര​വ​ർ​ത്ത​ക​ർ പ്ര​തി​ഷേ​ധ​ിച്ചു. പൊ​ലീ​സും പ്ര​വ​ർ​ത്ത​ക​രു​മാ​യി ഉ​ന്തും​ത​ള്ളു​മു​ണ്ടാ​യി.

പ്ര​തി​ഷേ​ധം പ്ര​തീ​ക്ഷി​ച്ചി​രു​ന്നെ​ന്നും പു​തി​യ വി.​സി വ​രു​ന്ന​തു​വ​രെ താ​ൻ ചു​മ​ത​ല നി​ർ​വ​ഹി​ക്കു​മെ​ന്നും സി​സ തോ​മ​സ്​ പ​റ​ഞ്ഞു. സ​ർ​വ​ക​ലാ​ശാ​ല​യു​മാ​യി ബ​ന്ധ​പ്പെ​ട്ട് നി​ര​വ​ധി പ​രാ​തി​ക​ൾ ല​ഭി​ച്ചി​ട്ടു​ണ്ട്. ഇ​തൊ​ക്കെ പ​രി​ഹ​രി​ക്കേ​ണ്ട​തു​ണ്ടെ​ന്നും ഡോ. ​സി​സ തോ​മ​സ് വ്യ​ക്ത​മാ​ക്കി. ര​ജി​സ്ട്രാ​ർ സ്ഥ​ല​ത്തി​ല്ലാ​ത്ത​തി​നാ​ലാ​ണ് ര​ജി​സ്റ്റ​ർ ന​ൽ​കാ​ത്ത​തെ​ന്നാ​ണ്​ സ​ർ​വ​ക​ലാ​ശാ​ല​യു​ടെ വി​ശ​ദീ​ക​ര​ണം. അ​സി. ര​ജി​സ്ട്രാ​ർ ഉ​ൾ​പ്പെ​ടെ​യു​ള്ള​വ​ർ പ്ര​തി​ഷേ​ധ​ത്തി​ൽ പ​ങ്കെ​ടു​ക്കു​ക​യും ചെ​യ്തു. ഇ​തി​നെ​ത്തു​ട​ർ​ന്ന് പേ​പ്പ​റി​ൽ ജോ​യ​നി​ങ് റി​പ്പോ​ർ​ട്ട്​ രേ​ഖ​പ്പെ​ടു​ത്തി രാ​ജ്ഭ​വ​നെ രേ​ഖാ​മൂ​ലം അ​റി​യി​ച്ചാ​ണ് വി​സി​യു​ടെ ചു​മ​ത​ല ഏ​റ്റെ​ടു​ത്ത​ത്. തു​ട​ർ​ന്ന് ഉ​ച്ച​യോ​ടെ പൊ​ലീ​സ് സു​ര​ക്ഷ​യി​ൽ വി.​സി പു​റ​ത്തേ​ക്ക് പോ​യി.