You are here

ശിരുവാണി ഡാം: കേരള ബസുകൾ തടയാൻ ശ്രമിച്ച 60ലധികം പേർ അറസ്​റ്റിൽ

20:02 PM
10/09/2019
Siruvani-Dam

കോയമ്പത്തൂർ: നഗരത്തി​​െൻറ കുടിവെള്ള ആശ്രയമായ ശിരുവാണി ഡാമിലെ ജലവിതാനം പൂർണശേഷിയിൽ നിലനിർത്താൻ അനുവദിക്കാത്ത കേരള സർക്കാർ നിലപാടിൽ പ്രതിഷേധം. ചൊവ്വാഴ്​ച വൈകീട്ട്​ അഞ്ചിന്​​ ഗാന്ധിപുരം തിരുവള്ളുവർ ബസ്​സ്​റ്റാൻഡിൽ തന്തൈ പെരിയാർ ദ്രാവിഡ കഴകം, വിടുതലൈ ശിറുതൈകൾ കക്ഷി ഉൾപ്പെടെ 11 തമിഴ്​ സംഘടനകളുടെ ആഭിമുഖ്യത്തിൽ കെ.എസ്​.ആർ.ടി.സി ബസുകൾ തടയാൻ ശ്രമിച്ചത്​ സംഘർഷത്തിനിടയാക്കി. ബസ്​സ്​റ്റാൻഡ്​ കവാടം ഉപരോധിച്ച 60ലധികം പ്രവർത്തകരെ പൊലീസ്​ അറസ്​റ്റ്​ ചെയ്​ത്​ നീക്കി. 

പാലക്കാട്​ ജില്ലയിൽ സ്​ഥിതി ചെയ്യുന്ന ശിരുവാണി ഡാമി​​െൻറ പരമാവധി സംഭരണശേഷി 49.5 അടിയാണ്. കഴിഞ്ഞ ദിവസം കേരള-തമിഴ്​നാട്​ വാട്ടർ അതോറിറ്റി ഉദ്യോഗസ്​ഥർ തമ്മിൽ തിരുവനന്തപുരത്ത്​ നടന്ന ചർച്ചയിൽ ജലവിതാനം 45 അടിവരെ ഉയർത്താൻ ധാരണയിലെത്തിയിരുന്നു. കഴിഞ്ഞ വർഷത്തെ പ്രളയത്തെ തുടർന്ന്​ സംസ്​ഥാനത്തെ മുഴുവൻ അണക്കെട്ടുകളിലും പൂർണ തോതിൽ ജലവിതാനം നിലനിർത്തേണ്ടതില്ലെന്നാണ്​​ കേരള സർക്കാറി​​െൻറ നയപരമായ തീരുമാനം.

ഇതി​​െൻറ ഭാഗമായി ഡാമിൽ ജലവിതാനം ഉയരു​േമ്പാൾ അധികജലം ശിരുവാണി നദിയിലേക്ക്​ ഒഴുക്കിയിരുന്നു. എന്നാൽ, മുൻകാലങ്ങളിലേത്​ പോലെ ശിരുവാണി ഡാമിൽ 49.5 അടി വരെയും ജലവിതാനം നിലനിർത്തണമെന്നാണ്​ തമിഴ്​ സംഘടനകളുടെ ആവശ്യം. 

Loading...
COMMENTS